Matewu 7:12 - Bhiblia Yo Sawuleka

¹² Ngu toneto, koko, totshe ti mi ti lavako kuve mi mahela vathu, va maheleni nanu. Awuwa ngu wona Mlayo ni gondo ya vaprofeti.”

Matewu 7:12 Referans Kwoze

Luka 6:31

Ati mi ti dhundako ku vamwani va txi mi mahela tona, na nanu va maheleni toneto;

Levhi 19:18

U nga pandiseke, kambe u nga ve ni txiviti ngu vathu va ka kwanu, aniko randa mwakelani wako nga ti u ti randisako tona awe upune. Ani ngani Mkoma!

Mika 6:8

Ene a kuzivisile, awe m'thu, a ti i ku ta tinene; ni ti Mkoma a ti kombelako kwako, kuva u maha kululama, u randa tinene, u tsimbila ngu kutinamisa ni Txizimu txako.

1 Timoti 1:5

Txivangelo txa txileleto txiya ngu lirando, li li humako ka mbilu yo basa, ka livhalo la linene ni ka likholo lo mbi na kukanganyisa.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Ezekhiyele 18:21

Aniko ngako m'bihi a txi hunduluka ka sionho si a nga si maha, se a txi xayisa sotshe sileleto sangu, a txi maha tinene ni kululama, ngu ditshuri a na hanya; kha na mbi fa.

Matewu 5:17

“Mi nga alakanyeni ti to ni tete ku ta fuvisa Mlayo wa Mosi mwendo gondo ya vaprofeti. Kha na tela ku ta fuvisa, aniko ni tete ku ta tatisa.

Jakobe 2:8

Ngu toneto, ngako mi txi veketa mlayo wu i ku wa hombe ka yotshe, madingano ni Mibhalo yi yi ku kha yona: “U na randa muakelani nga ti u ti randisako tona,” eho mi maha ta tinene.