Matewu 7:11 - Bhiblia Yo Sawuleka

¹¹ Ngu konaho, hambi anu mi ku vathu va tshofu mi zivako kuninga sa sinene ka vanana vanu, ngutu-ngutu Tate wanu wa nzumani kha na mbi pindisa kuvaninga sa sinene ava va mu kombelako kani?

Matewu 7:11 Referans Kwoze

Jakobe 1:17

Sotshe sihiwa sa lisima, sotshe siningo sa kuhetiseka, si ta ngu txitimwi, si txi txhika ngu ka Tate wa liwoningo, awu a ku si nga ni kutxitxa, awu kuwoninga kwakwe ku ku si nga ni kutxitxa ku txi maha txidema.

Varoma 8:32

Txona txi nga mbi felela Mwanana wa txona, kambe txi nga mningela ngu mhaka yathu hotshethu, ina kha txi na mbi hi ninga silo sotshe kumweko nayo kani?

Masalmo 84:11

Nguko Mkoma liwoningo lathu ni m'vhikeli wathu; ene wa randa ni kudhunda avale va hanyako ngu kululama kha va lambeli ni txa tximwetxo tximaha txa txinene.

Johani 3:16

Nguko Txizimu txi kombile lirando ka vathu, ahawa txi nga za txi ningela Mwanana wa txona wa Mmweyo ekha, kufela ku, votshe va va no kholwa kwakwe, va si lovi, aniko va na mana wutomi wo mbi guma.

Isaya 49:15

Ina wamsikati a nga sikota kudivalisa eto mwanana wu a m'wunjako, asi mxanisekeli, mwanana wa mndani kwakwe kani? Aniko hambi i diku o m'divala, ani koko kha ni na mbi kudivala.

Masalmo 86:15

Aniko awe, Mkoma, u Txizimu txa wunene ni wumbilu, u wa kutimisela, u di tate ngu wunene ni kuthembeka.

1 Johani 4:10

Lirando la Txizimu ngu liya: Hi nga athu hi nga randa Txizimu, txona ngu txona txi nga hi randa, txi hi rumela Mwanana wa txona, ku ta maha mhamba ya kudihela sionho sathu.

Masalmo 86:5

Nguko awe, Mkoma, u wamnene, wa divalela; wa amukela ngu mbilu votshe vale va ku khozelako.

Genesisi 8:21

Se Mkoma a to hefemula, a txi pfa kubhumula, a txi khene kha Mkoma mbiluni kwakwe: “Ani kha ni na mbi ngadi ni ruketela ditiko ngu mhaka ya m'thu, nguko mipimiso ya mbilu ya m'thu njo biha, kukhukhela wananani kwakwe; kha ni na mbi ngadi ni daya kambe sotshe sivangwa si si hanyako, kufana ni ti ni nga ti maha.

1 Johani 3:1

Wonani lirando la kuxamalisa la Tata; a nga hi ninga mathomo a ku hi maha vanana va Txizimu! Hi vanana va txona ngu ditshuri. Ngu toneto, ditiko kha di hi zivi; nguko ni Txizimu kha da txi ziva.

Genesisi 6:5

Se Mkoma Txizimu a to wona tito, kubiha ka vathu ka anda ha mafuni, ni ti to mipimiso ya timbilu tawe yi va yisa kubihani yotshe mbimo.

Mika 7:18

I mani wo fana ni nawe, u divalelako wubihi u divala ni wueyisi wa miboti ya thomba yako kani? Mkoma kha veki kupandiseka kwakwe yotshe mbimo, nguko a tsakiswa ngu wumbilu amu ka wunene.

Malakiya 1:6

Mwanana wa mfana a na thava tate wakwe, ni txithumi txi na thava nyamne wa txona; se, ngako ani ni di tate, txi hayi txithavo kwangu kani? Ngako ani ni di Mkoma, ku hani kuthavwa kwangu kani? Kuwomba Mkoma wa Mabutho a Tiyimbi kwanu, anu vaphaxeli, mi txhipisako ditina dangu, mi txi khanu: Hi di txhipisisa kutxani ditina dako kani?

Masalmo 85:12

Ene Mkoma a na hi ninga makatekwa ni ditiko dathu di na ninga mihando ya dona.

Varoma 3:19

Kambe ha tiziva ti to totshe ti ti wombwako ngu mlayo ti wombwa ka va va ku hahatshi ka mlayo, kasiku sotshe sisofu si tsiwa, votshe vathu ve manwa na va di ni mnandu masoni ka Txizimu.

Vagalatiya 3:22

Aniko mibhalo yi womba ti to sotshe si sungilwe ngu txionho, kasiku txithembiso txi ningwa ka va va tumelako ngu kukholwa ka Jesu Kristu.

Varoma 3:9

Se hi na txani kani? Ina athu Vajudha hi ngadi ni to pala vamwani kani? Lambi, ni kudotho! Nguko hi kombisile ngu kale ti to hambi i di Vajudha, hambi i di Vagriki, va hahatshi ka txionho;

Jeremiya 33:14

“Wona taku, mata masiku, kuwomba Mkoma, ayo ni no tatisa mhaka ya yinene, ayi ni nga yi womba ngu nyumba ya ka Israyeli, mayelano ngu nyumba ya ka Judha.”

2 Samuwele 7:19

Eto ti vi tidotho masoni kwako, Mkoma Txizimu, aniko awe u wombawombile ngu nyumba ya txithumi txako ka timbimo ti titako; Ina ngu txona etxo txihena txa vathu, awe Mkoma Txizimu kani?

Hoseya 14:2

Wombani mapswi anu, se mi hundulukela ka Mkoma, mi txi khanu: Thavisa wotshe wubihi, u amukela wunene; se hi na kuninga mphaxo wa sisofu sathu ku nga marole.

Jeremiya 17:9

Se mbilu mkanganyisi kupinda sotshe silo, yi sinile; i mani a no yi ziva kani?

Jobe 15:16

Ti mahisa kutxani taku m'thu e ti nyenyezisa ni kuva ni manyala, e sela wubihi ku nga mati kani?

Isaya 63:7

Ni na khumbuka wunene wa Mkoma, ni wungi wa wudhumo wa Mkoma, madingano ni totshe ti Mkoma a nga hi ninga, ni wunene wakwe wa hombe ka nyumba ya ka Israyeli, a nga va mahela madingano ni wumbilu wakwe, ni madingano ni kutala ka wunene wakwe.

Matewu 7:10

Mwendo ngako a txi kombela txihaka, a nga mninga mnyoka, kani?

Matewu 23:9

Ha mafuni hawa, m'thu mi nga mu dhaneni ku i tate wanu, nguko Tate wanu mmweyo, awule a ku nzumani.