Matewu 6:6 - Bhiblia Yo Sawuleka

⁶ Kambe awe, ngako u txi khongela, wulela nyumbani kwako, seka ditimba, u txi khongela ngu malengo ka Tate wako; se Tate wako a wonako ti ti ku kusisalani a na kutshumetela.”

Matewu 6:6 Referans Kwoze

2 Vafumeli 4:33

Sekoko a to wulela, e va sekela ditimba votshe vavambidi, e khongela ka Mkoma.

Matewu 14:23

Ngako a di gwitile kusalisana ni vathu, a to kwela mmangoni Ene ekhalela, kasi kuya maha mkombelo. Se diswa ditambo, ene a di ekhalela konaho.

Isaya 65:24

Se ku na maheka ti to ni va xamula, va sanzi kupeka huwa; va txi ngadi ve womba-womba ni na va engisa.

Mithumo 9:40

Se Pedro a to humisa hahanze votshe vathu vale, e khizama a txi khongela. Se a di rendekete txirumbi, a to khene: “Tabhita, wuka!” Ene a to tula maso e wonetela Pedro se e khalahatsha.

Isaya 26:20

Tsulani, koko, anu vathu vangu, wulelani tinyumbani kwanu mi ti sekela matimba, baramani ngu mbimoanyana, kala kuza kuboxa kuhenya.

Masalmo 34:15

Maso a Mkoma ma wonetela vo lulama ni tinzeve takwe ti engisela huwa yawe.

Matewu 6:18

kasi u si woneki ka vathu ti to u ti tonile sakudya, aniko ti na ziwa ngu Tate wako a ku kusisalani, se Tate wako awu a wonako sa kusisalani, a na kutshumetela.”

Mithumo 10:9

Mangwanani ka kona, ngako va di ngadi hanzila, na va di hafuhi ni didhoropa, Pedro a to kwela txitimwi ka nyumba eya khongela kona; kutilava kuva txikhati txa dhina.

Matewu 6:4

ti to asi u ningako si zumba kusisalani; se Tate wako a wonako kusisalani a na kutshumetela.”

Vaefesu 3:14

Ngu toneto, na khizama masoni ka Tate,

Varoma 8:5

Nguko ava va tsimbilako ngu kunavela ka mmidi va khatalela sa mmidi; aniko ava va tsimbilako ngu ka Moya, va khatalela sa Moya.

Mithumo 10:30

Se Korneliyo a to xamula, a txi khene: “Kupindile masiku mararu kala konkuwa, ni ti maneka ni txi khongela nyumbani kwangu, ngu txikhati txa wutxhanu ni mune. Konako ni to wona m'thu a di emile masoni kwangu, na a di ambate tinguwo to phatima, a txi khene:

Johani 1:48

Nathaniyele a txi khene kwakwe: “U ni zivela hani kani?” Jesu a to mu xamula a txi khene: “Na Filipi a sanzi ku kudhana, ani ni ku woni u di hahatshi ka mkuwu.”

Johani 20:17

Jesu a to khene kwakwe: “U nga ni gwese, nguko kha ni nzi kuya ka Tata. Aniko tsula ka vanathu, u txi ya va gela, u txi khawe: Na kwela, ni ya ka Tate wangu, i ku Tate wanu; ka Txizimu txangu, i ku Txizimu txanu.”

Mavingu 25:22

nguko u na sengeletela makala a mndilo ha msungo kwakwe; se Mkoma a na ku hakela.