Matewu 6:34 - Bhiblia Yo Sawuleka

³⁴ Ngu toneto, mi nga karatekeni ngu sa ditshiku da mangwana, nguko ditshiku da mangwana di na ni sikarato sa dona. Ditshiku ni ditshiku di dinganelwa ngu sikarato sa dona.”

Matewu 6:34 Referans Kwoze

Matewu 6:25

“Ngu toneto, na mi gela ku khani: Mi nga karatekeni ngu sa kuhanya kwanu, asi mi fanelako kudya mwendo asi mi fanelako kusela, hambi ngu si mi fanelako kuambala ha mmidi kwanu. Kasi kuhanya kha ku pindi sakudya kani? Ni wona mmidi ina kha wu nga ni lisima ngutu kupinda sa kuambala kani?

Johani 14:27

“Kudikha na kusiya kwanu, na mi ninga kudikha kwangu. Kha ni mi ningi kufana ni ti ditiko di ningisako tona. Mbilu yanu yi nga karateke, hambi ni kuthava.

Johani 16:33

Ni mi gete timhaka tiya kasiku, kwangu, mi va ni kudikha. Mi nava ni sixaniso mu ditikoni, kambe tsanani msana, ni di xute ditiko.”

Luka 11:3

Hi he sakudya sathu sa ditshiku ni ditshiku;

Sidilo 3:23

Wumbilu wa Mkoma, wu woneka i di wa wuphya ka ditshiku ni ditshiku; kuthembeka kwako Mkoma nga hombe.

Matewu 6:11

Hi he nyamsi sakudya sathu sa ditshiku ni ditshiku.

Mithumo 14:22

Va ti tsimbila va txi tsanisa timbilu ta vagondiswa ni ku va laya ti to ve timisela amu ka likholo, nguko, kha vona, hi fanete kuamukela sixaniso sasingi, kasiku hi sikota kuwulela Mfumoni ka Txizimu.

Dhewuteronome 33:25

Sikhoto sako si na va sa simbi ni koporo; mtamo wako wu na simama nga masiku a kuhanya kwako.”

Matewu 6:27

I mani, hagari kwanu, a sikotako kuengetela kudotho txiemo txakwe kani?”

Luka 10:41

Aniko Mkoma a to mu xamula a txi khene: “Marta, Marta, u vilela u txi ti karata ngu sasingi;

Luka 12:11

Ngako va txi mi yisa masinagogani ni ka vafumeli, ni ka vakoma, mi nga thukeni mi txi kana-kana ngu ti mi no ti xamulelisa tona, ni ti mi no womba.

Luka 12:22

Se a to khene ka vagondiswa vakwe: “Ngu toneto, ni khani kwanu: Mi nga thukeni mi vilela ngu sa wutomi wanu, ti to mi na dya txani, hambi ni si sa mmidi wanu, ti to mi na ambala txani.

Vafilipiya 4:6

Mi nga karatekeni ngu txilo, vanathu, aniko mikombelo yanu yi na kombe minavelo yanu ni kubonga kwanu ka Txizimu.

1 Pedro 5:7

Vekani ka Txizimu kotshe kukarateka kwanu, nguko txona txa mi khatalela.