Matewu 6:30 - Bhiblia Yo Sawuleka

³⁰ Se ngako koko Txizimu txi txi ambekisa tiya mwasi wa txitingani, awu nyamsi wu hanyako, se mangwana wu no wilwa wu tshotshwa ha mndiloni, ina txi nga lamba ku mi ambeka ngutu anu, vathunu va likholo la lidotho kani?”

Matewu 6:30 Referans Kwoze

Luka 12:28

Se akuwa Txizimu txi ambekisako tiya mwasi wu wu ku txitingani nyamsi, kuve mangwana wu na tshotshwa mndiloni, ngutu-ngutu txi na mi ambeka anu, vathu va kukholwa ka kudotho!

Matewu 14:31

Jesu kunukunuko a to nawuluta diwoko dakwe, e mñola, na a txi mu gela tiya: “M'thu wa kukholwa ka kudotho, nji txani u txi kana-kana?”

1 Pedro 1:24

Nguko, m'thu wuhi ni wuhi a fana ni mwasi, kupfaliswa kwakwe kotshe, kufana ni txiluva txa mwasi, mwasi wa oma, se txiluva txi mora,

Matewu 16:8

Kambe Jesu, ngukuva a di ti zivile totshe, a to khene kwawe: “Vathu va kukholwa ka kudotho! Nji txani mi wombawombisana mi txi khanu: Ngu kuwa mi nga mbi teka mapawu kani?

Matewu 8:26

Se Jesu a to khene kwawe: “Anu vathu va kukholwa ka kudotho, mi ni dizowa ngu txani kani?” Sekoko a to khukha a txi ema, e dhusa txihuhuri ni linene; ngu msana keto, ku to tenga ngutu.

Johani 20:27

Ngu msana a to gela Tomasi, a txi khene: “Tisa litiho lako ahawa, u txi wona manza angu; tshuketisa dianza dako, u txi di beta ha didhawani kwangu, u nga swe kambe u txi ti maha mkaneti, aniko kholwa.”

Marku 4:40

Se a txi khene kwawe: “Mi thavisa tiya ngu txani kani? Kha mi nzi kuva ni kukholwa kani?”

Vahebheru 3:12

Wonani, vanathu, ti to ku si thuki ku txi va ni wammweyo hagari kwanu, wa mbilu yo biha, ni ya ku ambi kholwa, yi txi mi hambanisa ni Txizimu txi txi hanyako.

Luka 9:41

Jesu a to xamula a txi khene: “Anu livelekonu la kwa mbi kholwa ni lo gombonyeka, ni na va ni nanu ni kulaphisa mbilu kala ditshiku muni kani? Tisa mwanana wako hawa.”

Marku 9:19

Jesu a to xamula a txi khene: “Anu, liveleko la kwa mbi kholwa, ni na va ni nanu kala mbimo muni? Ni na timisela ngu nganu kala txikhati muni kani? Mu neheni kwangu.”

Matewu 17:17

Jesu a to xamula a txi khene: “Liveleko la vathu va ku ambi kholwa ni vo soholoka, ni na va ni nanu kala txikhati muni kani? Ni na timisela ngu nganu kala ditshiku muni kani? Mu tiseni hawa kwangu.”

Masalmo 92:7

Vathu vo biha hambi va txi anda kufana ni mwasi vabihi hambi va txi engeteleka, Mkoma a na va fuvisa kala kupinduka.