Matewu 6:28 - Bhiblia Yo Sawuleka

²⁸ “Nji txani mi txi karateka ngu syambalo kani? Pimisani ati ma kulisako tona makhoñwa a txitinga: Kha ma thumi, kha ma luki.

Matewu 6:28 Referans Kwoze

Matewu 6:25

“Ngu toneto, na mi gela ku khani: Mi nga karatekeni ngu sa kuhanya kwanu, asi mi fanelako kudya mwendo asi mi fanelako kusela, hambi ngu si mi fanelako kuambala ha mmidi kwanu. Kasi kuhanya kha ku pindi sakudya kani? Ni wona mmidi ina kha wu nga ni lisima ngutu kupinda sa kuambala kani?

Vafilipiya 4:6

Mi nga karatekeni ngu txilo, vanathu, aniko mikombelo yanu yi na kombe minavelo yanu ni kubonga kwanu ka Txizimu.

Luka 12:27

Wonani makhoñwa: Kha ma thumi, kha ma luki, aniko ani na mi gela tito, hambi Solomoni wudhumoni kwakwe, kha bomba nga dimwedo ka ona.

Matewu 6:31

“Ngu toneto, mi nga vileleni mi txi khanu: ‘Hi na dya txani kani?’ Mwendo: ‘Hi na sela txani kani?’ Niku mwendo: ‘Hi na ambala txani kani?’

Luka 3:11

Ene a to va xamula a txi khene: “Awule a ku ni mabhaji mambidi, a na abane ni wule a ku si nga ni da dimwedo; awule a ku ni sakudya a na mahe toneto nene.”

Matewu 10:10

hambi kuva ni mkwama wa nzila, hambi mabhaji mambidi, hambi masandazi, hambi ndonga; nguko txithumi txi fanetwe ngu muholo wa txona.”

Hoseya 14:5

Ka Israyeli ani ni na fana ni mwando, ene a na tshura kufana ni siluva, kambe a na hangalasa mitwi yakwe kufana ni Libhanoni.

Matewu 6:27

I mani, hagari kwanu, a sikotako kuengetela kudotho txiemo txakwe kani?”

Luka 10:41

Aniko Mkoma a to mu xamula a txi khene: “Marta, Marta, u vilela u txi ti karata ngu sasingi;

Luka 12:11

Ngako va txi mi yisa masinagogani ni ka vafumeli, ni ka vakoma, mi nga thukeni mi txi kana-kana ngu ti mi no ti xamulelisa tona, ni ti mi no womba.

Luka 12:22

Se a to khene ka vagondiswa vakwe: “Ngu toneto, ni khani kwanu: Mi nga thukeni mi vilela ngu sa wutomi wanu, ti to mi na dya txani, hambi ni si sa mmidi wanu, ti to mi na ambala txani.

1 Pedro 5:7

Vekani ka Txizimu kotshe kukarateka kwanu, nguko txona txa mi khatalela.