Matewu 6:25 - Bhiblia Yo Sawuleka

²⁵ “Ngu toneto, na mi gela ku khani: Mi nga karatekeni ngu sa kuhanya kwanu, asi mi fanelako kudya mwendo asi mi fanelako kusela, hambi ngu si mi fanelako kuambala ha mmidi kwanu. Kasi kuhanya kha ku pindi sakudya kani? Ni wona mmidi ina kha wu nga ni lisima ngutu kupinda sa kuambala kani?

Matewu 6:25 Referans Kwoze

Vafilipiya 4:6

Mi nga karatekeni ngu txilo, vanathu, aniko mikombelo yanu yi na kombe minavelo yanu ni kubonga kwanu ka Txizimu.

1 Pedro 5:7

Vekani ka Txizimu kotshe kukarateka kwanu, nguko txona txa mi khatalela.

Varoma 8:32

Txona txi nga mbi felela Mwanana wa txona, kambe txi nga mningela ngu mhaka yathu hotshethu, ina kha txi na mbi hi ninga silo sotshe kumweko nayo kani?

Masalmo 55:22

“Veka wutomi wako manzani ka Mkoma se ene a na kuxayisa, txima kha na mbi leka m'thu wo lulama e xaniseka yotshe mbimo.”

Matewu 6:31

“Ngu toneto, mi nga vileleni mi txi khanu: ‘Hi na dya txani kani?’ Mwendo: ‘Hi na sela txani kani?’ Niku mwendo: ‘Hi na ambala txani kani?’

Marku 4:19

kambe kukhutalela sa mafu awa, ni kukanganyiswa ngu tithomba, ni kunavela ka silo simwani, ku txi welela vona, ku txi kura dipswi, se di si veki mihando.

Matewu 10:19

Aniko ditshiku di va mi ningelako kwawe, mi nga karatekeni ngu kulava kuziva ati mi no womba tona ni mawombawombelo a kona.

1 Vakorinto 7:32

Ani ni ti dhunda ti to mi si zumbi ngu kukarateka. Awu a nga mbi teka msikati a khutalela kumaha kuranda ka Mkoma, kumaha ti ti sikotako kutsakisa Mkoma;

Matewu 6:34

Ngu toneto, mi nga karatekeni ngu sa ditshiku da mangwana, nguko ditshiku da mangwana di na ni sikarato sa dona. Ditshiku ni ditshiku di dinganelwa ngu sikarato sa dona.”

2 Timoti 2:4

A walo m'thu wu, a ku, a di yimbini, a txi ti ningetela ka mithumo ya kuhanya kuwa, ngako a txi lava kutsakisa awule a nga mramba ku ta yimbini.

Luka 8:14

Ati ti nga wela mipani, ngu va va nga engisa dipswi, aniko, va di ngadi ve tsula masoni, va to di leka di kamaretwa ngu kuvilela ni kudhunda tithomba, ni kutitsakela ka wutomi wuwa, se va si ngadi ve veka mihando ya kuvitwa.

Matewu 13:22

Awule a nga amukela mbewu hagari ka mipa, ngu wule a engisako dipswi, aniko sithikamezo sa ditiko ni kuxengwa ngu tithomba, sa kama dipswi kasi di si veleki mihando.

Luka 12:11

Ngako va txi mi yisa masinagogani ni ka vafumeli, ni ka vakoma, mi nga thukeni mi txi kana-kana ngu ti mi no ti xamulelisa tona, ni ti mi no womba.

Marku 13:11

Ngako va txi mi ndinda va txi mi yisa kulamulwani mi nga thukeni mi vilela ngu ti mi no ya ti womba, aniko wombani ati mi no ningwa ka yoneyo mbimo, nguko hi nga anu mi no womba-womba, aniko i Moya wo Sawuleka.”

Jeremiya 45:5

U ti lavela wuhombe kani? U nga wu lave, nguko ni na tisa dikhombo ka yotshe nyama, kuwomba Mkoma; ni na ningela wutomi wako wu txi xakelwa, ka otshe makhalo u no ya ka ona.