Matewu 6:20 - Bhiblia Yo Sawuleka

²⁰ Aniko sengeletelani tithomba tanu nzumani, ahawa sumba ni kubhirela si si dyiko, ni hawa makhokhokho ma si doliko ma txi pa.

Matewu 6:20 Referans Kwoze

Luka 12:33

“Xavisani simaha sanu, mi txi vhuna sisiwana. Mahani mikwama yo mbi sakala, mi txi veketa txuma txanu txo mbi guma nzumani, amuwa ku si tshuketiko dikhamba, hambi sumba yi si doliko.

Matewu 19:21

Jesu a to xamula, a txi khene: “Ngako u txi lava kumaha m'thu wo hetiseka, tsula u txi ya xavisa sotshe si u ku naso, u txi ninga sisiwana, u na ya mana thomba nzumani; se ngono u txi ni londisa.”

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

1 Timoti 6:19

Va txi mahisa eto, va na va va txi ti vekela txuma txo tshura, txo tsana, txa mbimo yi yi tako, kasiku ve mana wutomi wa ditshuri.

Luka 18:22

Ku ti ngako Jesu a txi pfa toneto, a to khene kwakwe: “Njilo tximwetxo txi pwatekako kwako. Xavisa sotshe si u ku naso, u txi avela sisiwana, ngu kona u no va ni txuma nzumani; senikoko, ngono u txi ni londisa.”

Mtuletelo 2:9

Na kuziva kuxaniseka kwako ni wusiwana wako kambe awe u nyatithombe, ni ziva ni siruko si va ku rukako ngu sona vamwani va ti dhanako ku mba Judha, na i si nga vona, aniko vona i disinagoga da Sathani.

Vahebheru 11:26

Ene a woni kuxaniswa ka Kristu ku di ni lisima ngutu, kupinda tithomba ta Egipta, nguko, ene a ti rinzela kuamukela hakhelo.

1 Timoti 6:17

Ka vanyatithombe va ha mafuni muwa, va laye ti to va si ti kulisi, va si veki kuthemba kwawe ka thomba yo mbi tsana, aniko ve themba Txizimu, txi hi wuyiselako sotshe ngu ku hi tatela, kasiku hi tsaka.

1 Pedro 1:4

Kasi hi va ni thomba yo mbi sina, ayi yi si sikotiko kunyetwa ngu txilo, mwendo kuwuna, ayi yi nga vekelwa anu nzumani;

1 Pedro 5:4

Se mbimo yi a nota humelela M'dyisi wa Hombe, mi nata amukela m'bhoti wo phatima wa kupfaliswa, awu wu si onhekiko.

Isaya 33:6

Se ku nava ni kuzumbiseka ka masiku ako, kutala ka kuhanyisa, wutxhari ni wuzivi; se kuthava Mkoma yi na va i di thomba yanu.

Vahebheru 10:34

Nguko, anu mi pfite kuxaniseka ngu vale va nga ti mikorani, mi tumete ngu kutsaka ve mi tekela simaha sanu, ngukuva mi ti ti kholwa ngu kutsana ti to mi na mana thomba ya tshuko ni yo mbina magwito.

Matewu 6:19

“Mi nga ti sengeleteleni tithomba ha mafuni, ahawa kubhirela ni sumba si dyako, ni hawa makhokhokho ma dolako ma txi pa.

Marku 10:21

Konaho Jesu a to gula maso a txi mu wonisisa ngu ku m'dhunda, se a txi mu gela tiya: “U pwatekelwa ngu txilo tximwetxo dwe: Tsula u txi ya xavisa sotshe si u ku naso, u txi ningela ka sisiwana. U na mana thomba nzumani. Se ngono u txi ni londeta.”