Matewu 6:19 - Bhiblia Yo Sawuleka

¹⁹ “Mi nga ti sengeleteleni tithomba ha mafuni, ahawa kubhirela ni sumba si dyako, ni hawa makhokhokho ma dolako ma txi pa.

Matewu 6:19 Referans Kwoze

Vahebheru 13:5

Mi nga fumweni ngu male kuhanyani kwanu. Tsakani ngu si mi ku naso, nguko Mkoma apune a wombile a txi khene: “Kha ni na mbi thuka ni kuleka, kha ni na mbi nga va ni ku kutshotsha.”

Luka 12:21

Ngu toneto, ti mahisako tona ka wule a sengeletelako tithomba, na i si nga nyatithombe wa txilo masoni ka Txizimu.”

Mavingu 16:16

I txhuko ngutu kumana wutxhari kupinda kumana nzalama! Kambe i txhuko ngutu kumana mapimo kupinda silivhela.

Mavingu 11:4

Thomba kha yi na txivhuno ka ditshiku da kuhenya ka Mkoma, aniko kululama ka txhatxhisa kufani.

Luka 18:22

Ku ti ngako Jesu a txi pfa toneto, a to khene kwakwe: “Njilo tximwetxo txi pwatekako kwako. Xavisa sotshe si u ku naso, u txi avela sisiwana, ngu kona u no va ni txuma nzumani; senikoko, ngono u txi ni londisa.”

1 Timoti 6:17

Ka vanyatithombe va ha mafuni muwa, va laye ti to va si ti kulisi, va si veki kuthemba kwawe ka thomba yo mbi tsana, aniko ve themba Txizimu, txi hi wuyiselako sotshe ngu ku hi tatela, kasiku hi tsaka.

Luka 12:33

“Xavisani simaha sanu, mi txi vhuna sisiwana. Mahani mikwama yo mbi sakala, mi txi veketa txuma txanu txo mbi guma nzumani, amuwa ku si tshuketiko dikhamba, hambi sumba yi si doliko.

Zefaniya 1:18

Hambi silivhela yawe mwendo nzalama yawe, kha si na mbi sikota ku va hulukisa, ka ditshiku da kuhenya ka Mkoma, aniko ngu mndilo wa kuhiseka kwakwe, otshe mafu awa ma na fuviswa, nguko kha ditshuri a na lovisa votshe vazumbi va ha mafuni ngu txidhukisa.

Luka 18:24

Ku ti ngako Jesu a di woni ti to ana ni dikhodho ngutu, a ti khene: “Ta karata ka va va ku ni tithomba kuwulela Mfumoni ka Txizimu.

Masalmo 62:10

Mi nga thembeni wukhinyavezi, mwendo ku ti kanganyisa ngu sile i ku sa walo. Ngako mi txi wona tithomba tanu ti txi tala, mi nga vekeni timbilu tanu ka tona.

Masalmo 39:6

Ene wa pinda kufana ni mtsudi! Kha ti vhuni txilo kusengeletela tithomba, na asi ti zivi ti to ti na sala ni mani.

Matewu 19:21

Jesu a to xamula, a txi khene: “Ngako u txi lava kumaha m'thu wo hetiseka, tsula u txi ya xavisa sotshe si u ku naso, u txi ninga sisiwana, u na ya mana thomba nzumani; se ngono u txi ni londisa.”

Jobe 31:24

Ngako ni ti vekile themba yangu ka nzalama, ni kungako ni ti wombile ka nzalama ku khani: Awe u themba yangu;

Ekleziyaste 2:26

Nguko Txizimu txa ninga wutxhari, ni wuzivi, ni litsako ka m'thu wule i ku mnene masoni ka txona; aniko ka muonhi txi mninga mthumo, kasi ku e sengeletela ni kuwungeletela, se e ninga wule a nga maha ta tinene masoni ka Txizimu. Eto ni tona mbukanganyisi, ni kuxaniseka ka moya.

Eksodha 22:2

Ngako dikhamba di txi manwa di txi gwanda ditimba di txi pa, se di txi baliswa di txi fa, awule a ngadi daya kha na mbi va ni mnandu wa kutheketa mnoha.

Jobe 24:16

txidemani si riyela miti yile si nga yi veka sivango ni mitshikari, kha si zivi ka nga lavana ni liwoningo.

Matewu 6:20

Aniko sengeletelani tithomba tanu nzumani, ahawa sumba ni kubhirela si si dyiko, ni hawa makhokhokho ma si doliko ma txi pa.

Luka 12:39

Yi engisiseni kha kwati mhaka yiya: Idiku nyamne wa m'ti wo txi ziva txikhati txi di nota ngu txona dikhamba, nga asi leki nyumba yakwe yi faywa.”