Matewu 6:16 - Bhiblia Yo Sawuleka

¹⁶ “Ngako mi txi ti tona sakudya, mi nga kombiseni kuthuvika khoheni, nga vaxengeteli, ava va thuvikako khoheni kwawe, kasiku va na woneka ka vathu ti to va ti tonile sakudya. Kha ditshuri na mi gela ti to va amukete ditshungulo dawe.

Matewu 6:16 Referans Kwoze

Nehemiya 1:4

Se ku to maheka taku, mbimo yile ni nga pfa mapswi eyo, ni to khalahatsha ni dila, ni karateka mndani ka masiku okari; ni to titona sakudya, ni kombela masoni ka Txizimu txa nzumani.

Dhaniyeli 9:3

Se ni to rendekelisa khohe yangu ka Mkoma Txizimu, kasiku ni txi mlava ngu mikombelo ni mikhongelo, ni ti tona sakudya, ni ambala nguwo ya disaka, ni ku ti theletela dikhuma.

Luka 18:12

Na ti tona sakudya kambidi ngu divhiki, na humisa sa wugumi ka sotshe si ni ku naso.’

Marku 2:18

Vagondiswa va Johani ni Vafarisi va ti ti tona sakudya. Se ve ta ka Jesu, va txi ta kha vona kwakwe: “Ngu kutxani vagondiswa va Johani ni Vafarisi va ti tonako sakudya, na kuve vagondiswa vako kha va ti toni, kani?”

Masalmo 69:10

Nguko hambi ni txi dila ni kutitona sakudya vona va ni xowokisela;

Masalmo 35:13

Kambe, mbimo yi vona va nga txi lwala, ani ni ti ambala disaka ni txi va xanisekela ngu kutitona sakudya ni ku va kombelela.

Mithumo 14:23

Msana ka kuva va di vekile madhota masoni ka otshe mabanza, ngu ku va sanzeka manza ni ku va khongelela ni kutitona sakudya, va to va veka manzani ka Mkoma, awu va nga kholwa kwakwe.

Matewu 6:5

“Se ngako mi txi khongela mi nga thukeni mi fana ni vaxengeteli va dhundako kukhongela va di emile masinagogani ni mahandakanyani ka tinzila, kasi kuwonwa ngu vathu; kha ditshuri na mi gela ti to va amukete ditshungulo dawe.

Matewu 6:2

“Ngu konaho, ngako u txi ha sisiwana, u nga thuke u txi veta mpundu masoni kwako, nga ti va mahako vaxengeteli masinagogani ni tinzilani, kasiku ve dhumiswa ngu vathu. Kha ditshuri ni khani kwanu: Va amukete ditshungulo dawe.

Esteri 4:16

Tsula u ya sengeleta votshe Vajudha vale va manekako Susani, mi titona sakudya ngu mhaka yangu, mi heta masiku mararu mi si dyi txilo hambi kusela wusiku ni mitshikari, se ani ni mahorana angu hi na maha toneto, hi titona sakudya nathu; ngu kumaha keto, ni na tsula kuya wonana ni mfumeli, hambi ku i singako mlayo; aniko ni txi lova, ni na love.

2 Samuwele 12:16

Se Dhavhidha a to kombelela mwanana ka Txizimu; kambe Dhavhidha e ti tona sakudya, e wulela nyumbani e otela hahatshi wusiku wotshe.

Masalmo 109:24

Mazolo angu ma nguda-nguda ngu mhaka ya kutitona sakudya ni mmidi wangu wa karala ngu kugoma.

1 Vafumeli 21:27

Mbimo yile koko, Akabe a nga pfa mapswi awa, a to vharula syambalo sakwe, a txi fenengeta mmidi wakwe ngu disaka, a txi ti tona; se a ti otela ha masakani, a txi tsimbila-tsimbila, ni dikhodho.

2 Vakorinto 11:27

Simwani kambe; mikaralo ni mithumo yo nemela, kupilela masiku amangi, nzala ni ditora, kuzumba ni si dyi txilo masiku amangi, pheho ni wusakato.

1 Vakorinto 7:5

Mi nga tonaneni, hahanze ka kuva mi txi pfana ngu wumbidi wanu ngu mbimwanyana, kasiku mi sikota ku ti ningela mkombeloni. Mi di gwitile, tshanganani kambe, kasiku Sathani asi mi duki ngu ku ambi ti ñola kwanu.

Luka 2:37

A ti tekilwe i di ngadi mbiri, e zumba ni mwamna wakwe mtxhanu wa malembe ni mambidi. Se konkuwa i ti noni ya mtxhanu ni mararu magumi, ni mune wa malembe. A ti si khukhi Dithepeleni, amuwa a nga txi khozela Txizimu, ngu kutitona sakudya ni kumaha mikombelo wusiku ni mitshikari.

Malakiya 3:14

Anu mi khanu: Kha ti vhuni txilo kuthumela Txizimu; ti hi vhunile txani kuxayisa sileleto sa txona, ni kutsimbila hi di ambate mizila ya txidilo masoni ka Mkoma wa Mabutho a Tiyimbi kani?

2 Samuwele 12:21

Se sithumi si to kha sona kwakwe: Nda txani tiya u mahako kani? Mbimo yile mwanana a nga ti hanya wu ti toni sakudya, u dila; kambe msana ka kuva mwanana a di fite, u to wuka, udya sakudya.

2 Vakorinto 6:5

Ni mu ka kukwapwa, ni mu ku khotelwani, ni mu ka kulwiswani, ni mu kuthumiswani, ni mu kuwonelelani, ni mu kutitonani ka sakudya,

Mithumo 10:30

Se Korneliyo a to xamula, a txi khene: “Kupindile masiku mararu kala konkuwa, ni ti maneka ni txi khongela nyumbani kwangu, ngu txikhati txa wutxhanu ni mune. Konako ni to wona m'thu a di emile masoni kwangu, na a di ambate tinguwo to phatima, a txi khene:

Matewu 6:1

“Ti woneleni ti to mi si mahi mithumo yanu ya yinene masoni ka vathu, kasi kuwonwa ngu vona; ngako mi txi mahisa eto, kha mi na mbi tshungulwa ngu Tate wanu wa nzumani.”