Matewu 6:12 - Bhiblia Yo Sawuleka

¹² Hi divalele sionho sathu ngako nathu hi va divalelako ava va hi onhelako.

Matewu 6:12 Referans Kwoze

Vaefesu 4:32

Zumbani mi di vavanene, mi txi pfelana wumbilu. Divalelanani kufana ni kuwa Txizimu ni txona txi nga mi divalela ngu ka Kristu.

Marku 11:25

Kungako mi txi ema mi khongela, divalelani wu mi ku ni mhaka nayo, ti to nene Tate wanu wu a ku nzumani, e mi divalela kuonha kwanu.

Vaefesu 1:7

Hi mani kutirulwa ngu ngene, hi mani divalelo ya sionho ngu mhaka ya mnoha wakwe, i ku kudivalelwa ka sionho sathu, ngu mtamo wa kutala ka tikateko ta Txizimu,

Vakolosa 3:13

mi timiselana ni kudivalelana mmwani ni mmwani, ngako m'thu a di ni txisolo ka mmwani, nga kule Kristu a nga mi divalela, na nanu mahisani toneto.

Luka 11:4

Hi divalele sionho sathu, nguko ha va divalela ava va ku ni minandu kwathu; u nga hi leke hi txi wa kudukwani.’ ”

Luka 6:37

“Mi nga lamuleni kasiku na nanu mi si lamulwi ngu Txizimu, mi nga ningeni mnandu vamwani, kasiku na nanu mi si ningwi mnandu; divalelani sionho sa vamwani, kasiku na nanu mi na divalelwa.

Eksodha 34:7

Wo tala ngu lirando la hombe, kala ka magumi a mazana a tiveleko, wo divalela wubihi, kueyisa ni sionho, aniko kha fananisi muonho ni wamnene; kambe wa tsayisa vanana ni vatukulu, kala ka liveleko la wuraru ni la wumune, ngu mhaka ya sionho sa vatate vawe.”

Masalmo 32:1

A katekile awule sionho sakwe si nga divalelwa, awule minandu yakwe yi nga divalelwa.

Masalmo 130:4

Aniko awe wa ziva kudivalela, kasiku athu hiva ni txithavo.

1 Vafumeli 8:39

va engise awe koko nzumaniyo, ka txitulu txi u zumbako ka txona, divalela, maha, ninga ka mmweyo ni mmweyo madingano ni mahanyelo akwe, ni ti u nga wonisako tona mbilu yakwe, nguko ngawe wekha u zivako timbilu ta vanana va vathu.

1 Vafumeli 8:30

Engisa kudila ka txithumi txako ni ka vathu vako va ka Israyeli, mbimo yi va khongelako ka wuwa wukhalo; kambe awe engisa, ka wukhalo wu u zumbako ka wona nzumani, engisa kambe divalela.

Isaya 1:18

Sekoko ngonani, hi ta wombawombisana, kuwomba Mkoma: Hambi ngako sionho sanu si di mi bhilivilisile mi fana ni txiwunguwungu, si na basa kufana ni hunguva; hambi ngako si di bhilivilisile kunzihala, si na nga matoya o basa.

Dhaniyeli 9:19

Awe Mkoma, engisa! Awe Mkoma, divalela! Awe Mkoma, hi pfisise, maha u nga swele; ngu kuranda kwako, awe Txizimu txangu; nguko didhoropa dako ni vathu vako va dhanwa ngu ditina dako.

1 Vafumeli 8:34

sekoko awe engisa u di nzumani, u divalela sionho sa vathu vako va ka Israyeli, u tshumela u va heleketa ka ditiko dile u nga thembisa ka vatate vawe.

1 Vafumeli 8:50

kambe divalela vathu vako, ngako va di kuonhete ka otshe mazumbelo awe aawa va nga ma hambanisa kwako; va mahele wumbilu masoni ka vale va nga va maha tikhumbi, kasi kuve va pfela wusiwana.

Mithumo 13:38

Vanathu, ti ziveni ti to kudivalelwa ka sionho ku nuwelwa kwanu ngu ngene m'thu wuwa.

Matewu 9:2

Se va to mu nehela m'thu wa kuoma sihango, a di otete ha didhandoni. Jesu a txi wona kutumela kwawe, a to khene ka m'thu wule wa kuoma sihango: “Mwanangu, tsanisa mbilu! Sionho sako si divaletwe.”

Matewu 26:28

Nguko awuwa mnoha wangu wa txitumelelano, wu na ku theketelwa vavangi, kasi ku na mana divalelo ya sionho.

Luka 13:4

Hambi vale va digumi ni mtxhanu ni vararu, va nga welelwa ngu txitezi txa Silowame, txi txi va daya, ina mi khanu i ti vaonhi va hombe ngutu kupinda votshe va va nga aka Jerusalema kani?