Matewu 6:10 - Bhiblia Yo Sawuleka

¹⁰ wu nate kwathu Mfumo wako, ku na mahwe kuranda kwako, amuwa mafuni nga nzumani.

Matewu 6:10 Referans Kwoze

Vahebheru 10:36

Kha ditshuri, mi fanete kuva ni kutimisela kasi ku mi txi maha kuranda ka Txizimu, mi mana asi txi nga mi thembisa sona.

Johani 4:34

Se Jesu a nje khene kwawe: “Sakudya sangu ngu kumaha kuranda ka wule a nga ni ruma ni kuhetisa mthumo wakwe.

Matewu 26:42

Ti di mahile eto, a to tsula ka wumbidi, eya khongela kambe, a txi khene: “Tata wangu, ngako ti si koteki ti to digombe diya di pinda ni sa di sela, ku na maheke kuranda kwako.”

Matewu 12:50

Nguko wuhi ni wuhi a no maha kuranda ka Tate wangu a ku nzumani, ngene i ku mwanathu ni ndiyangu ni mame wangu.”

1 Vatesalonika 5:18

Zivani kubonga ka totshe ti ti mi humelelako. Nguko, ngu tona tiya txi ti dhundako Txizimu kwanu, ngu ka Kristu Jesu.

Varoma 12:2

Mi nga xengetelweni ngu sa ditiko diya, aniko phindukani amu ka mapimo anu, kasiku mi ziva kuranda ka Txizimu: Ati i ku ta tinene, a ti ti mtsakisako, ni ti i ku ta kuhetiseka.

Johani 6:40

Ngu toneto, kuranda ka Tate ngu kuwa: Wuhi ni wuhi a wonako Mwanana e kholwa kwakwe, eva ni wutomi wo mbi guma; se ani ni na mu wusa ngu ditshiku da magwito.”

Vakolosa 1:9

Ngu konaho, nathu, txima hi txi engisa toneto, kha ha humula ku mi khongelela ni ku mi kombelela, ti to mi txi tala ngu wuzivi wa kuranda kwakwe, ni wutxhari wotshe, ni kualakanya kotshe ka Moya;

Vaefesu 6:6

Mi nga va thumeleni dwe, ngako va txi mi wona, nga mo randa kutsakisa vathu, aniko aku mi ku sithumi sa Kristu, mahani kuranda ka Txizimu ngu yotshe mbilu.

Masalmo 40:8

Ni tsaka ngutu ngu kumaha kuranda kwako, Txizimu txangu; Mlayo wako wu mndani ka mbilu yangu!

Matewu 7:21

“Hi nga votshe vale va wombako kwangu va txi Mkoma, Mkoma ava va no wulela Mfumoni ka nzumani, aniko ngu wule a mahako kuranda ka Tate wangu a ku nzumani.”

1 Pedro 2:15

Nguko, Txizimu txi lava kumalata wuphukuphuku ngu mithumo yanu ya yinene.

Vahebheru 13:21

Mkoma wathu Jesu, txi na mi longisele sotshe si i ku sa sinene, kasi ku si mi vhuna kumaha kuranda ka txona; txona Txizimu txi na thume kwathu ati ti txi tsakisako, ngu Jesu Kristu, awu a fanelako kupfaliswa ngu malembe ni malembe.

Matewu 3:2

a txi khene: “Hundulukani, nguko wu hafuhi Mfumo wa nzumani.”

Dhaniyeli 7:27

Se mfumo, ni mtamo, ni wuhombe wa mifumo hahatshi ka yotshe nzuma si na ningelwa ka vathu vo sawuleka va Nyatxitimwi; mfumo wawe mfumo wa kwa mbi guma, ni yotshe mitamo yi na mthumela ni ku muengisa.

Luka 22:42

“Tata, u txi ti lava, hambukisa digombe diya da sixaniso di txi ya kule ni nani. Aniko, ku nga mahwe kuranda kwangu, ku na mahwe kuranda kwako.”

Johani 7:17

Ngako m'thu a txi lava kumaha kuranda ka Txizimu, a na tiziva ti to gondo yangu yi huma ka Txizimu, mwendo no ti wombela tangu ngu wutumbu.

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

Mtuletelo 19:6

Msana keto, ni to engisa txo nga diguwa da dibutho da hombe, do fana ni diguwa da mati o tala, ni kudhinda ka singwalangwanda sa hombe, va txi kha vona: “Haleluya! Nguko Mkoma Txizimu txathu txa mtamo wotshe se ngu txona txi fumako.

1 Vatesalonika 4:3

Kuranda ka Txizimu ngu kuwa: Ti to mi hanya kusawulekani, mi txi tshuralela txionho txa wugango.

Mithumo 21:14

Ngako yi nga ti pwateka nzila ya ku mu thindekisa, hi to leka ku mkhongotela, hi txi khathu: “Ku na mahwe kuranda ka Mkoma.”

Dhaniyeli 4:35

Se votshe vaaki va ha mafuni hi nga va txilo masoni kwakwe, se madingano ni kuranda kwakwe, ene a thuma ni dibutho da nzumani ni vaaki va ha mafuni. Kha ngaho wu a nga tsivelako dianza dakwe, hambi ku wotisa taku: U maha txani kani?

Mithumo 13:22

Msana keto, Txizimu txi va fumisete Dhavhidha, txi mu maha mfumeli, awu txi nga mu fakazela kwawe, txi womba tiya: ‘Ni mani Dhavhidha, mwana Jese, i ku wo randeka ka mbilu yangu, awu a nota maha totshe ti ni ti xuvako.’

Matewu 4:17

Kukhukhela ka txonetxo txikhati, Jesu a to khata kutxhumayela a txi khene: “Hundulukani, nguko Mfumo wa nzumani wu hokile.”

Mtuletelo 12:10

Ngu msana ni engisile dipswi da hombe da kuta ngu nzumani, di txi kha dona: “Ndiye mbimo ya kuhanyiswa, ya mtamo ni mfumo wa Txizimu txathu, ni wukoma wa Mesiya wa txona; nguko a rinzilwe hahatshi mmangaleli wa vanathu, awule a nga ti va mangalela masoni ka Txizimu wusiku ni mitshikari.

1 Pedro 4:2

kasiku, ka masiku awa a nga salelwa ngu ona a kuhanya nyamani, e sikota kuhanya asi londeteli minavelo ya nyama, aniko a txi londetela kuranda ka Txizimu.

Vahebheru 10:7

Se ani ni ti khani: Wona, ni ho hawa, nguko eto ti bhaletwe ani amu ka dibhuku; ni tela ku ta maha kuranda kwako, awe Txizimu.”

Luka 19:38

“A na dhumiswe Mfumeli wu a tako, ngu ditina da Mkoma. Kudikha ku na tale nzumani, ni kupfaliswa ka Nyatxitimwi!”

Marku 3:35

Nguko awu a mahako kuranda ka Txizimu, ngene i ku mwanathu ni ndiyangu ni mame wangu.”

Matewu 16:28

Kha ditshuri ni khani kwanu: Hagari ka va va kuho hawa, vaho vamwani va no mbi fa, va sa thanga ngu kuwona kuta ka Mwanana wa M'thu Mfumoni kwakwe.”

Dhaniyeli 7:13

Ka txiwoniso txangu txa wusiku, ni to wona txo fana ni mwanana wa m'thu, a txi ta ngu ka marefu a nzumani; se a to tshuketela ka didhota dile da kale, eza e hoka hafuhi ka dona.

Nehemiya 9:6

Awe ngawe wekha u ku Mkoma, ngawe u nga maha nzuma, nzuma ya tinzuma ni dotshe dibutho da yona, mafu ni sotshe si si ku ka ona, ni minambo ni sotshe si si ku ka yona; sotshe ngawe u si hanyisako, ni dibutho da nzumani da kukhozela.

Marku 11:10

Wu katekile Mfumo wu wu tako wa tate wathu Dhavhidha. Hozana txitimwi ka txitimwi nzumani!”

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Mtuletelo 20:4

Konako ni to wona sikhalo sa wukoma. Se avava va nga ti khalahatshile ka sona va to ningwa mtamo wo lamula. Ni to wona kambe mimoya ya vale va nga wilwa misungo ngu mhaka ya wufakazi wa Jesu ni Dipswi da Txizimu; ni vale va nga mbi khizamela txikalani ni txithombe txa txona. Kambe kha va amukela txixambanyo txa txona ha timbanza kwawe mwendo manzani kwawe. Vona va tshumete ve hanya ve fuma kumweko ni Kristu, txipimo txa 1.000 wa malembe.

Masalmo 2:6

“Ngani ni nga fumisa mfumeli wangu txitimwi ka wukhalo wangu wo sawuleka, mmango wangu wa Siyoni.”

Vahebheru 1:14

Ina tingelozi totshe hi nga mimoya yi yi thumako mithumo, ayi yi nga rumelwa kuthumela avale va fanelako kuamukela thomba ya kuhanyiswa, kani?

Vakolosa 1:13

Ene a hi ponisile ka txidema, a txi hi rurisa hi txi ya mfumoni ka Mwanana wakwe wo randeka,

Luka 19:11

Ku ti ngako vona va txi engisa timhaketo, Jesu a to engeta e va gela txidinganiso, nguko a ti hafuhi ni Jerusalema, se vona va ti pimisa ti to Mfumo wa Txizimu wu na kuluveta kuhumelela.

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Isaya 2:2

Se ku na maheka to, ka masiku o gwitisa, mmango wa Nyumba ya Mkoma, wu vekwa txitimwi ka mimango, ni kuguleka txitimwi ka simangwana, se matiko otshe ma na tutuma me ya mmangoni.

Mithumo 22:14

Se ene a to ni gela ku khene: ‘Txizimu txa vatate vathu txi ku sikete kasiku u txi ziva kuranda ka txona, kuwona Mlulami ni kuengisa dipswi da kuhuma ngu txisofuni kwakwe.

Jeremiya 23:5

Se mata masiku, kuwomba Mkoma, aawa ni no wusela ka ona Dhavhidha dikhukhu do lulama. A nava mfumeli wa txitshurwa, a na humelela, ene a na lamula ngu mlayo ni wululamo, ha ditikoni.