Matewu 5:9 - Bhiblia Yo Sawuleka

⁹ Va katekile ava va thumelako kudikha, nguko va na dhanwa ku mbanana va Txizimu!

Matewu 5:9 Referans Kwoze

Vahebheru 12:14

Zumbani ngu kudikha ni votshe, mi lava wusawuleki; nguko, hahanze ka wona, awalo wu a sikotako kuwona Mkoma.

Varoma 12:18

Zamani kumaha ti mi ti kotako ngu didhawa danu, kasi ku mi hanya ngu kuthutha ni votshe vathu.

Vagalatiya 5:22

Kasi mihando ya Moya ngu yiya: Lirando, litsako, kudikha, kutimisela, wunene, kutshambisa, kuthembeka,

Masalmo 120:6

Se ni hanyile mbimo yayingi hangari ka vale va nyenyako kudikha,

Varoma 8:14

Nguko votshe va va tsimbitiswako ngu Moya wa Txizimu, mbanana va Txizimu.

Luka 6:35

Kasi i di anu, randani valala vanu, mahani wunene, mi txi lombisa simaha sanu ka vamwani, hambi mi si rinzeli kutshumetelwa ngu vona. Kudihelwa kwanu ku nava ka hombe, mi na va mi di vanana va Nyatxitimwi, nguko Ene wa maha wunene ka vale va si ziviko kubonga ni ka vale va tshofu.

2 Vakorinto 13:11

Magwito ka totshe, vanathu, zumbani mi di tsakile, khutalani ngu kumaha wunene, tsanisanani mi txi va ni kualakanya kumweko, mi txi hanya ngu kudikha. Txizimu txa lirando ni txa kudikha txi na va ni nanu.

Vakolosa 3:13

mi timiselana ni kudivalelana mmwani ni mmwani, ngako m'thu a di ni txisolo ka mmwani, nga kule Kristu a nga mi divalela, na nanu mahisani toneto.

Masalmo 34:12

Ngu wuhi m'thu wu asi randiko wutomi kani? Awule asi dhundiko kuhanya ngu mbimo yayingi kani?

Matewu 5:48

Ngu kota yeto, mahani vo hetiseka nga ti nene Tate wanu wa nzumani i ku wo hetiseka.”

2 Vakorinto 5:20

Athu hi sirumwa sa Kristu, Txizimu ngu txona txi mi layako ngu ngathu. Ngu toneto, ha mi khongotela ngu ditina da Kristu: Kombelani divalelo ka Txizimu.

Mithumo 7:26

Se ngu ditshiku di di londetako, a to mana vamwani vavambidi va txi lwa, se e va khongotela ngu ku va kamba, a txi khene: ‘Vavamna, mi va lixaka limwelo! Mi lwela txani kani?’

Matewu 5:45

Ngako mi txi maha tiya, mi na va vanana va Tate wanu a ku nzumani; nguko nene wa humisela ditambo vavanene ni vo biha, ni kumaha ti to nzuma yi txi nela vo lulama ni vo mbi lulama.

1 Makronika 12:17

Se Dhavhidha a to huma eya womba-womba navo, a txi khene: Ngako anu mi txi ta kwangu ngu kudikha ku ta ni vhuna, mbilu yangu yi na ti pata ni nanu; kambe ngako mi txi lava ku ta ni ningela ka valala vangu, ni sa onha txilo ngu manza angu, Txizimu txa vatate vathu txi na ti wone, txi lamula.

1 Vakorinto 6:6

Kambe ati ti mahekako ngu ti to mmwani a phikizana ni mkwawe masoni ka vamatiko!

Vafilipiya 4:2

Na kombela ka Evhodhiya, na khongotela ka Sintike, ti to ve engisana ka Mkoma.

Luka 20:36

Kha va na mbi ngadi ve fa, nguko vona va fana ni tingelozi. Vona mbanana va Txizimu, nguko mbanana va kuwuka ngu kufani.

Vaefesu 4:1

Na mi khongotela koko ani txibotxhwa txa Mkoma, ti to mi hanya ngu nzila yi yi fanelako wukholwa wu mi nga dhanelwa wona,

Varoma 8:16

Nguko ngu wona Moya wa Txizimu wupune wu hi fakazelako kumweko ni mimoya yathu, ti taku hi vanana va Txizimu.

Varoma 8:19

Kha ditshuri, sotshe si si nga vangwa sa rinzela ni kunavela ti to Txizimu txi txi wonekisa vanana va txona ha kubasani.