Matewu 5:7 - Bhiblia Yo Sawuleka

⁷ Va katekile ava va ku ni wumbilu, nguko va na mahelwa wumbilu ni vona!

Matewu 5:7 Referans Kwoze

Vaefesu 4:32

Zumbani mi di vavanene, mi txi pfelana wumbilu. Divalelanani kufana ni kuwa Txizimu ni txona txi nga mi divalela ngu ka Kristu.

2 Samuwele 22:26

Ka wule wamnene u tikomba ngu wunene, ka wamwamna wo thembeka u tikomba ngu kuthembeka.

Masalmo 18:25

Awe Mkoma, u thembekile ka wule i ku wo thembeka kwako, u wa ditshuri ka wule i ku wa ditshuri.

Jakobe 2:13

Nguko kulamulwa kha ku na mbi va ni wumbilu, ka wule a ku si nga ni wumbilu; aniko wumbilu wa humelela kulamulani.

Jakobe 3:17

Kasi wuzivi wu wu tako ngu txitimwi, kukhata wu basile, kambe wu ni lidikho, ni wunene, ni kuengisa, kuhonisela, ni mihando ya yinene, ku ambi kana-kana, ni ku ambi kanganyisa.

Vakolosa 3:12

Nga ti mi nga sawulwa ngu Txizimu, mi manekako mi di basile ni kurandeka, ambalani moya wa wumbilu, wa wunene, wa kutiveka hahatshi, wa kuthutha ni wa kutimisela;

Luka 6:35

Kasi i di anu, randani valala vanu, mahani wunene, mi txi lombisa simaha sanu ka vamwani, hambi mi si rinzeli kutshumetelwa ngu vona. Kudihelwa kwanu ku nava ka hombe, mi na va mi di vanana va Nyatxitimwi, nguko Ene wa maha wunene ka vale va si ziviko kubonga ni ka vale va tshofu.

Mika 6:8

Ene a kuzivisile, awe m'thu, a ti i ku ta tinene; ni ti Mkoma a ti kombelako kwako, kuva u maha kululama, u randa tinene, u tsimbila ngu kutinamisa ni Txizimu txako.

Mavingu 19:17

Awule a ningako ka txisiwana o lombisa ka Mkoma, se ene a na tshumetelwa dibhindu da kona.

Vahebheru 6:10

Nguko, Txizimu kha txi nga ni tshofu. Kha txi na kudivala mthumo wanu, ni lirando li mi nga li kombisa ka ditina da txona anu mi nga thumela vasawuleki va txona, avava ni konkuwa, mi va thumelako.

Dhaniyeli 4:27

Sekoko awe mfumeli, tumela wudhota wangu, u thavisa sionho sako ngu kumaha kululama, ni wubihi wako, ngu ku mahela wumbilu sisiwana, mwendo kukateka kwako ku ngaya masoni.

Vahebheru 4:16

Ngu kota yeto, ahi yeni ngu kutsaka txiluveloni ka makatekwa, ahawa hi no ya mana wumbilu ni kateko yi yi no hi vhuna ngu mbimo yi yi fanelako.

Mavingu 11:17

M'thu wa wunene wa mahela wunene moya wakwe apune, aniko awule i ku txigevenga wa xanisa nyama yakwe apune.

1 Pedro 2:10

anu kale mi nga si nga vathu, kambe konkuwa, se mi vathu va Txizimu, anu kale mi nga sinzi kudivalelwa, se konkuwa mi mani kudivalelwa.

Marku 11:25

Kungako mi txi ema mi khongela, divalelani wu mi ku ni mhaka nayo, ti to nene Tate wanu wu a ku nzumani, e mi divalela kuonha kwanu.

Mavingu 14:21

Awule a txhipisako muakelani wa onha, aniko awule a xanisekelako sisiwana a katekile.

Hoseya 2:1

“Gelani vananu mi txi khanu: Ami; ni tindiyanu mi txi khanu: Ruwama.”

Masalmo 112:9

Silo sakwe a abana ni sisiwana, aniko thomba yakwe yi na simama kala kupinduka a na va wa mtamo ni kuxonipheka.

Masalmo 112:4

M'thu wo lulama a fana ni liwoningo li woningako txidemani; ene ana ni wuxinji, ni wumbilu, ni wunene.

Masalmo 37:26

Yotshe mbimo ene i m'thu wa wumbilu ni wuha; vanana vakwe va katekile.

1 Timoti 1:13

ani, kale ni nga ti mruketeli ni mxanisi ni m'thu wa tshofu. Aniko ni mani divalelo, nguko atileya ni ti mahile ngu kusisalelwa ni wuhedheni wangu.

1 Vakorinto 7:25

Ka vale va sinziko kuteka mwendo kutekwa, kha ni nga ni txileleto txa didhawa da Mkoma, aniko na veka mawonelo angu, kota nga wu a nga mana wumbilu ka Mkoma, kasi e va i di wo thembeka.

1 Timoti 1:16

A ni mahete wumbilu ani txionhi txo thanga, kasiku Jesu Kristu a txi kombisa ngu ngani kotshe kutimisela ka mbilu yakwe, a txi ni maha txikombiso ka vale va no kholwa kwakwe, ti to ve mana wutomi wo mbi guma.

Hoseya 2:23

Ni na tiphayela ene ha mafuni, ni pfela wumbilu Lo-Ruwama; se ka Lo-Ami ni na khani: Awe u ditiko dangu! Se ene a na khene: Awe u Txizimu txangu!

Hoseya 1:6

Se a to tshumela e mana txirumbu e veleka mwanana wa dihorana; se Mkoma a to khene: “Mraye ditina daku i Lo-Ruwama; nguko ani kha ni na mbi tshumela kambe ni pfela wumbilu va nyumba ya ka Israyeli, aniko ni na va tekela sotshe.”

Isaya 57:1

Wa lova mlulami, se kha ku nga ni wu a alakanyo eto mbiluni kwakwe; Vathu vo thembeka va thaviswa, na ku si nga ni wo ziva ti to mlulami, a tekwa a sanzi kuonha.

2 Vakorinto 4:1

Ngu toneto, aku hi ku ni mthumo wu hi nga ningwa ngu wumbilu wa Txizimu, kha hi gumi mtamo.

Varoma 11:30

Ngako anu mi nga ti eyisa Txizimu ka txikhati txa kale, senikoko mi nga mana divalelo ngu mhaka ya ku ambi engisa ka Vajudha.

2 Samuwele 17:28

va to teka mataho, ni mikamba, ni siya so wumbwa, ni fulaho, ni sevhadha, ni mpupu, ni tindoho to yokwa, ni tigongo, ni tinyawa,

Mavingu 11:25

Moya wa wuha wu na ena, ni wule a theletelako mati, nene a na theletelwa.