Matewu 5:6 - Bhiblia Yo Sawuleka

⁶ Va katekile ava va ku ni nzala ni ditora da wululami, nguko va na khuriswa!

Matewu 5:6 Referans Kwoze

Johani 4:14

aniko awule a selako mati yawa ni no mninga ani, kha na mbiswa a txi pfa ditora; kambe mati yawa ni no mninga, ma na hinduka mndani kwakwe ma txi maha txisima txa mati yawa ma mu ningako wutomi wo mbi guma.”

Masalmo 107:9

Nguko ene wa tima ditora ka vale va di pfako, wa khurisa avale va pfako nzala.

Johani 6:27

Mi nga karatekeni ngu kuthumela sakudya si si pindako, aniko thumelani asi si no va si diho kala kuhoka ka wutomi wo mbi guma, asiya Mwanana wa M'thu a no mi ninga, nguko Ene wu, ngene a nga vekelwa txixambanyo ngu Txizimu Tate.”

Masalmo 145:19

Ene a na maha kunavela ka vale va m'thavako; a na engisa kudila kwawe, kambe a va hanyisa.

Johani 7:37

Ka ditshiku do gwitisa da M'buso, i ku ditshiku da hombe, Jesu a to khukha a txi ema, a txi gula dipswi a txi khene: “Ngako m'thu wokari a ti ni ditora, anate kwangu e ta sela.

Mtuletelo 7:16

Kha va na mbiswa va txi pfa nzala, kha va na mbiswa va txi pfa ditora, kha va na mbiswa va txi pfa kuhisa ka ditambo kumbe lisani.

Luka 6:21

Mi katekile anu mi pfako nzala konkuwa, nguko mi na khura. Mi katekile anu mi dilako konkuwa, nguko mi na seka.

Isaya 44:3

Nguko ni na tshakunuta mati txitimwi ka txihala, ni minambo txitimwi ka mafu a kuoma; ni na thela moya wangu txitimwi ka liveleko lako, ni makatekwa angu txitimwi ka vanana vako.

Luka 1:53

Avale va nzala a va khurisile ngu sa sinene, e hangalasa avale va kutithemba, na va si nga ni txilo manzani.

Isaya 65:13

Ngu kumaha keto, Mkoma Txizimu a womba tiya: Wonani taku sithumi sangu si na dya, aniko anu mi na fa ngu nzala; wonani taku sithumi sangu si na sela, aniko anu mi na pfa ditora, wonani taku sithumi sangu si na tsaka, aniko anu mi na wa tingana;

Masalmo 65:4

A katekile wule awe u msawulako u txi m'dhana kasiku e hanyela Dithepeleni kwako, hafuhi ni nawe. Hi na khura ngu silo sa nyumbani kwako, amu Dithepeleni kwako ko sawuleka!

Isaya 25:6

Se Mkoma wa Mabutho a Tiyimbi a na ninga ka mmango wuwa ka votshe vathu, m'buso ngu sihari so nona, m'buso wa vhinya ya yinene, kudya sakudya sa mafura, kuselwa ni vhinya ya yinene, yo surutetwa kha kwati.

Masalmo 84:2

Moya wangu wa navela ni kuxuva siluvelo sa Mkoma; yotshe mbilu yangu ya embelela ngu kutsaka ka Txizimu txi txi hanyako!

Luka 6:25

Dikhombo danu anu konkuwa mi nga khura, nguko mi na va ni nzala. Dikhombo danu, anu konkuwa mi sekako, nguko mi na pandiseka mi txi dila.

Isaya 41:17

Vaxaniseki ni vale vo pwata va lava mati, kambe kha ma ngaho, se tidimi tawe ta oma ngu ditora; aniko ani Mkoma, ni na va engisa, ani Txizimu txa ka Israyeli kha ni na mbi va leka.

Masalmo 63:5

Moya wangu wu na maneka wu txi tsaka; nga ni to dya sakudya so tshamba. Txisofu txangu txi na kudhumisa ngu kutsaka.

Masalmo 17:15

Se ani, kulamulani kwangu, ni na wona khohe yako; ngako ni txi wuka ni na tsaka ngu txithuzi txako.

Ndando ya Tindando 5:1

Nita thembweni kwangu, ndiyangu, txitekwa txangu; ni ta sengeleta mira ni tixakaxaka ta tingi ta sibhumutiso, ni dyite dihesa dangu ni wulombe wangu, ni sete vhinya yangu ni masi angu. Dyanani anu vangana, selani ngutu anu sirandwa.

Isaya 66:11

Kasi ku mi na mama mi khura, ngu masi a kuthavelela kwakwe; kasi ku mi busa mi tsaka, ngu kuphatima ka wudhundo wakwe.

Mavingu 10:24

Kuthava ka wo biha, ku na wuya txitimwi kwakwe, aniko kunavela ka vo lulama ku na ningwa ngu Txizimu.

Mavingu 21:21

Wule a londetako kululama ni wunene, a na mana wutomi, kululama ni kudhundeka.

Jeremiya 31:25

Nguko ni tsakisile muhefemulo wo karala, ni wotshe muhefemulo wo xaniseka ni wu khurisile.