Matewu 5:46 - Bhiblia Yo Sawuleka

⁴⁶ Nguko, ngako mi txi randa ava va mi randako dwe, ditshungulo muni mi na ku di mana kani? Hi nga toneto va ti mahako ni vona vakhupisi kani?

Matewu 5:46 Referans Kwoze

Matewu 11:19

A tile Mwanana wa M'thu, wa dya, wa sela, se va kha vona: ‘Wonani nyalimitoyo ni didevi, mngana wa vakhupisi ni vaonhi.’ Aniko wuzivi wa Txizimu wu kombisile kululama ka wona ngu mithumo ya wona.”

Luka 18:13

Aniko mkhupisi, a di emile ngu kule, a ti si tsani ni kugula maso e wona nzumani, aniko a txi ti peka khana a txi khene: ‘Txizimu txangu, telwa ngu wumbilu ni nani, ni ku muonhi.’ ”

Luka 15:1

Votshe vakhupisi ni vaonhi va ti tshuketela hafuhi ka Jesu, kasi ku ta mu engisa.

Matewu 18:17

Se ngako a txi lamba kambe ku va engisa, tsula u txi ya bika mhaka banzani. Sekoko, ngako a txi lamba ku di engisa ni dona dibanza, kwako a nave i di wa matiko mwendo mkhupisi.”

Matewu 6:1

“Ti woneleni ti to mi si mahi mithumo yanu ya yinene masoni ka vathu, kasi kuwonwa ngu vona; ngako mi txi mahisa eto, kha mi na mbi tshungulwa ngu Tate wanu wa nzumani.”

Luka 19:7

Mbimo yi va nga wona tiya, votshe va to khata kungungurukela, va txi kha vona: “A endela nyumbani ka muonhi.”

Luka 19:2

Konaho, mmweyo wa mwamna, a nga txi dhanwa ku i Zakewu, mthangeli wa vakhupisi, awu kambe i nga ti nyatithombe,

Matewu 5:47

Ngako mi txi losa vananu vokha, nji txani mi txi mahako txo pala vamwani kani? Ina vamatiko kha va ti mahi toneto ni vona kani?

Marku 2:15

Ku ti ngako Jesu a di khalahatshile kudyani, nyumbani ka Levhi, vakhupisi vavangi ni vaonhi va to ta khalahatsha kumweko ni Jesu ni vagondiswa vakwe, nguko i ti vathu vavangi va nga txi mu londisa.

Marku 2:16

Kambe ngako vabhali va mtxawa wa Vafarisi, ve mu wona a txi dya kumweko ni vakhupisi ni vaonhi, va to kha vona ka vagondiswa vakwe: “Nji txani a txi dya kumweko ni vakhupisi ni vaonhi kani?”

Luka 3:12

Vasengisi ni vona va tile kasi ku ta bhabhatiswa, va ta mu gela ku kha vona: “M'gondisi, nji txani hi fanelako ku txi maha, kani?”

Luka 5:29

Se Levhi a to mmahela m'buso wa hombe nyumbani kwakwe; kambe ku ti ni dibutho da hombe da vakhupisi ni vamwani va nga ti navo ha mezani.

Luka 5:30

Se vabhali ni Vafarisi va to ngurangura, va txi kha vona ka vagondiswa vakwe: “Ngu kutxani mi txi dya ni kusela ni vakhupisi ni vaonhi, kani?”

Luka 7:29

Votshe va nga ti mu engisa, hambi vakhupisi ni vona va dhumisile kululama ka Txizimu, ve bhabhatiswa ngu txibhabhatiso txa Johani.

Luka 7:34

Mwanana wa M'thu, ene a tile, wa dya ni kusela, mi txi khanu: ‘Hi nga wonani: Nyalimito ni didevi, mndoni wa vakhupisi ni vaonhi.’