Matewu 5:45 - Bhiblia Yo Sawuleka

⁴⁵ Ngako mi txi maha tiya, mi na va vanana va Tate wanu a ku nzumani; nguko nene wa humisela ditambo vavanene ni vo biha, ni kumaha ti to nzuma yi txi nela vo lulama ni vo mbi lulama.

Matewu 5:45 Referans Kwoze

Masalmo 145:9

Mkoma mbwamnene ka votshe; ni wumbilu wakwe wu dingana yotshe mithumo yakwe.

Luka 6:35

Kasi i di anu, randani valala vanu, mahani wunene, mi txi lombisa simaha sanu ka vamwani, hambi mi si rinzeli kutshumetelwa ngu vona. Kudihelwa kwanu ku nava ka hombe, mi na va mi di vanana va Nyatxitimwi, nguko Ene wa maha wunene ka vale va si ziviko kubonga ni ka vale va tshofu.

Mithumo 14:17

hambi keto, kha txa leka kufakaza ti to txona txa ho, ngu ku mahela ta tinene vathu, txi wisa mati a nzuma, ni ku mi ninga tinyango to pfuna, txi khurisa timbilu tanu ngu sakudya ni litsako.”

Jobe 25:3

Ina mabutho a txona ma ni mtengo kani? Niku i mani wule asi hokelwiko ngu liwoningo la txona kani?

Vaefesu 5:1

Ngu toneto, etetelani Txizimu, anu mi ku vanana va txona vo randeka ngutu.

Matewu 5:9

Va katekile ava va thumelako kudikha, nguko va na dhanwa ku mbanana va Txizimu!

Johani 13:35

Ngu toneto, va no mi zivisa tona ti taku mi vagondiswa vangu: Ngako mi txi randana.”

1 Johani 3:9

Votshe va va nga velekwa ngu Txizimu, kha va mahi txionho, nguko mbewu ya Txizimu yi mite kwawe. Vona kha va na kuonha, nguko va velekilwe ngu Txizimu.

Jeremiya 5:24

Kha va wombi timbiluni kwawe, va txi kha vona: A hi thaveni Mkoma Txizimu txathu, awu a ningako mati o khata ni a wuxika ngu timbimo ta kona, awu a hi xayiselako mavhiki a kufunyela kwathu.

Vafilipiya 2:15

kasiku mi va mi si nga ni txisolo na mi di basile, mi va vanana va Txizimu vo mbi na nzambwa, hagari ka liveleko lo soholoka, na li di xangile; mi fanete kuphatima hagari kwawe, nga malambu ha mafuni;