Matewu 5:44 - Bhiblia Yo Sawuleka

⁴⁴ Aniko ani ni khani: Randani valala vanu, mi txi khongelela avale va mi xanisako.

Matewu 5:44 Referans Kwoze

Varoma 12:14

Katekisani va va mi zondako, va katekiseni, mi nga wombeni kubiha ngu vona.

1 Pedro 3:9

Mi nga tshumeteleni wubihi ngu wubihi, hambi txiruko ngu txiruko, aniko, kukatekisa nguko ngu toneto mi nga dhanelwa tona, kasi ku mi txi maha vadyi va thomba ya kateko.

Luka 23:34

Se Jesu a ti ti khene: “Tata, va divalele, nguko kha va ti zivi ati va ti mahako.” Ngu msana, va to abanela syambalo sakwe, ngu kuxaxuva tixolo.

1 Pedro 2:23

Ene, mbimo yi va nga ti mruketela, kha ruketela nene. Mbimo yi va nga ti m'xanisa, kha va henyela, aniko a to ti ningela ka wule a lamulako ngu kululama.

Mithumo 7:60

Se e khizama a txi kwangula ngu dipswi da hombe, a txi khene: “Mkoma u nga va alakanyele txionho txiya.” Ngako a di wombile tiya, a to fa.

2 Vafumeli 6:22

Se ene a to khene: Ahimhim! U nga va dayele! U ndi na dayela masotxhwa ale u ma mahako sibotxhwa, ngu ditxhari dako ni wulaho wako kani? Va ninge dipawu ni mati, va na dya ve sela, va na tsula ka nyamne wawe.

Masalmo 7:4

ngako ni di tshumetete mndoni wangu wunene ngu wubihi, ngako ni di xanisile mlala wangu ti si nga ni fanelo,

1 Samuwele 24:17

Se a to khene ka Dhavhidha: Awe u lulamile ngutu kupinda ani; nguko awe wu ni tshumetete ngu wunene, kambe ani ni ku tshumetete ngu wubihi.

Mavingu 19:11

Mapimo amanene ma sisa kuhenya ka m'thu; se kudhundeka kwakwe ngu kuretha sihoheto.

Johani 13:34

Na mi ninga mlayo wa wuphya: Randanani! Nga ti ani ni nga mi randa, na nanu mi fanete kurandana.

1 Vatesalonika 5:15

Ti woneleni kasiku ni wammweyo kwanu asi tshumeteli wubihi ngu wubihi; otshe masiku duketani kumahelana ta tinene, mi txi maha toneto ni ka votshe.

Mithumo 16:28

Kambe Paulo a to kwangula ngu dipswi da hombe, a txi khene: “U nga ti mahe ta walo, nguko hi ho hotshethu.”