Matewu 5:43 - Bhiblia Yo Sawuleka

⁴³ “Mi ti engisile ati ti nga wombwa va txi kha vona: ‘U na randa muakelani wako, u txi vengela mlala wako.’

Matewu 5:43 Referans Kwoze

Levhi 19:18

U nga pandiseke, kambe u nga ve ni txiviti ngu vathu va ka kwanu, aniko randa mwakelani wako nga ti u ti randisako tona awe upune. Ani ngani Mkoma!

Matewu 19:19

thava tate wako ni mame wako; randa muakelani wako nga ti nawe u ti randisako tona.”

Dhewuteronome 23:6

U nga va lavele hambi kudikha mwendo wunene, ka otshe masiku ako, kala kupinduka.

Jakobe 2:8

Ngu toneto, ngako mi txi veketa mlayo wu i ku wa hombe ka yotshe, madingano ni Mibhalo yi yi ku kha yona: “U na randa muakelani nga ti u ti randisako tona,” eho mi maha ta tinene.

Masalmo 41:10

Kambe awe, Mkoma, ni divalele; u txi ni ninga kuhanya, kasi ni mana mtamo wa kupharela.

Matewu 5:21

“Mi ti engisile ati ti nga wombwa ka vakale, va txi kha vona: ‘U nga daye; awule a dayako a fanete kuthethiswa.’

Dhewuteronome 25:17

Alakanya ati Vaamaleki va nga ku mahela hanzila, mbimo yile u nga huma ngu Egipta:

Dhewuteronome 23:3

Ni wammweyo wa ka Amoni mwendo wa ka Mowabhi kha na mbi wulela msengeletanoni ka Mkoma; hambi lihunzu lakwe la wugumi, kha li na mbi wulela msengeletanoni ka Mkoma, ngu ha ku si gwitiko.

Matewu 5:27

“Mi ti engisile ati ti nga wombwa va txi kha vona: ‘U nga mahe wugango.’

1 Johani 4:21

Txirumo txi hi nga txi amukela kwakwe Jesu Kristu ngu txiya: Awu a randako Txizimu, a na rande ni mwanawe.