Matewu 5:42 - Bhiblia Yo Sawuleka

⁴² Mu ninge awu a ku kombelako, ani wu a lombako txomaha kwako, u nga mtshuralele.”

Matewu 5:42 Referans Kwoze

Mavingu 19:17

Awule a ningako ka txisiwana o lombisa ka Mkoma, se ene a na tshumetelwa dibhindu da kona.

Vahebheru 13:16

Mi nga divaleni kumaha ta tinene, mi txi abana ni vakwanu asi mi ku naso, nguko atiya ngu tona timhamba ti ti tsakisako Txizimu.

Masalmo 37:21

M'thu wa kubiha wa lomba, kambe kha diheli, aniko m'thu wo lulama ana ni wumbilu ni wuha.

Varoma 12:20

Aniko, ngako mlala wako a di ni nzala, mu he sakudya. A di ni ditora, mu ninge so sela, nguko u txi maha eto, wo hembenyetela makala a mndilo ha msungo kwakwe.

Dhaniyeli 4:27

Sekoko awe mfumeli, tumela wudhota wangu, u thavisa sionho sako ngu kumaha kululama, ni wubihi wako, ngu ku mahela wumbilu sisiwana, mwendo kukateka kwako ku ngaya masoni.

Ekleziyaste 11:6

Phaya mbewu yako i di ngadi mixo, se ni mitshikari, u nga khalahatshe ngu mawoko, nguko khu ti zivi to ku na mila yihi; mwendo ku na mila yiya, mwendo yile, mwendo kambe ti na mila ngu wumbidi wa tona.

Vahebheru 6:10

Nguko, Txizimu kha txi nga ni tshofu. Kha txi na kudivala mthumo wanu, ni lirando li mi nga li kombisa ka ditina da txona anu mi nga thumela vasawuleki va txona, avava ni konkuwa, mi va thumelako.

Jakobe 1:27

Nguko, wukholwa wa ditshuri wo mbi na dikhwiti masoni ka Txizimu, Tate wathu, ngu kudingula va vo felwa ngu vaveleki, ni vale i ku tinoni, kuxanisekani kwakwe, ni ku ti vhikela kambe ka nzambwa ya ditiko.

Luka 11:41

Aniko ningani ka sikulungu asi mi ku naso, ngu kona silo sotshe si no va si di basile kwanu.”

Mavingu 21:26

A heta dotshe ditshiku a txi navela, aniko mlulami wa ninga, kha toni.

Matewu 5:41

Ngako m'thu a txi kukurumeta ku mu heleketa mnava wumwewo, mu helekete minava yimbidi.