Matewu 5:29 - Bhiblia Yo Sawuleka

²⁹ Ngako diso dako da txinene di txi kukhuvekisa, di phokonyole, u txi di tshotsha kule ni nawe nguko i txhuko kuluzekelwa ngu txihango txako txa tximwetxo, kupinda kutshotshwa mndiloni ka Gehena wotshe mmidi wako.

Matewu 5:29 Referans Kwoze

Varoma 8:13

Ngako mi txi londetela minavelo ya mmidi, mi na fa; kambe ngako mi txi daya mithumo ya mmidi, mi txi teka ya Moya, mi na hanya.

Vakolosa 3:5

Ngu toneto, ha mmidini kwanu, dayani asi i ku sa mafu: Wugango, mahanyelo a nzambwa, makolo, mixuvo yo biha, likungo, li fanako ni kukhozela siwumbwa.

1 Vakorinto 9:27

Aniko ani ni tsayisa mmidi wangu, ni txi wu maha khumbi, kufela ku, ni di txhumayete vamwani, ani nipune ni si sali msana.

Varoma 6:6

Hotshethu ha tiziva ti to m'thu wathu wa kale a bethetwe ha txihambanoni kumweko ni Kristu, kufela ku mmidi wa txionho wu hasulwa, hi si swi kambe hi di tikhumbi ta txionho.

Vagalatiya 5:24

Avale i ku va Kristu va bethete ha txihambanoni nyama ni wubihi wa yona ni minavelo ya yona.

Marku 8:36

Nguko ti na vhuna txani ka m'thu kumana dibhindu da mafu otshe e mwalalelwa ngu moya wakwe kani?

Matewu 19:12

Nguko ya ho mithenwa yi nga velekiswa toneto ngu mndani ka vamame vawe; ya ho kambe mithenwa yi nga mahwa ngu vathu; se ya ho yimwani mithenwa kambe yi nga ti thena yipune ngu kufela Mfumo wa nzumani. Awu a sikotako ku ti pfisisa a na ti pfisise.”

Matewu 10:28

“Mi nga thaveni ava va dayako mmidi, va si sikotiko kudaya moya. Aniko thavani Txizimu txi ku ni mtamo wa kulovisa mmidi ni moya Gehena.

Matewu 23:15

“Mi na ni dikhombo, anu vabhali ni Vafarisi, vaxengeteli! Mi dhawulako linene mafuni kasi kumana mlondeteli mmweyo; se mbimo yi mi nga mu mana, mi txi mñola ta tinene, mi mu maha wu a ku ni fanelo ya kuyiswa gehena, awu a mi pindako kambidi ngu wubihi.”

Matewu 16:26

Kha ditshuri, ti siza txani m'thu kumana dotshe ditiko, na ngu msana a txi mwalalelwa ngu wutomi wakwe kani? Mwendo nji txani m'thu a no sikota kutekisa ngu txona wutomi wakwe?

Matewu 5:22

Aniko ani ni khani: Awule a henyelako mkwawe a na yiswa kuthethiswani. Awule a rukako mkwawe a txi khene: ‘Txiphukuphuku’ a na ya lamulwa banzani. Ani wule a rukako mkwawe a txi khene ‘Dihundwa’, a na sungwa e rinzwa mndiloni ka Gehena.

Matewu 23:33

Minyoka-nu, lixaka la timamba! Mi na hulukisa kutxani kuavanyiswani ka gehena?”

Luka 12:5

Aniko ni na mi kombisa awu mi fanelako ku mu thava. Thavani awu, msana ka kudaya mmidi, a ku ni mtamo wa kutshotsha m'thu mndiloni. Ina, ani na mi gela, thavani eneyo.”

Matewu 5:30

Ngako diwoko dako da txinene di txi kukhuvekisa, di wile u txi di tshotsha kule ni nawe, nguko i txhuko kuluzekelwa ngu txihango txako txa tximwetxo, kupinda kutshotshwa mndiloni ka Gehena wotshe mmidi wako.”

Matewu 11:6

Se a katekile wule a no mbi mana txikhuvekiso kwangu.”

Matewu 17:27

Aniko, kasiku hi si va khuvekisi, tsula lineneni u txi ya dota, teka txihaka txo khata txi no ñolwa ngu ndowo. Txi tule txisofu, u na mana male ya txitateri; yi teke u txi dihela ngu ngani ni nawe.”

Jobe 20:13

a veketa wubihi, kha wu leki, a veketa mkanani kwakwe,