Matewu 5:28 - Bhiblia Yo Sawuleka

²⁸ Aniko ani ni khani kwanu: Awule a wonetelako wamsikati ngu ku mu navela, se a mahile nayo wugango mbiluni kwakwe.

Matewu 5:28 Referans Kwoze

1 Johani 2:16

Nguko sotshe si si kuho ha ditikoni, kunavela ka mmidi, kunavela ka maso ni kutikulisa ngu tithomba, hi nga si si tsakelwako ngu Tate, aniko si tsakelwa ngu vathu va ha ditikoni.

Mavingu 6:25

Ngu mbiluni kwako u nga navele kutshura kwakwe, hambi ku ku ndindetela ngu maso akwe.

Eksodha 20:17

U nga navele nyumba ya mwakelani wako; u nga navele msikati wa mwakelani wako, ni txithumi txakwe txa wamwamna mwendo txa wamsikati, ni homu yakwe, ni mbongola yakwe, hambi ni tximwani tximaha txa mwakelani wako.”

2 Samuwele 11:2

Se ku to maheka tito, ni minova, Dhavhidha a to wuka ngu ha m'bhedhuni kwakwe, e tsimbila-tsimbila txitimwi ka nyumba ya wukoma, kambe a di txitimwi ka nyumba a to wona wamsikati a txi kuwula; se wamsikati wuwa i ti wo tshura ngutu.

Jobe 31:1

Ni mahile txitumelelano ni maso angu; ni nga navelisa kutxani muhorana kani?

Genesisi 34:2

Sikemi mwana Hamori, muhevhi, mfumeli wa ditiko, mbimo yi a nga mu wona, a to mñola, a txi otela nayo ngu kummahisa.

2 Pedro 2:14

Maso awe ma tate ngu wugango, kha ma kolwi ngu sionho; se va lava ku ndindela txionhoni ava i ku vo mbi tsana; mbilu yawe yi tolovete makolo. Vona mbanana vo ruketelwa.

Jobe 31:9

Ngako mbilu yangu yi ti ndindekile ngu kunavela wamsikati, ni kungako ani ni ti horolokete ha txikeni ka mwakelani,

Varoma 7:14

Nguko ha tiziva ti to mlayo mbwa Moya; kambe ani ngu mtumbuluko wangu ni m'thu wo xuleka, ni xavisilwe ni mahwa khumbi ya txionho.

Masalmo 119:96

Ni gondile ti to sotshe si ni magwito, aniko milayo yako yi anamile ngutu.

Matewu 5:39

Aniko ani ni khani kwanu: Mi nga lambeleni m'thu wo biha, ngako m'thu a txi ku haphata mpama ka dithama da txinene, tshembereka u txi ningetela dimwani.

Matewu 5:22

Aniko ani ni khani: Awule a henyelako mkwawe a na yiswa kuthethiswani. Awule a rukako mkwawe a txi khene: ‘Txiphukuphuku’ a na ya lamulwa banzani. Ani wule a rukako mkwawe a txi khene ‘Dihundwa’, a na sungwa e rinzwa mndiloni ka Gehena.

Levhi 18:20

U nga thuke u otela ni msikati wa mwakelani wako, nguko u nga ti totela manyala kumweko nayo.

Dhewuteronome 22:22

Ngako wamwamna wokari a txi manwa a di otete ni msikati wo tekwa, ngu wumbidi wawe va na dawa, awule wa dijaha a nga otela ni wamsikati, kumweko ni wule wamsikati. Ngu toneto, u na fuvisa wubihi hagari ka va ka Israyeli.

Ezekhiyele 23:16

Se Oholibha a to randana navo, mbimo yi a nga va wona, a to rumela mtumi kwawe kona Kaldheya.

Matewu 15:19

Nguko mbiluni, ngu kona kuhumako mialakanyo yo biha, kudaya, wugelegele, wugango, wukhamba, kusingeta ni kuruketela.