Matewu 5:26 - Bhiblia Yo Sawuleka

²⁶ Ngu ditshuri na kugela ku khani: Eho khu na mbi humiswa kala kuza u txi dihela yotshe male.”

Matewu 5:26 Referans Kwoze

Matewu 18:34

Se nyamne a to txi henyela, e txi ningela ka vakhawutisi, kala kuza txi diha wotshe mnandu wa txona.

Luka 12:59

Na kugela ku khani: Txima khu na mbi huma u sa diha male yotshe.”

Jakobe 2:13

Nguko kulamulwa kha ku na mbi va ni wumbilu, ka wule a ku si nga ni wumbilu; aniko wumbilu wa humelela kulamulani.

2 Vatesalonika 1:9

Txitsayiso txawe ku nava kulova ko mbi guma, kha va na mbi ka nga yi wona khohe ya Mkoma, hambi kuphatima ka wukoma wakwe,

Luka 16:26

Hahanze ka toneto kambe, ku na ni mkova wa kuhokoma ngutu hagari kwanu ni nathu, se ngu konaho, ava va lavako kutshawunyeta va txi ta kheyo kwanu kha va na kusikota, hambi anu kheyo kha mi na kusikota kutshawunyeta mi txi ta kheno kwathu.’ ”

Matewu 25:46

Se avava va na tsula kutsayiswani ko mbi guma; ani valulami va na yiswa ka wutomi wo mbi guma.”

Matewu 25:41

Sekoko ngu msana, a na gela ava va txibhabha kwakwe, a txi khene: ‘Hambukani kule ni nani, anu vathu va kurukwa, tsulani mndiloni ko mbi na magwito, awu wu nga longiselwa Sathani ni tingelozi takwe.

Matewu 10:29

Sindili simbidi ina kha si xaviswi ngu male ya peni yimweyo kani? Ni txa tximwetxo ka sona kha txi sikoti kuwa hahatshi, i si nga ngu kuranda ka Tate wanu.

Marku 12:42

Se a txi ta mmweyo wa noni, i nga ti txisiwana, a ta ningela simaleana simbidi, sa sidotho.

Luka 12:58

Ngako u txi ya wukomani ni wu u phikizanako nayo, duketa kuwila mhaka u di ngadi hanzila nayo, kasiku asi ku ndindeli ka mlamuli, se mlamuli a txi kuningela ka diphoyisa, diphoyisa di txi kurethela mkorani.