Matewu 5:25 - Bhiblia Yo Sawuleka

²⁵ “Kuluveta u txi divalelana ni wu u phikizanako nayo, u di ngadi ha nzila kumweko nayo, kasiku asi ku ningeli ka mlamuli, awuwa nene a no kuningela ka diphoyisa, se ve kurumela ku khotelwani.

Matewu 5:25 Referans Kwoze

Mavingu 25:8

U nga tutumele ku ti wuleta mu ko kanetisana, ngu magwito, u nga pwata ni to maha, se u xamalwa ngu mwakelani wako.

Vahebheru 3:13

Ngu toneto, layanani masiku otshe, na ku di ngadi ku txi wombwa ku “Nyamsi” amu ka mibhalo, ati ti wombako athu kasiku ku si vi ni wammweyo hagari kwanu wo ti bangisa, ngu kukanganyiswa ngu txionho.

Vahebheru 3:7

Ngu toneto, Moya wo Sawuleka wa womba wu txi kha wona: “Nyamsi, ngako mi txi engisa dipswi da Txizimu,

Vahebheru 12:17

Ma tiziva kambe ti to mbimo yi a nga lava thomba ya kukatekiswa, a nyenyilwe nguko kha mana nzila yo hunduluka ngu yona, hambiko a nga ti kombela ngu kudila mirongo.

Jobe 22:21

Awe Jobe, ti pate koko ni Txizimu, u na mana kuthutha, ngu kumaha keto, wu nata kwako wunene.

2 Vakorinto 6:2

Nguko, txona txi womba tiya: Ni ku engisile ngu mbimo ya yinene, kambe ni kuvhuni ngu ditshiku da kuhanyiswa. Ayiya ngu yona mbimo ya yinene, adiya ngu dona ditshiku da kuhanyiswa.

Masalmo 32:6

Ngu mhaka yeto, ka mbimo ya kuxaniseka, votshe vale va kuthembako va na khongela kwako, u txi ngadi u maneka; hambi mati amangi ma txi khulunga, kha ma na mbi va hokela.

Matewu 26:58

Pedro a ti mu londisela a di kule kala kuhoka digumani ka mphaxeli wa hombe. Se a di hokile hafuhi, a to wulela e khalahatsha kumweko ni sithumi, kasi kuwona magwito a totshe timhaka.

Luka 18:3

Ka dona didhoropedo ku ti ni mmweyo wa noni, a nga txi wuyelela kuta kwakwe, a ta khene: ‘Hi ngani lamulela mhaka yi ni ku nayo ni mlala wangu.’