Matewu 5:22 - Bhiblia Yo Sawuleka

²² Aniko ani ni khani: Awule a henyelako mkwawe a na yiswa kuthethiswani. Awule a rukako mkwawe a txi khene: ‘Txiphukuphuku’ a na ya lamulwa banzani. Ani wule a rukako mkwawe a txi khene ‘Dihundwa’, a na sungwa e rinzwa mndiloni ka Gehena.

Matewu 5:22 Referans Kwoze

1 Johani 2:9

Awule a wombako ti to a liwoningoni, na a txi vengela mwanawe, a ngadi txidemani ni kona kuwa.

Jakobe 3:6

Se lidimi ni lona i mndilo, nditiko do tala ngu wubihi; lidimi li vekilwe hagari ka sihango sathu, se li nyeta wotshe mmidi, li dhivela mndilo wu wu hisako wutomi wotshe wa vathu, mndilo wu bhatiswako ngu mndilo wa gehena.

Titosi 3:2

ni ti to kha va nga ni fanelo yo womba kubiha ngu m'thu hambi kuwusa mazunga, aniko va na mahe vathu vavanene, va kombako txithavo ka votshe.

Matewu 10:28

“Mi nga thaveni ava va dayako mmidi, va si sikotiko kudaya moya. Aniko thavani Txizimu txi ku ni mtamo wa kulovisa mmidi ni moya Gehena.

Matewu 18:35

Tate wanu wa nzumani nene ngu tona tiya a no mi mahisa tona, ngako mi si divaleli ngu timbilu tanu m'thu ni m'thu ka muakelani wakwe, minandu yakwe.”

1 Pedro 3:9

Mi nga tshumeteleni wubihi ngu wubihi, hambi txiruko ngu txiruko, aniko, kukatekisa nguko ngu toneto mi nga dhanelwa tona, kasi ku mi txi maha vadyi va thomba ya kateko.

Varoma 12:10

Zumbani ngu kurandana nga vanana va m'thu mmweyo, mi txi palisana ngu kukombisa txithavo ka mmwani ni mmwani.

1 Pedro 2:23

Ene, mbimo yi va nga ti mruketela, kha ruketela nene. Mbimo yi va nga ti m'xanisa, kha va henyela, aniko a to ti ningela ka wule a lamulako ngu kululama.

Matewu 18:21

Sekoko konako, Pedro a di tshuketile hafuhi, a to khene kwakwe: “Mkoma kumaha tiya mwanathu e ni onhela, nzi khati singahi ni fanelako ku mu divalela kani? Mwendo mtxhanu ni kumbidi, kani?”

Masalmo 109:3

Va ni randela ngu mapswi a livengo; va ni ruketela na ni si nga ni mnandu!

Masalmo 37:8

Leka kuhenya, u nga zumbe ni dikhulo; u nga henye, nguko eto ti va nga kubiha dwe.

Judha 1:9

Kambe ngelozi ya hombe Migeli, mbimo yi a nga txi kanetisana ni Sathani ngu mhaka ya txirumbi txa Mosi, kha tsana kuwomba dipswi da kumruka, aniko a to gwitela kuwomba, a txi khene: “Mkoma a na ku kawuke!”

1 Johani 3:10

Txikombiso txa vanana va Txizimu, ni txa vanana va Sathani ngu txiya: Votshe vale va si mahiko to lulama ni vale va si randiko vanawe kha va lumbi Txizimu.

Mithumo 17:18

Hambi vazivi vokari va gondo ya Epikuru ni ya Txitoyiki va ti kanetisana nayo. Se vamwani va txi kha vona: “A lava ku hi gela to txani nyamuwombe wuwa kani?” Vamwani va txi kha vona: “Awuwa ngu nga m'gondisi wa sizimu so mbi ziwa!” Nguko a ti ti txhumayela ngu Jesu ni kuwuka ka vafi.

1 Vatesalonika 4:6

Ka yiya mhaka, m'thu a nga thuke a txi dyelela mkwawe, nguko Mkoma wa ziva kupharela ka sotshe siya, kota nga ti hi nga mi gela, hi txi tshumela hi mi xambanyela.

Marku 14:55

Ti di mahile eto, vaphaxeli va hombe ni dotshe Dibanza va to lava wufakazi wo mangalela Jesu, kasi ve sikota ku m'daya, aniko va so wu pwata.

Matewu 26:59

Vaphaxeli va hombe ni dotshe dibanza va to lava wufakazi wa makuhu ha mmidi ka Jesu, kasiku e mana kudawa.

Dhewuteronome 15:11

Kha ku na mbi pwateka txisiwana ha ditikoni; ngu toneto, na kuruma ni khani: Nawuluta dianza dako ngu kutxhatxheka u vhuna mwananu, ni txikulungu txi txi ku ditikoni kwako.

Johani 11:47

Se vaphaxeli va hombe ni Vafarisi va to tshangana, va txi kha vona: “Hi na maha txani ngu m'thu wuwa, eko a mahako sidiwukiso so tala, kani?

Mtuletelo 20:14

Lifo ni Hadhesi si to vinzwa txizivani ka mndilo. Aliya i lifo la wumbidi: Txiziva txa mndilo.

Mithumo 7:37

I ngadi ene Mosi awu a nga womba ka vanana va ka Israyeli, a txi khene: Txizimu txi na wusa hagari ka vananu mprofeti wo nga ani.

Luka 12:5

Aniko ni na mi kombisa awu mi fanelako ku mu thava. Thavani awu, msana ka kudaya mmidi, a ku ni mtamo wa kutshotsha m'thu mndiloni. Ina, ani na mi gela, thavani eneyo.”

Matewu 5:44

Aniko ani ni khani: Randani valala vanu, mi txi khongelela avale va mi xanisako.

Matewu 5:34

Kasi ani ni khani: Mi nga xambanyeni ni ka kudotho. Mi nga xambanyeni ngu nzuma, nguko njikhalo txa wukoma txa Txizimu.

Matewu 3:17

Sekoko, kupfala dipswi da kuta ngu nzumani, di txi kha dona: “Awuwa i Mwanana wangu wo randeka, awu ni tsakiswako ngutu ngu ngene.”

Obhadhiya 1:10

Ngu mhaka ya ku u nga lwiswa mwananu Jakobe, u na fenengetwa ngu pfilu-pfilu, se u na fuviswa do gwita.

Mavingu 14:16

Txhari ya thava yi vayilela to biha, aniko txiphukuphuku txa henya txi ti maha txo tsana.

Masalmo 7:4

ngako ni di tshumetete mndoni wangu wunene ngu wubihi, ngako ni di xanisile mlala wangu ti si nga ni fanelo,

Genesisi 37:4

Vanawe ngako va txi wona ti to tate wawe a randa ngutu Josefa, kupinda votshe vamwani vanawe, va to khata ku m'vengela ngutu, va si lavi ni kuwombawomba nayo ngu kuthutha.

1 Johani 5:16

Ngako m'thu a txi wona mwanawe a txi maha txionho, atxi txi si yisiko kufani, a na mkombelele; se Txizimu txi na mninga wutomi, ngako kha ditshuri txionho txiya i si nga txa kuyisa kufani. Txiho txionho txi txi yisako kufani, kambe hi nga txona txi ni ku khani a na mkombelela ngu txona.

Jakobe 2:20

Awe m'thu wa txipumbu, wa ti lava kuwona ti to likholo li li ku si nga ni mithumo kha li vhuni txilo, kani?

Vahebheru 12:25

Ti woneleni ti to mi si lambi kuengisa wu a wombawombako. Nguko, akuwa va nga mbi huluka kutsayiswani avale va nga lamba kuengisa awule a nga ti va kawuka ha mafuni, ngutu-ngutu athu kha hi na mbi huluka, ngako hi txi lamba kuengisa awu a hi kawukako a di nzumani.

Vahebheru 5:9

Msana ka kuva a di tatisile tifanelo takwe, a mahile txisima txa wutomi wo mbi guma ka votshelele vale va mu engisako.

1 Vakorinto 6:10

ni makhamba, ni vanyatimbiti, ni sidhakwa, ni varuketeli, ni vavamna va va mahako txionho txa tingana ni mwamna kulowe, kuwalo ni wammweyo kwawe a no sikota kudya thomba ya mfumo wa Txizimu.

1 Vakorinto 6:6

Kambe ati ti mahekako ngu ti to mmwani a phikizana ni mkwawe masoni ka vamatiko!

Mithumo 5:27

Ngako va di va wuyisile, va to va emisa hagari ka dibanza. Se mphaxeli wa hombe a va wotisile, a txi khene:

Johani 15:25

kasi ku dipswi di, di nga bhalwa Mlayoni kwawe, di txi tatiseka, adi di ku: ‘Va ni vengete walo.’ ”

Johani 8:48

Vajudha va to xamula, va txi kha vona kwakwe: “Ina kha hi wombi tona ti to khathu, awe u Msamariya, ni ti to khathu u na ni didhimoni kani?”

Johani 7:20

Dibutho di to xamula di txi kha dona: “Awe u na ni didhimoni. I mani a lavako ku kudaya, kani?”

Marku 15:1

Ni mixo, vaphaxeli va hombe va to tshangana ve maha txikungo kumweko ni madhota ni vabhali ni dotshe Dibanza. Sekoko, va di sungile Jesu, va to mteka ve tsula veya mningela ka Pilato.

Matewu 25:41

Sekoko ngu msana, a na gela ava va txibhabha kwakwe, a txi khene: ‘Hambukani kule ni nani, anu vathu va kurukwa, tsulani mndiloni ko mbi na magwito, awu wu nga longiselwa Sathani ni tingelozi takwe.

Matewu 23:33

Minyoka-nu, lixaka la timamba! Mi na hulukisa kutxani kuavanyiswani ka gehena?”

Matewu 23:15

“Mi na ni dikhombo, anu vabhali ni Vafarisi, vaxengeteli! Mi dhawulako linene mafuni kasi kumana mlondeteli mmweyo; se mbimo yi mi nga mu mana, mi txi mñola ta tinene, mi mu maha wu a ku ni fanelo ya kuyiswa gehena, awu a mi pindako kambidi ngu wubihi.”

Matewu 17:5

Ene a di ngadi a txi womba tiya, ku to humelela direfu do woninga, di nga va fenengeta, se direfuni mule ku to pfala dipswi, di di nga womba tiya: “Awuwa i Mwanana wangu wo randeka ngutu, awu ni tsakiswako ngutu ngu ngene. Mu engiseni!”

Matewu 12:24

Aniko Vafarisi, ngako va txi pfa eto, va to kha vona: “Awuwa kha toveli madhimoni i si nga ngu mtamo wa Bhelzebhule, i ku mkoma wa mimoya yo biha.”

Matewu 10:17

Ti woneleni ka vathu, nguko va na mi mangalela ha banza, va na mi kwapa masinagogani kwawe,

Obhadhiya 1:12

Aniko awe u ti sa fanela kuwonetela ditshiku da mwananu, ka ditshiku da kuthaviswa kwakwe ditikoni, hambi kutsaka ngu vanana va ka Judha, ka ditshiku da kufuviswa kwawe; hambi kulaphisa txisofu txako, ka ditshiku da kupandiseka;

Dhaniyeli 3:19

Sekoko Nebhukodhonosori a to tala ngu kuhenya, se khohe yakwe yi to thuvika yi wukela Xadreke, Mixake, ni Abhedhi-Nego; a to rumisa ti to txikho txi onzetelwa kupinda mtxhanu wa sikhati ni simbidi sa tolovelo.

Dhaniyeli 3:13

Sekoko Nebhukodhonosori, ngu kuhenya ni txiviti, a to rumela kuya dhana Xadrake, ni Mixake, ni Abhedhi-Nego. Se vavamna vava va to tiswa masoni ka mfumeli.

Sidilo 3:52

Valala vangu va ni xotile nga txinyana ni si nga ni mnandu;

Jeremiya 17:11

Nga tshukwa yi yi fundamelako manda a yi nga mbi ma veka, ngu toneto ni wu a sengeletelako tithomba ngu nzila ya walo; kuve a na yi leka i di ngadi mixo, magwito akwe ngu kuxanga.”

Mavingu 18:6

Txiphukuphuku txi wuletwa mazungani ngu mapswi a txona, txisofu txa txona txa txi wuleta kutsayiswani.

Masalmo 92:6

Mabhemba kha ma yi zivi mhaka yiya siphukuphuku kha si yi pimisi.

Masalmo 69:4

Mbavangi vale va ni bavelako na va si nga ni ditshuri kupinda misisi ya ha msungo kwangu; mbavangi ngutu valala vangu avale va hembako ngutu ngu ngani. Se ni na tshumeta asile ni nga mbi pa kani?

Masalmo 49:10

Nguko wa ti wona taku titxhari ta fa, kufana ni mabhemba ni sipumbu, va txi siya suma sawe ka vamwani.

Masalmo 35:19

Va nga thuke ve tsaka ngu dikhombo dangu, avale va ni nyenyako hahanze ka mnandu;

Masalmo 25:3

Ngu ditshuri, avale va themako awe, kha va na mbi wiswa tingana. Va na wiswa tingana avale va ku wukelako na ku si nga ni txigelo.

Masalmo 14:1

Mahundwa ma womba timbiluni ka ona, ma txi kha ona: “Kha txi nga ho Txizimu!” Ma onhekile, ma txi maha mithumo yo nyenyeza; kha nga ho ni wammweyo a mahako ta tinene!

Nehemiya 5:8

Se ni txi khani: Athu hi hulukisile Vajudha, madingano ni mtamo wathu, i ku vanathu, avale va nga xaviswa ka vamatiko, se anu kambe mi lava kuxavisa vananu, kasi kuveta xaviswa kwathu kani? Sekoko va to malala, va txi kayee.

2 Makronika 16:10

Se Asa a to kwatela m'huti e mu rinza ka txigodho. Ati ti henyile ngutu ngu mhaka eyo. A to xanisa vathu vamwani ka mbimo yoneyo.

1 Vafumeli 21:4

Sekoko Akabe a to wuya m'tini kwakwe a di swirekile ni kuhenya, ngu mhaka ya dipswi dile a nga xamulwa ngu Nabhote, Mujezireyeli, do khene: Kha ni na mbi kuninga thomba ya vatate vangu. Se a to otela ha m'bhedhuni kwakwe, a txi wuna khoheni, kambe a sidyi dipawu.

2 Samuwele 16:7

Simeyi a txi ruketela, a ti ti khene: Huma, huma, m'thu wa mnoha, m'thu wa Bheliyali!

2 Samuwele 6:20

Se mbimo yile Dhavhidha a nga wuya ku ta katekisa nyumba yakwe, Mikali, mwana Sawule, a to huma e hingeta Dhavhidha, a txi khene: Wudhumo muni wu nga mahwa ka mfumeli wa ka Israyeli nyamsi, koza u ti funungula masoni ka sithumi sa txisikati sa sithumi sako, wu txi nga m'thu wo pwata mapimo.

Genesisi 37:8

Sekoko vanawe va to kha vona kwakwe: “Ti komba ti to awe u na fuma txitimwi kwathu kani? Niku awe u na hi thangela nga m'thu wa hombe kani? Ngu kumaha yeto, va to m'vengela ngutu, ngu mhaka ya miloro yakwe, ni mapswi akwe.”

Dhewuteronome 16:18

“U na veka valamuli ni vabhali, ka otshe madhoropa ale Mkoma, Txizimu txako, a no kuninga ka lihunzu ni lihunzu, vona va na thethisa vathu ngu kululama.

2 Makronika 19:5

Se a to veka valamuli ditikoni ka madhoropa otshe a hombe, ka didhoropa ni didhoropa.

Luka 22:66

Mbimo yi di nga txa, di to sengeletana dibanza da madhota a ditiko, vaphaxeli va hombe ni vabhali, ava va nga mteka va txi mu yisa Wulamuleloni kwawe.

Mithumo 4:15

Se ku ti ngako va di leletile ti to ve huma nyumbani ka wukoma, va to wotisana ngu txawe,

Mithumo 5:21

Ku ti ngako va di engisile toneto, va to wulela Dithepeleni ni mabimbi-kutxa, ve gondisa kona. Kambe mphaxeli wa hombe ni va va nga ti nayo, ngako va txi hoka, va to ramba dibanza ni madhota otshe a vanana va ka Israyeli, se ve rumela vathu mkorani kuya teka vapostoli,

Mithumo 6:12

Ngu toneto, va wusile vathu, ni madhota ni vabhali, se va to mu tela ngu txidhukisa, va ta mñola, ve mu yisa banzani ka wukoma.

Mithumo 6:15

Sekoko votshe va va nga ti khate ha banzani ka wukoma va to mu ronokela ngu maso ve wona khohe yakwe yi txi fanana ni ya ngelozi.

Mithumo 22:30

Mangwanani ka kona, ngu kulava kuziva ta tinene mhaka yi Vajudha va nga ti mu mangalela ngu yona, a to mu thukunyula e ramba vaphaxeli va hombe ni dotshe dibanza; se a to neha Paulo, e mu emisa masoni kwawe.

Mithumo 23:1

Paulo a to ronokela va madhota, a txi khene: “Vanathu, ni hanyile ngu nzila yo lulama masoni ka Txizimu kala ditshiku da nyamsi.”

Mithumo 24:20

Ni vona vava va ku kona hawa, va na wombe txihoxo txi va nga txi wona, mbimo yi ni nga ya emiswa hagari ka dibanza,