Matewu 5:18 - Bhiblia Yo Sawuleka

¹⁸ Nguko kha ditshuri na mi gela ku khani: Ku na za ku txi pinda nzuma ni mafu, na txima ku sa pfhutwa ni m'bhalo wawumwewo hambi ni txisesana txidotho txa Mlayo kala totshe ti txi tatiseka!

Matewu 5:18 Referans Kwoze

Luka 16:17

“Ta hehuka ti ta ku nzuma ni mafu si mwalala, kupinda kuwa hahatshi hambi txisesana tximwetxo txa Mlayo.”

Isaya 40:8

Mwasi wa oma, se siluva sa mora, aniko dipswi da Txizimu txathu da zumba kala kupinduka.

1 Pedro 1:25

aniko dipswi da Mkoma nda yotshe mbimo; se dipswi diya, ngu dona di mi nga txhumayelwa.

Marku 13:30

Kha ditshuri na mi gela: Liveleko liya kha li na mbi pinda, na totshe tiya ti sa maheka.

Isaya 51:6

Guletani maso mi wona nzumani, mi wona ni mafu hahatshi, nguko nzuma yi na mwalala nga wutshi, ni mafu ma na sakala nga txyambalo, ni va va zumabako ka ona va na fisa ku nga titshuna; aniko kuhanyisa kwangu ku na zumba kala kupinduka, ni kululama kwangu kha ku na mbi funywa.

Mtuletelo 20:11

Ngu msana ni to wona txikhalo txa hombe txa wukoma txo basa ni wule a khalahatshako ka txona. Nzuma ni mafu si tutuma si mu thava, ku si sali txikombiso txa hawa si nga ti kona.

Masalmo 102:26

Sotshe si na pinda, aniko awe u na simama u tsana. Sotshe ha mafuni sa sakala kufana ni nguwo; sotshe u na si txhipisa kufana ni syambalo, se si na mwalala!

Johani 5:19

Jesu a to xamula a txi khene kwawe: “Ngu ditshuri, ngu ditshuri, na mi gela ku khani: Mwanana ene apune kha sikoti kukhata e thuma txilo, hahanze ka tile a nga ti wona ti txi thumwa ngu Tate wakwe; nguko totshe ti ti nga mahwa ngu Tate, Mwanana a ti mahisa toneto.

Matewu 17:20

Jesu a va xamute a txi khene: “Ngu mhaka ya kutumela kwanu ka kudotho, nguko kha ditshuri ni khani kwanu: Ngako mi di ni kukholwa ko fana ni mbewu ya txinapi, mi na womba ka mmango wuwa, mi txi khanu: ‘Khukha hawa u txi ya haleya’, wona wu na khukha. Txi walo ni tximwetxo mi no txi tanda.

Matewu 16:28

Kha ditshuri ni khani kwanu: Hagari ka va va kuho hawa, vaho vamwani va no mbi fa, va sa thanga ngu kuwona kuta ka Mwanana wa M'thu Mfumoni kwakwe.”

Matewu 13:17

Nguko ngu ditshuri na mi gela ni khani: Vaprofeti vavangi ni valulami, va navete kuwona ati mi ti wonako, aniko kha va ti wona; va navete kuengisa ati mi ti engisako, aniko kha va engisa.”

Matewu 10:23

Ngako va txi mi xanisa ka didhoropa dokari, thavelani ka dimwanyane. Nguko kha ditshuri ni khani kwanu: Mi sinzi kuheta kutsimbilatsimbila ka otshe madhoropa a ka Israyeli, Mwanana wa M'thu a na va a di bwakile.”

Matewu 6:2

“Ngu konaho, ngako u txi ha sisiwana, u nga thuke u txi veta mpundu masoni kwako, nga ti va mahako vaxengeteli masinagogani ni tinzilani, kasiku ve dhumiswa ngu vathu. Kha ditshuri ni khani kwanu: Va amukete ditshungulo dawe.

Matewu 5:26

Ngu ditshuri na kugela ku khani: Eho khu na mbi humiswa kala kuza u txi dihela yotshe male.”

Masalmo 119:152

Kukhukhela ha wananani kwangu, na si ziva sileleto sako; awe u si tsanisile kala kupinduka.

Johani 21:18

Ngu ditshuri, ngu ditshuri na kugela ku khani: Mbimo yi u nga ti mfana, ngawe upune u nga txi ti sunga libhande txiwununi, u txi ya muwa u nga txi kulava, aniko mbimo yi u no kumba, u na nawuluta manza ako, se mmwani ngene a no kusunga libhande, a txi kuyisa ni mu awe u si ku laviko.”

Johani 16:23

Ka donedo ditshiku kha mi na mbi ni wotisa txilo. Ngu ditshuri, ngu ditshuri na mi gela ku khani: Sotshe si mi no si kombela ka Tata ngu ditina dangu, ene a na mi ha.

Johani 16:20

Ngu ditshuri, ngu ditshuri na mi gela: Mi na dila ni kupandiseka mbilu, kambe vathu va ditiko va na tsaka; se anu mi na xaniseka timbiluni kwanu, kambe kuxaniseka kwanu ku na hinduka ku txi maha litsako.

Johani 14:12

“Ngu ditshuri, ngu ditshuri na mi gela ku khani: Awule a kholwako kwangu, a na maha nene mithumo yi ani ni yi mahako, kambe a na maha mithumo ya hombe yo pinda yiya, nguko ani se na tsula ka Tata.

Johani 13:38

Jesu a to mu xamula a txi khene: “U khawe u na ningela wutomi wako ngu kota yangu? Ngu ditshuri, ngu ditshuri, na kugela ku khani: Mkuku wu sinzi kuemba, awe u na va u di ni lambile kararu.”

Johani 13:16

Ngu ditshuri, ngu ditshuri na mi gela ku khani: Txithumi hi nga txa hombe ka mkoma wa txona; ni txirumwa hi nga txa hombe ka wule a nga txi ruma.

Johani 12:24

Ngu ditshuri, ngu ditshuri, na mi gela: Ngako nyengi ya fulaho, yi yi wako mafuni, yi si fi, yi na zumba yokha. Aniko, ngako yi txi fa, yi ninga mihando yayingi.

Johani 10:7

Jesu a engetile e va gela kambe a txi khene “Ngu ditshuri, ngu ditshuri, na mi gela ti to ani ngani ni ku txike txa tinvuta.

Johani 10:1

“Ngu ditshuri, ngu ditshuri, na mi gela ti to awule asi wuleliko ngu ha txikeni, txibalani ka tinvuta, kambe a wulelako ngu wumwani wukhalo, ndikhamba, didhawa njigevenga.

Johani 8:58

Jesu a to khene kwawe: “Ngu ditshuri, ngu ditshuri, na mi gela ku khani: Na Abrahamu a sinzi ku va ho, ‘Ani ngani Wuwa.’ ”

Johani 8:51

Ngu ditshuri, ngu ditshuri na mi gela ku khani: Ngako m'thu a txi veketa dipswi dangu, txima kha na mbi wona lifo ni ditshiku ni da dimwedo.”

Johani 8:34

Jesu a to va xamula a txi khene: “Ngu ditshuri, ngu ditshuri, ni khani: Wuhi ni wuhi a mahako txionho, i khumbi ya txionho.

Johani 6:53

Jesu koko a to khene kwawe: “Ngu ditshuri, ngu ditshuri, na mi gela, ni khani: Ngako mi si dyi mmidi wa Mwanana wa M'thu, ni kungako mi si seli mnoha wakwe, anu kha mi na mbi va ni wutomi mndani kwanu.

Johani 6:47

“Ngu ditshuri, ngu ditshuri, na mi gela, ni khani: Awule a kholwako kwangu, ana ni wutomi wo mbi guma.

Johani 6:32

Jesu a to va xamula a txi khene: “Ngu ditshuri, ngu ditshuri, na mi gela ni khani: Hi nga Mosi a nga mi ha dipawu da kuta ngu nzumani. Tate wangu ngene a mi hako dipawu da ditshuri da kuta ngu nzumani,

Johani 6:26

Jesu a to va angula a txi khene: “Ngu ditshuri, ngu ditshuri, na mi gela taku, kha mi ni laveli mhaka ya sidiwukiso si mi nga si wona, aniko mi ni lava ngu ku mi nga dya mapawu, mi khura.

Johani 3:11

Ngu ditshuri, ngu ditshuri, na kugela ku khani: Hi womba ti hi ti zivako, hi fakaza ati hi nga ti wona, aniko kha mi amukeli wufakazi wathu.

Johani 3:5

Jesu a to xamula a txi khene kwakwe: “Ngu ditshuri, ngu ditshuri, na kugela ku khani: Ngako m'thu asi velekwi ngu mati ni Moya, kha na kusikota kuwulela Mfumoni ka Txizimu.

Johani 3:3

Jesu a to xamula a txi khene kwakwe: “Ngu ditshuri, ngu ditshuri, na kugela ku khani: Ngako m'thu asi velekwi da wumbidi, kha na kusikota kuwona Mfumo wa Txizimu.”

Johani 1:51

A to engeta a txi khene: “Ngu ditshuri, ngu ditshuri, na mi gela ku khani: Kukhukhela konkuwa, mi na wona nzuma yi di tulekile, ni tingelozi ta Txizimu na ti txi kwela, ti va ti txhika txitimwi ka Mwanana wa M'thu.”

Luka 23:43

Ene a mu xamute a txi khene: “Kha ditshuri na kugela tito: Nyamsi, u na va kumweko ni nani Paradhiseni.”

Luka 18:29

Se ene a txi khene kwawe: “Kha ditshuri na mi gela ku khani: Kha ku nga ni m'thu wu a nga leka nyumba yakwe, ni msikati, hambi vanawe mwendo vaveleki vakwe, mwendo vanana vakwe, ngu mhaka ya Mfumo wa Txizimu,

Luka 18:17

Kha ditshuri ni khani kwanu: Awu asi amukeliko Mfumo wa Txizimu nga mwanana, kha na mbi wulela ka wona.”

Luka 13:35

Wonani, konkuwa m'ti wanu wu na maha dirumbi. Na mi gela ku khani: Kha mi na mbi ngadi mi ni wona, kala mbimo yi mi no khanu: A na dhumiswe awu a tako ngu ditina da Mkoma.”

Luka 12:37

Si katekile sithumi sile, nyamne wa sona, mbimo yi a bwakako a nota si mana si txi wonelela. Kha ditshuri na mi gela, ene a nata sunga dithawula txiwununi, a txi va khalahatshisa ha mezani, a txi tsimbila ngu ka mmweyo ni mmweyo, a txi va phamela sakudya.

Luka 11:51

kukhata ngu mnoha wa Abhele kala kuhetisela ngu wa Zakariya, awu a nga dawa hagari ka txiluvelo ni Wukhalo wo Sawuleka ngutu; inna, na mi gela ni khani: Wu na vilwa ka liveleko liya.

Marku 14:30

Jesu a to mu xamula a txi khene: “Kha ditshuri na kugela ti to nyamsi, ka wona wusiku wuwa, na mkuku wu sinzi kuemba kambidi, awe u na ni lamba kararu.”

Marku 14:25

Kha ditshuri na mi gela ni khani: Kha ni na mbiswa ni txi sela kambe mihando ya m'vhinya kala ditshiku dile ni no ya yi sela yi di yiphya Mfumoni ka Txizimu.”

Marku 14:18

Txikhati txi va nga ti ha mezani va txi dya sakudya, Jesu a ti khene: “Ngu ditshuri na mi gela ku khani: Mmweyo wanu a dyako ni nani a na ni ningela.”

Marku 14:9

Ngu ditshuri na mi gela: Ka wuhi ni wuhi wukhalo ku no txhumayelwa Evhangeli, ka mafu otshe, ti na xawutwa ni tona ti ene a nga ti maha, kasi kumaha txialakanyiso ngu ngene.”

Marku 12:43

Jesu a to dhana vagondiswa vakwe a txi khene: “Kha ditshuri na mi gela ni khani: Awu wa noni, wa txisiwana, a vekile mu ka msengo male yayingi ngutu kupinda votshe.

Marku 11:23

Kha ditshuri ni khani kwanu: Mmwani ni mmwani a no womba ka txitunga txiya, a txi khene: ‘Khukha u ya ti rinza lineneni’, na asi kanakani mbiluni kwakwe, kambe a txi kholwa ti ta ku ati a ti wombako ti na maheka, a na mahelwa tona.

Marku 10:29

Jesu a to xamula a txi khene: “Kha ditshuri na mi gela: Kha ku nga ho m'thu wu a nga leka nyumba, vanawe, tindiyakwe, mame, tate, vanana mwendo tithembwe, ngu mhaka yangu ni ngu mhaka ya Evhangeli,

Marku 10:15

Kha ditshuri na mi gela ku khani: Awule asi amukeliko Mfumo wa Txizimu nga mwanana, txima kha na mbi wulela ka wona.”

Marku 9:41

Awule a no mi ninga muhindo wa mati o sela ngu mhaka ya kuva mi di vagondiswa va Kristu, kha ditshuri na mi gela ti to kha na mbi mwalalelwa ngu dihelo yakwe.”

Marku 9:1

A to engeta a txi khene kwawe: “Kha ditshuri na mi gela, ni khani: Vamwani va va kuho kona hawa kha va na mbi pfa lifo, va sinzi kuwona Mfumo wa Txizimu, wu txi ta ngu mtamo.”

Marku 8:12

Se e hefemuteka moyani kwakwe, a txi khene: “Liveleko liya, li kombelela txani txikombiso kani? Kha ditshuri na mi gela ku khani: Liveleko liya kha li na mbi ningwa txikombiso!”

Marku 6:11

Ngako ka wukhalo wokari, va si mi amukeli, mwendo va si mi engisi, mbimo yi mi humako, huphutani lithulu la mikondo yanu ngu wufakazi wa ku va sola.”

Marku 3:28

Kha ditshuri na mi gela ku khani: Vanana va vathu va na divalelwa sionho sotshe ni siruko sotshe si va no si womba.

Matewu 25:45

Sekoko ene a na va angula a txi khene: ‘Kha ditshuri na mi gela ku khani: Yotshe mbimo yi mi nga leka ku ti maha tiya ka mmweyo wa vanathu vavadotho, ni nani kha ma ni mahela.’

Matewu 25:40

“Se Mfumeli a na va xamula a txi khene: ‘Kha ditshuri na mi gela ti to khani: Yotshe mbimo yi mi nga ti maha eto ka mmweyo wa vanathu vavadotho, mi mahete ani nipune’.

Matewu 25:12

Aniko ene a to ti xamula a txi khene: ‘Kha ditshuri na mi gela ti to kha ni mi zivi.’

Matewu 24:47

Kha ditshuri na mi gela ti to a nata txi ninga kuxayisa sotshe si a ku naso.

Matewu 24:2

Aniko ene a to va gela ku khene: “Ma si wona sotshe siya, kani? Kha ditshuri na mi gela ku khani: Kha ku na mbi sala dirigwi txitimwi ka dirigwi, adi di no mbi khundumuswa.”

Matewu 23:36

Kha ditshuri na mi gela ku khani: Sotshe siya si na welela lihunzu liya.”

Matewu 21:31

Se i mani ka vona va vavambidi, awu a nga maha kuranda ka tate wakwe, kani?” Se vona va txi kha vona: “Ngu wule wo khata.” Jesu a to va gela a txi khene: “Ngu ditshuri nanani na mi gela: Vakhupisi ni magelegele va na mi thangela kuwulela Mfumoni ka Txizimu.

Matewu 21:21

Jesu a xamute a txi khene: “Kha ditshuri na mi gela ku khani: Ngako mi di ni likholo, mi si kanakani, kha mi na mbi maha dwe, ati ni nga maha ani ka mkuwu wuwa, hambi idiku mi khanu ka mmango wuwa: ‘Khunuka eho u txi ti tshotsha lineneni’, ti na maheka.

Matewu 19:28

Jesu a to xamula a txi khene: “Kha ditshuri na mi gela ku khani: Ka mbimo ya kuwusetwa ka wuphya wa sotshe, ditshiku diya Mwanana wa M'thu a nota khalahatsha ha txikhaloni kwakwe ka wukoma wa kupfaliswa, na nanu, mi nga ni londisa, mi nata khalahatsha ka digumi da sikhalo sa wukoma ni simbidi, mi txi lamula tihunzu ta digumi ni timbidi ta ka Israyeli.

Matewu 19:23

Se konaho, Jesu a to gela vagondiswa vakwe a txi khene: “Kha ditshuri na mi gela ku khani: Ta karata kuwulela Mfumoni ka nzumani awule a ku ni tithomba.

Matewu 18:18

“Kha ditshuri na mi gela: Txihi ni txihi mi no txi sunga ha mafuni, txi na sungwa ni kona nzumani; txihi ni txihi mi no txi thukunyula ha mafuni, txi na thukunyulwa ni kona nzumani.

Matewu 18:3

a txi khene: “Kha ditshuri ni khani kwanu: Ngako mi si tshumeli mi txi fanana ni vanana vavadotho, kha mi na mbi sikota kuwulela Mfumoni ka nzumani.

Matewu 11:11

“Kha ditshuri na mi gela: Hagari ka vanana va va nga velekwa ngu wamsikati, kha ka maneka wa hombe wo pinda Johani Mubhabhatisi. Aniko awule i ku wam'dotho ngutu Mfumoni ka nzumani, mbwa hombe ngutu kupinda ene.

Matewu 10:42

Ani wule a ningako ka mmweyo wa vale vavadotho, hambi i di muhindo wumwewo wa mati o titila, ngu mhaka ya kuva i di mgondiswa wangu, kha ditshuri na mi gela ti to kha na mbi luzekelwa ngu ditshungulo dakwe.”

Matewu 10:15

Kha ditshuri ni khani kwanu: Ngu ditshiku da kulamulwa ditiko da Sodhoma ni da Gomora di nata hehukiselwa kupinda didhoropa donedo.”

Matewu 8:10

Ngako Jesu a di pfite tiya, a to xamala, a txi khene ka vava va nga txi mu londisa: “Kha dithuri, na mi gela, ni khani: Kha na mana likholo la hombe lo nga liya, hambi hagari ka va ka Israyeli.

Matewu 6:16

“Ngako mi txi ti tona sakudya, mi nga kombiseni kuthuvika khoheni, nga vaxengeteli, ava va thuvikako khoheni kwawe, kasiku va na woneka ka vathu ti to va ti tonile sakudya. Kha ditshuri na mi gela ti to va amukete ditshungulo dawe.

Luka 4:24

Ngu msana a to sanzekela mapswi a ku khene: “Kha ditshuri na mi gela ku khani: A walo mprofeti wu a amukelwako ngu txithavo ditikoni kwawe.

Masalmo 111:8

nguko yi tsanisilwe kala kupinduka yi mahilwe ngu ditshuri ni kululama.

Isaya 44:26

ngani ni tsanisako dipswi da txithumi txakwe, kambe na tatisa makungo a sirumwa sakwe, ni wombako ka Jerusalema, ni txi khani: Ku na akwa kwako, se ka madhoropa a ka Judha ni khani: Mi na aketwa, ni ti to ani ni na wusa marumbi anu;