Matewu 5:15 - Bhiblia Yo Sawuleka

¹⁵ Hambi dilambu kha va di lumekeli ku di khubhunyewa ngu txirundu, aniko va di hayeka txitimwi ka phande, ti to di woninga votshe va va ku nyumbani.

Matewu 5:15 Referans Kwoze

Marku 4:21

A to engeta a txi khene kwawe: “Dilambu, ina di nehwa ku ta vekwa hahatshi ka txirundu mwendo hahatshi ka m'bhedhu kani? Ina kasi kha va di nehi ve ta di veka ha phandeni kani?

Luka 11:33

“Kha ku na m'thu wu a lumekako dilambu kasi ku di veka kusisalani, mwendo hahatshi ka txirundu; aniko di hayekwa ha txipandeni, ti to ava va wulelako ve wona kuwonekela.

Luka 8:16

“Kha ku na m'thu wuwa a lumekako dilambu, a txi di fenengeta ngu txirundu, mwendo ku di veka hahatshi ka m'bhedhu; aniko a di hayeka ha ka txipande, ti to ava va wulelako ve wona kuwonekela.

Mitengo 8:2

Gela Aroni u txi khawe: Mbimo yi u vekako malambu ha phandeni, veka mtxhanu wa malambu ni mambidi, kasi kuwoningeta ka didhawa da masoni ka phande ya malambu.

Eksodha 25:37

U na yi mahela mtxhanu wa malambu ni mambidi, ale ma no turiselwa, me woninga masoni ka wona.

Zakariya 4:2

Yi txi ni gela ku kha yona: U wona txani kani? Se ani ni ti khani: Ni txi wona, no wona txipande txo mahwa ngu nzalama dwe, txitimwi ka txona ku di ni txiya txo thela kona mtona, ni mtxhanu wa malambu ni mambidi, se dilambu dimwedo ni dimwedo di ti ti ni mtxhanu wa mipofu ni yimbidi.

Luka 11:36

Ngako mmidi wako wotshe wu txi woningwa, na wu si nga ni txidema, ngu kona wu no woningwa wotshe kufana ni mbimo yi dilambu di ku woningako ngu kuwonekela ka dona.”

Vafilipiya 2:15

kasiku mi va mi si nga ni txisolo na mi di basile, mi va vanana va Txizimu vo mbi na nzambwa, hagari ka liveleko lo soholoka, na li di xangile; mi fanete kuphatima hagari kwawe, nga malambu ha mafuni;

Vahebheru 9:2

Nguko, ku akilwe ditenda: Ditenda do khata di dhanwako ku wukhalo wo sawuleka, amuwa ku nga ti vekilwe dilambu, ni meza ni mapawu a miphaxo.

Mtuletelo 2:5

Ngu toneto, alakanya ahawa u nga wela kona, hunduluka u txi teka mahanyelo o khata. U si mahi eto, ni na ku tela se, ngako u si hunduluki ni nata thavisa txipande txako txa dikhanjela ha wukhaloni ka txona.