Matewu 5:11 - Bhiblia Yo Sawuleka

¹¹ Mi katekile, ngako va txi mi ruketela ni ku mi xanisa, ni ku mi hembela, ve mi lumbeta makuhu ngu mhaka yangu.

Matewu 5:11 Referans Kwoze

1 Pedro 4:14

Ngako mi txi xaniswa ngu ditina da Kristu, mi katekile, nguko moya wa kupfaliswa, Moya wa Txizimu, wu zumbile hagari kwanu.

Luka 21:17

Mi na vengelwa ngu votshe ngu mhaka ya ditina dangu.

Marku 13:13

Mi na vengelwa ngu votshe ngu mhaka ya ditina dangu, aniko awu a timiselako kala magwito, ngene a no hulukiswa.”

Matewu 24:9

“Sekoko va na mi ningela kuxaniswani ni kudawani, mi na vengelwa ngu votshe vathu, ngu mhaka ya ditina dangu.

Luka 6:22

Mi katekile anu, ngako vathu va txi mi venga, va txi mi tovela, va txi mi ruketela, va txi nyenya ditina danu nga do va ni nduma yo biha, ngu mhaka ya Mwanana wa M'thu.

1 Pedro 2:23

Ene, mbimo yi va nga ti mruketela, kha ruketela nene. Mbimo yi va nga ti m'xanisa, kha va henyela, aniko a to ti ningela ka wule a lamulako ngu kululama.

Johani 15:21

Ngu toneto, va na mi maha totshe tiya, ngu mhaka ya ditina dangu, nguko kha va mu zivi awu a nga ni ruma.

Matewu 10:22

Nananu mi na vengelwa ngu votshelele ngu mhaka ya ditina dangu. Aniko awu a no timisela kala magwito, ngene a no hanyiswa.

Isaya 66:5

Engisani dipswi da Mkoma, anu mi dhudhumelako masoni ka dipswi dakwe. Vananu vale va mi nyenyako, kambe va mi tshotshako kule ngu kuranda ditina dangu, va kha vona: “Mkoma a na dhumiswe, kasi ku hi wona kutsaka kwanu!” Aniko vona va na wiswa tingana.

Matewu 10:39

Awule a zamako kuxayisa wutomi wakwe a na luzekelwa ngu wona, ani wule a luzekelwako ngu wutomi wakwe ngu mhaka ya lirando ni nani, a na tshumela e wu mana.”

Mtuletelo 2:3

U na ni kutimisela, nguko u tumete kuxaniseka ngu mhaka ya ditina dangu, aniko khwa rereka.

Matewu 19:29

Se wuhi ni wuhi, a nga leka tinyumba, vanawe, tindiyakwe, tate, mame, msikati, vanana mwendo tithembwe ngu mhaka ya ditina dangu, a na amukela sa kupinda ngutu asile, se ngu msana a na mana thomba ya wutomi wo mbi guma.

2 Vakorinto 4:11

Athu hi ku ngadi hi txi hanya, yotshe mbimo ha ningelwa kudawani, ngu mhaka ya lirando la Kristu, kasiku wutomi wakwe Jesu wu txi ti kombisa kambe ka mmidi wathu wu wu fako.

1 Vakorinto 4:10

Athu hi sipumbu ngu mhaka ya Kristu, se anu mi titxhari ngu ka Kristu; athu hi mapwembwe, anu mi tindena; anu mi vo xonipheka, athu hi vo eyiseka,

Varoma 8:36

Nga ti ti nga bhalwa taku: “Ha dawa ngu mhaka yako dotshe ditshiku. Hi wonwa nga tinvuta to emiselwa kuya kudawani.”

Luka 21:12

Aniko ti sinzi kumaheka totshe tiya, va na mi ñola, va txi mi xanisa, va txi mi ningela masinagogani, va txi mi sekela mikorani; va na mi yisa ka vakoma ni vafumeli ngu mhaka ya ditina dangu;

Luka 9:24

Nguko awu a lavako kuponisa wutomi wakwe, a na wu mwalata; ani wu a mwalatako wutomi wakwe ngu mhaka yangu, a na wu hulukisa.

Marku 8:35

Awu a lavako kuhulukisa wutomi wakwe a na luzekelwa ngu wona ani wu a luzekelwako ngu wutomi wakwe ngu mhaka yangu ni Evhangeli, a na wu hulukisa.

Matewu 10:25

Ta enela ka mgondiswa ku a txi dingana ni m'gondisi wakwe, ni ka txithumi ku txi txi dingana ni nyamne wa txona. Ngako va di dhani nyamne wa nyumba va txi i Bhelzebhule va ha mwayani kwakwe va na dhanwa ngu kupindisa.”

Mithumo 9:16

Ani nipune ni na mu kombisa ti a fanelako kuxanisekisa tona ngu mhaka ya ditina dangu.”

Masalmo 44:22

“Ha dawa ngu mhaka yako dotshe ditshiku. Hi wonwa nga tinvuta to emiselwa kuya kudawani.”

Marku 13:9

“Kambe anu ti woneleni, nguko va na mi ningela mabanzani ko lamulwa, ni masinagogani, mi na kwapelwa, mi emiswa masoni ka tinduna ni ka vafumeli ngu mhaka yangu, kasiku mi va tifakazi tangu masoni kwawe.

Matewu 27:39

Se ava va nga ti pinda, va txi mu ruketela, va txi zinginika misungo yawe, va txi kha vona:

Marku 4:17

Aniko kha va nga ni mikoloti vapune; mba mbimonyana dwe; se ngako dikhombo ni kuxaniswa si txi va humelela, ngu mhaka ya dipswi, va kuluveta ve rereka.

Matewu 10:18

se va na mi yisa masoni ka tinduna ni ka vakoma ngu mhaka yangu, kasi mi va tifakazi masoni kwawe ni ka vamatiko.

Johani 9:28

Sekoko va to khata ku mruketela, va txi kha vona: “Mgondiswa wakwe ngawe wekha, athu hi vagondiswa va Mosi.

Masalmo 35:11

Tifakazi ta makuhu ti ni wukete, ti ni wotisile ngu timhaka ti ani ni nga mbi ti maha.

Isaya 25:8

A na fuvisa lifo ngu ha ku si gwitiko, ngu kumaha keto, Mkoma Txizimu, a na bahula mirongo ka totshe tikhohe, kambe a na thavisa tingana ta vathu vakwe kotshe ha mafuni, nguko Mkoma a wombile.

Isaya 51:7

Ni engiseni anu mi zivako wululamo, anu vathunu mlayo wangu wu ku timbiluni kwanu; mi nga thaveni kutseketselwa ngu vathu, hambi kukarateka ngu siruko sawe.

Jeremiya 37:14

Jeremiya e xamula a txi khene: Eto makuhu, kha ni tutumeli ka Vakaldheya. Aniko Jeriya kha mu engisa, a to ñola Jeremiya, a txi mu yisa ka vathangeli.

Vafilipiya 1:29

nguko txona txi mi ningile kateko, masoni ka Kristu, kateko yo kholwa kwakwe, ni yo xaniseka ngu ngene,