Matewu 5:1 - Bhiblia Yo Sawuleka

¹ Ngako Jesu a txi wona mabutho a to kwela txitimwi ka mmango. Msana ka kuva a di khalahatshile, vagondiswa vakwe va to mtshuketela hafuhi.

Matewu 5:1 Referans Kwoze

Marku 3:13

Se ene a to kwela mmangoni, a txi va dhana kwakwe ava a nga va lava, se vona ve tsula kwakwe.

Matewu 15:29

Jesu a di khukhile konaho, a to ya lineneni ka Galileya, se a di kwete mmango a to ya khalahatsha konaho.

Marku 4:1

Jesu a to engeta e gondisa hafuhi ni digova, se dibutho da hombe di sengeletana kwakwe, se ene a to wulela ngalavani, ayi yi nga ti digovani e khalahatsha ka yona. Vathu votshe va ti mabambe ka digova.

Marku 3:20

Jesu a to wuya m'tini, se dibutho di tshumela di ta sengeletana konaho, ahawa ka kuza ve tandeka ni kudya sakudya.

Matewu 4:25

Se dibutho da vathu votala di to mu londisela, na va txi humela Galileya ni Dhekapoli ni Jerusalema ni Judheya ni mtxhatuko ka Jordhani.

Matewu 13:2

Se ku to tshangana masoni kwakwe dibutho da hombe ngutu da vathu, ahawa a nga za e wulela ngalavani eya khalahatsha ka yona, na dotshe dibutho di di emile mabambe.

Matewu 5:2

Se ene a to tula txisofu, e khata ku va gondisa, Jesu a ti khene:

Luka 6:12

Ka ale masiku Jesu a to ya mmangoni kuya khongela. Se e pila wusiku wotshe a txi khongela ka Txizimu.

Luka 6:17

Ku ti ngako a di kwitimile navo ngu mmangoni, a to ema ha ndandalani, se dibutho da hombe da vagondiswa vakwe ni vathu vavangi va kuta ngu ka dotshe da Judheya, ni Jerusalema, ni matiko a hafuhi ni linene a Tiro ni Sidhoni,

Luka 6:20

Jesu a to gula maso a txi wona vagondiswa vakwe, a txi khene: “Mi katekile anu sisiwana, nguko Mfumo wa nzumani mbwanu.

Luka 9:28

Msana ka timhaka tiya na masiku ma txi lava kuva a mtxhanu ni mararu, Jesu a to teka Pedro ni Johani ni Jakobe, e kwela navo mmangoni kuya khongela.

Johani 6:15

Se ngako Jesu a di woni ti to va na nda ta kuta mu maha mfumeli, a to khukha, da wumbidi, ene ekha, e tsula mmangoni.