Matewu 4:5 - Bhiblia Yo Sawuleka

⁵ Sathani a mu tekile e tsula nayo Didhoropani ko Sawuleka, a txi ya mu veka txiroroni ka Dithepele;

Matewu 4:5 Referans Kwoze

Luka 4:9

Ngu msana, a to mu yisa Jerusalema, a txi ya mu veka txiroroni ka Dithepele, a txi khene kwakwe: “Ngako u di Mwanana wa Txizimu, ndaka u txi jatama hahatshi,

Mtuletelo 11:2

Se mtendela wa hahanze ka Dithepele, wu leke u nga wu pime, nguko wona wu ningetwe ka vamatiko, ava va no kandetela ngu mikondo didhoropa do sawuleka txipimo txa mune wa magumi a mitxima ni yimbidi.

Matewu 27:53

Se va di wukile ngu mathunani, msana ka kuwuka ka Jesu, va to wulela ka Dithoropa do sawuleka, ve vonwa ngu vathu vavangi.

Isaya 48:2

Se mi tekile ni ditina da didhoropa do sawuleka, mi tsana ngu Txizimu txa ka Israyeli; ditina da txona Mkoma wa Mabutho a Tiyimbi.

Johani 19:11

Jesu a to xamula a txi khene: “Nga u si nga ni mtamo txitimwi kwangu, idiku u sa wu ningwa ngu ni txitimwi. Ngu toneto, awu a nga ni ningela kwako ana ni txionho txo pindisa.”

Dhaniyeli 9:24

Mtxhanu wa magumi ni mambidi a mavhiki ma emisetwe txitimwi ka vathu vako ni txitimwi ka didhoropa dako do sawuleka, kasi kufuvisa wuhambunyeti ni kuheta sionho, ni kubasisa wubihi, ni kutisa kululama ko mbi na magwito, ni kutsanisa txiwoniso ni txiprofeto, ni kutota Msawuleki wa vasawuleki.

Dhaniyeli 9:16

Awe Mkoma, mandingano ni wotshe wululamo wako, ku na khukhe kuhenya kwako ni txiviti txako txitimwi ka dihoropani dako Jerusalema, ka mmango wako wo sawuleka; se ngu mhaka ya sionho sathu, ni ngu mhaka ya sihambunyeto sa vatate vathu, Jerusalema ni votshe vathu vako va hundukile txisekiso ka votshe vale va ku mabambe kwathu.

Isaya 52:1

Wuka, wuka, ambala mtamo wako, awe Siyoni; ambala syambalo sako so tshura ngutu, awe Jerusalema, didhoropa do sawuleka; nguko kwako kha ku na mbi thuka ku txi wulela awu a nga mbi ya wukwerani, hambi wa kwa mbi basa.

Nehemiya 11:18

Votshe Valevhi va didhoropani ko sawuleka i ti 284.

Nehemiya 11:1

Se vathangeli va vathu va to aka Jerusalema, aniko vathu va xaxuva tixolo kasi kusawula mmwewo ka mtxawa wa digumi, wu no ya aka didhoropani ko sawuleka ka Jerusalema, se a va va mtxhanu ni mune va na ya aka ka madhoropa mamwani.

2 Makronika 3:4

Se m'hubhe wu wu nga ti ti masoni madingano ni kuanama ka nyumba wu ti ni mpimo wuwa: Kulapha magumi mambidi a mikono, ni kudemba ka 120, awu mndani ka wona ku nga ti bhamilwe ngu nzalama ya yinene ngutu.