Matewu 4:24 - Bhiblia Yo Sawuleka

²⁴ Sekoko nduma yakwe yi to pfala kotshelele Siriya. Ve va tisa kwakwe votshe va va nga ti lwala ngu mipando yihi ni yihi, ava va nga txi xaniswa ngu malwati ni simwani sikarato, va madhimoni ni va vo tshanuka, ni silima; se ene a txi va hanyisa votshe.

Matewu 4:24 Referans Kwoze

Matewu 17:15

“Mkoma pfela wuxinji mwanana wangu, a lwalako ngu txitshanuka; wa xaniseka ngutu. Sikhati so tala a wela ha mndiloni ni matini.

Matewu 8:6

yi txi kha yona: Mkoma txithumi txangu txi otete nyumbani, txi to tsotsowolo kuoma sihango txa xaniseka ngutu.”

Luka 5:15

Se nduma yakwe yi to engeteleka kuhangalaka; mabutho a hombe ma to ta ku ta mu engisa ni ku ta hanyiswa ngu ngene ka malwati awe.

Luka 2:2

Ayiya bhalela njo khata kuhuma, kufumani ka Kirino, mfumeli wa Siriya.

Matewu 17:18

Jesu a to dhusa didhimoni, se didhimoni di huma ngu ka mfana wule, se ene e hanyiswa ka yoneyo mbimo.

Matewu 15:22

Se mmweyo wamsikati, wa mu Kanana, a nga ti tile ngu Kanana, a to kwangula a txi khene: “Mkoma Mwana Dhavhidha, ni pfele wusiwana. Mwanana wangu wa txihoranana wa xupheka ngutu ngu madhimoni.”

Matewu 12:22

“Sekoko, va to neha kwakwe m'thu wa madhimoni, i nga ti dibhofu ni txiduma. Ene a to mu hanyisa, se awu wa txiduma e khata kuwombawomba ni kuwona.”

Mithumo 10:38

ti to Txizimu txi totile ngu Moya wo Sawuleka ni kutsanisa Jesu wa Nazareta; awu a nga tsimbila a txi maha ta tinene, e hanyisa votshe vale va nga ti xaniswa ngu Sathani, nguko Txizimu txi ti ni nene.

Mithumo 15:23

Se va to rumela ngu vona dipasi di va nga bhala ta ku kha vona: “Vapostoli ni madhota, i ku vananu, kwanu vanathu mi ku va lihunzu la vamatiko va va ku Antiyokiya, ni Siriya ni Kilikiya, ha mi losa!

Marku 2:3

Konaho a to nehwa kwakwe m'thu wa kuoma sihango, a di rwatwe ngu mune wa vathu.

Marku 1:32

Minovani ka kona, mbimo yi di nga swa ditambo, va to tisa ka Jesu votshe valwali ni va va nga ti ni madhimoni.

Matewu 4:23

Msana keto, a to khata kutsimbila ka dotshe ditiko da Galileya, a txi gondisa masinagogani, e txhumayela mahungu a maphya a Mfumo, na a txi hanyisa vathu ka otshe malwati ni ka yotshe mipando.

Eksodha 15:26

Se a txi khene: “Ngako u txi engisisa kha kwati dipswi da Mkoma, Txizimu txako, ni kumaha ti i ku to lulama masoni kwakwe, kambe u txi dingeta nzeve yako ka sirumo sakwe, ni kuvekisa sotshe sileleto sakwe, kha ni na mbi rumela malwati ni a mamwewo txitimwi kwako, ale ni nga ma veka txitimwi ka Vaegipta; nguko ani ngani Mkoma, ni ku kalamukisako.”

Mithumo 15:41

Se a txi pinda ngu ka matiko a Siriya ni Kilikiya, a txi tsanisa mabanza.

Luka 4:14

Sekoko Jesu a to wuya Galileya ngu mtamo wa Moya, se nduma yakwe yi txi hangalaka ka otshe maphambo a hafuhi.

Marku 1:28

Kunukunuko nduma yakwe yi to hangalaka ka otshe makhalo a Galileya.

Matewu 14:1

Ka yoneyo mbimo, mfumeli Herodha, a di engisile nduma ya Jesu,

1 Makronika 14:17

Ngu kumaha keto, ditina da Dhavhidha di to hangalaka ka otshe matiko ale; se Txizimu txi to maha taku, e thaviseka txitimwi ka votshe vathu vale.

1 Vafumeli 10:1

Se mbimo yile mfumeli wa txisikati wa Sabha a nga pfa nduma ya Solomoni, madingano ni ditina da Mkoma, a tile e ta m'hika ngu siwotiso so karata.

1 Vafumeli 4:31

A ti tiziva ngutu kupinda votshe vathu, ni kupinda Etami, muezira, ni kupinda Hamani, ni Kalikoli ni Dhardha, i ku vanana va Maholi; se nduma yakwe yi to pfala ka matiko otshe ma nga ti madhawani kwakwe.

Joxuwa 6:27

Mkoma a ti ti kumweko ni Joxuwa; se nduma yakwe yi ti ti hangalaka ka dotshe ditiko.

Johani 10:21

Vamwani va txi kha vona: “Mapswi awa hi nga a m'thu wu a ku ni didhimoni. Didhimoni ina di nga tula maso a mabhofu kani?”

Matewu 9:35

Jesu a txi tsimbilatsimbila sidhoropanani ni mikhokholani, a txi gondisa masinagogani, e txhumayela Evhangeli ya Mfumo, ni kuhanyisa vathu ka otshe malwati ni ka totshe tixaka ta mipando.

Matewu 9:26

Konako, nduma ya tiya ti nga maheka, yi to hangalaka ni dotshe ditiko dile.

Matewu 8:28

Ngako a di hokile mtxhatuko ka digova, ditikoni ka Gadhara, a to hingetwa ngu vathu vambidi, va nga ti ni madhimoni, na va txi huma ngu mayivani; i ti vo thisa ngutu, ti to ni m'thu wammweyo asi tsani kupinda ngu nzila yile.

2 Samuwele 8:6

Se Dhavhidha a to veka vawoneleli kona Siriya ka Dhamasku, Vasiriya va to maha tikhumbi ta Dhavhidha ni ku mluva; Mkoma a to xayisa Dhavhidha kotshe mu a nga ti ti ya kona.

1 Makronika 29:2

Ani koko, ni ti karatile ngu mtamo wangu wotshe, ni longisela Nyumba ya Txizimu txangu, nzalama ka mthumo wa nzalama, silivhela, ka sa silivhela, koporo ka sa koporo, simbi ka sa simbi, mapulango ka sa mapulango, ni marigwi a onekisi, ni marigwi a engaste ni marigwi o tshurisa ngu ona, ni yotshe mixowo ya marigwi a lisima, ni marigwi o rithimuka amangi ngutu.

Matewu 8:33

Vadyisi va tikhumba va to tutuma ve tsula m'tini veya xawutela totshe, ngutu-ngutu atiya ti nga humelela ka va va nga ti ni madhimoni.

Marku 2:4

Ngako va nga txi tandeka ku mu hokisa ka Jesu, ngu mhaka ya kutala ka vathu, va to kwela va txi ya hasula lyango la nyumba yiya ene a nga ti ka yona, se va di tute ditshoko, va to mu txhikisa a di ha ditahoni hawa va nga ti mu otelisile kona.

Marku 2:9

Ngu tihi ti nga hehuka kuwomba ka wu wa kuoma sihango: Ku khani, ‘sionho sako si divaletwe’, mwendo ku khani, ‘Khukha u txi teka ditaho dako u txi tsimbila kani?’

Luka 4:38

Se a to huma disinagogani e wulela nyumbani ka Simoni. Kambe mkokati wa Simoni a ti lwala ngu txindeyandeya, se ve mu kombelela kwakwe.

Luka 5:24

Ngu toneto, ani ni na mi kombisa ti to Mwanana wa M'thu ana ni mtamo, ha mafuni, wa kudivalela sionho.” Se a to gela wu wa kuoma sihango, a txi khene: “Na kugela ku khani: Khukha u teka ditaho dako, u tsula m'tini kwako.”

Mithumo 8:7

Nguko mimoya yo biha yi ti humiswa ka vathu votala, va nga ti wuleletwe ngu yona, na yi txi peka tihuwa to dila, vavangi va malwati a kuwomelela sihango ni silima sa kunzoda, va ti hanyiswa.

Luka 7:17

Se mahungu awa ma to hangalaka ni dotshe ditiko da Judheya ni ka otshe maphambo a hafuhi.

Mithumo 28:9

Va di zivile toneto, vamwani valwali va to mu yela, veya hanyiswa ni vona.