Matewu 4:2 - Bhiblia Yo Sawuleka

² Se na a di ti toni amu ka mune wa magumi a masiku ni mune wa magumi a wusiku, a to pfa nzala.

Matewu 4:2 Referans Kwoze

Dhewuteronome 9:18

Ni to ti wisa kambe masoni ka Mkoma, nga txikhati txo khata, ni heta mune wa magumi a masiku, ni mune wa magumi a wusiku, ni sidyi dipawu, ni si seli mati, ngu mhaka ya txionho txiya txa hombe, txi mi nga txi maha, ngu kumaha ati i ku to biha masoni ka Mkoma, mi txi mu henyisa.

1 Vafumeli 19:8

A to wuka koko Elija, a txi dya ni kusela, se ngu mtamo wa sakudya sile, a to tsimbila mune wa magumi a wusiku ni mune wa magumi a mitshikari, kala Horebhi, mmangoni ka Txizimu.

Eksodha 34:28

Mosi a zumbile hafuhi ka Mkoma mune wa magumi a masiku asi dyi sakudya, hambi kusela mati, wusiku ni mitshikari. Se Mkoma a bhate aha ka sileti mapswi a txitumelelano, i ku sirumo sa digumi sa mlayo.

Luka 4:2

Se e dukwa ngu Sathani. Mndani ka masiku ale, kha nga va ni kudya txilo, se mbimo yi ona ma nga guma ene a to pfa nzala.

Dhewuteronome 9:9

Mbimo yi ani ni nga kwela kasi kuya amukela sileti simbidi sa marigwi, sileti sa txitumelelano, atxi Mkoma a nga maha kumweko ni nanu, sekoko ni ti ya zumba mmangoni, mune wa magumi a masiku, ni mune wa magumi a wusiku, ni sidyi dipawu, hambi kusela mati.

Dhewuteronome 9:25

Ngu mhaka yeto, ani ni to khizama masoni ka Mkoma, ni ti veka hahatshi, ni heta mune wa magumi a masiku, ni mune wa magumi a wusiku, ni txi mi khongelela, nguko Mkoma a ti ti khene a na mi fuvisa.

Eksodha 24:18

Se Mosi a to wulela hagari ka direfu, e kwela mmangoni; Mosi a to zumba mmangoni mune wa magumi a masiku, ni mune wa magumi a wusiku.

Johani 4:6

A di karate ngu kutsimbila, Jesu a to khalahatsha hafuhi ni txisima txa Jakobe. I ti txikhati txa wutxhanu ni tximwetxo.

Marku 11:12

Mangwanani ka kona, ngako va txi huma ngu Bhetaniya, ene a to pfa nzala.

Dhewuteronome 18:18

Wona taku ni na va tumbulukisela mprofeti wo nga awe, hagari ka vanawe. Ni na veka mapswi angu txisofuni kwakwe, se ene a na va gela totshe ti ni no m'leleta tona.

Matewu 21:18

Mbimo yi Jesu a nga ti wuya didhoropani, ni mixo ngutu, a to pfa nzala.

Matewu 25:35

Nguko mbimo yi ni nga ti ni nzala, anu mi ni phamete sakudya; mbimo yi ni nga ti ni ditora, mi ni ningile mati ni sela; mbimo yi ni nga ti muendi, mi ni amukete.

Matewu 25:42

Nguko mbimo yi ni nga ti ni nzala, kha ma ni phamela; mbimo yi ni nga ti ni ditora, kha ma ni ninga so sela;