Matewu 4:16 - Bhiblia Yo Sawuleka

¹⁶ vathu va va nga ti zumbile ditikoni ka kuphuma, va woni liwoningo la hombe; ni ka va va nga ti zumbile ditikoni ka mtsudi wa lifo, ku humelete liwoningo txitimwi kwawe.”

Matewu 4:16 Referans Kwoze

Isaya 9:2

Vathu va va nga ti tsimbila txidemani, va woni liwoningo la hombe; ni ka va va nga ti zumbile ditikoni ka mtsudi wa lifo, ku humelete liwoningo txitimwi kwawe.

Mika 7:8

Awe mlala wangu wa txisikati, u nga tsakele dikhombo dangu; hambi ngako ani ni di wite, ni na wuka; ngako ni txi zumba txidemani, Mkoma a na va liwoningo langu.

Luka 2:32

I ku liwoningo la kuwoninga matiko ni txipfaliso txa kudhumisa vathu vako va ka Israyeli.”

Amosi 5:8

Lavani wu a nga maha Mtxhanu wa tinyeleti ni timbidi ni Oriyoni, a phemberusa txidema txi maha kuwonekela ka mixo, e tshumela e phemberusa mitshikari yiva wusiku a wu a dhanako mati a linene e ma theletela txitimwi ka mafu; ditina dakwe i Mkoma.

Jobe 34:22

Kha ku nga ni txidema, hambi mtsudi wa lifo, ko dingana ku vaonhi va nga sisala kona.

Jeremiya 13:16

Dhumisani Mkoma, Txizimu txanu, na ku si se maha txidema, mikondo yanu yi si se humbwa mimangoni ko phuma; mi txi ngadi mi verela liwoningo a na li phemberusa li maha mtsudi wa kufa, ni txidema txo phindeletisa kuphuma.

Jobe 10:22

mafuni ko kidiva nga txidema txipune, mafu a mtsudi wa lifo, kambe ma singako ni txhatxhameto ni ya yimweyo, emo liwoningo li fanako ni txidema.

Jobe 3:5

Di na tshakelwe ngu txidema ni mtsudi wa kufa; ma na zumbe ka dona marefu; di na xamalise ngu kutuvika ka dona ko nzihala!

Masalmo 44:19

Hambiko u nga hi funyeletela ka wukhalo wa dragoni, u hi fengeta ngu mtsudi wa lifo.

Isaya 9:1

Aniko ditiko di di nga xomulwa kha di na mbi va ni txidema. Ngu timbimo to khata, Mkoma a vekile hahatshi ditiko da Zebhuloni, ni ditiko da Naftali; aniko ngu magwito a na guleta ditiko da Galileya ka vamatiko, di ku hafuhi ni nzila ya linene, mtxhatuko ka Jordhani.