Matewu 4:11 - Bhiblia Yo Sawuleka

¹¹ Ti di mahile eto, Sathani a to khukha e mu leka. Konako tingelozi ti to tshuketa ti ta thumela Jesu.

Matewu 4:11 Referans Kwoze

Matewu 26:53

Ina u pimisa ti to ni nga tandeka kukombela ka Tate wangu e ni rumela kunukunukuwa mitxawa ya tingelozi, ya kupinda digumi ni yimbidi kani?

Vahebheru 1:14

Ina tingelozi totshe hi nga mimoya yi yi thumako mithumo, ayi yi nga rumelwa kuthumela avale va fanelako kuamukela thomba ya kuhanyiswa, kani?

Luka 22:43

Konako, ku to humelela ngelozi ya kuta ngu nzumani, yi ta mtsanisa.

Luka 4:13

Se ngako a di hetile sotshe siduko, Sathani a to khukha e leka Jesu, kala yimwani mbimo.

Vahebheru 1:6

Na kambe, ngako Txizimu txi rumela Mwanana wa txona ha mafuni txi ti kha txona: “Totshe tingelozi ta Txizimu ti na mkhozele.”

Johani 14:30

Kha ni na mbi womba-womba to tala ni nanu, nguko awu a fumako, wa mafu awa wata. Kambe kha nga ni mtamo wa txilo txitimwi kwangu.

Luka 22:53

Ka otshe masiku awa ni nga ti ni nanu Dithepeleni, kha ma ni gwesa ngu manza anu, aniko atxiya ngu txona txikhati txanu ni mfumo wa txidema.”

Marku 1:13

Ene a ti ya fungala mune wa magumi a masiku txiwulani, a txi dukwa ngu Sathani. A ti ti hanya hagari ka sihari sa txitinga, se tingelozi ti txi mthumela.

Matewu 4:6

e mu gela tiya: “Ngako u di Mwanana wa Txizimu, ndaka u txi jatama hahatshi. Nguko ti bhatwe tito:” “Txizimu txi na ruma tingelozi ta txona, ti txi kuwonelela, kasiku ti na ku khamukela manzani ka tona, ti to u si ti dayisi mikondo ha ka dirigwi.”

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

1 Vafumeli 19:6

Se a to wona dipawu aha ka txikhingelo txakwe, di nga ti yokilwe ka makala, ni ngoto ya mati, se a to dya, e sela, e tshumela e otela.