Matewu 4:1 - Bhiblia Yo Sawuleka

¹ Sekoko Jesu a to yiswa txiwulani ngu Moya wo Sawuleka, kasi a txi ya dukwa ngu Sathani.

Matewu 4:1 Referans Kwoze

Vahebheru 2:18

Nguko, aku a nga pfa kupandiseka ngu mhaka ya kudukwa, wa sikota kuvhuna ava va dukwako.

Varoma 8:14

Nguko votshe va va tsimbitiswako ngu Moya wa Txizimu, mbanana va Txizimu.

Ezekhiyele 43:5

Se Moya wu to ni gula wu txi ni yisa ka mtendela wa mndani; se kuphatima ka Mkoma ku to tata dithepele.

Johani 14:30

Kha ni na mbi womba-womba to tala ni nanu, nguko awu a fumako, wa mafu awa wata. Kambe kha nga ni mtamo wa txilo txitimwi kwangu.

Ezekhiyele 3:14

Sekoko Moya wu to ni gula wu txi ni teka; se ni to tsula ni di henyile ngutu, ku txi tura moya wangu; aniko dianza da Mkoma di ti ti ni mtamo txitimwi kwangu.

Mithumo 8:39

Ku ti ngako va di humile, Moya wa Mkoma wu to gula Filipi, se mthangeli wule wa mthenwa, kha a swa e mu wona kambe; aniko a to ñola nzila yakwe eya masoni ngu kutsaka ka hombe.

Ezekhiyele 3:12

Se Moya wu to ni gula, nipfa dipswi msana kwangu, da kubhonga ngutu, di txi kha dona: Wu na kateke wudhumo wa Mkoma, ha wukhaloni kwakwe.

Ezekhiyele 40:2

Ngu txiwoniso txa Txizimu, di to ni yisa ditikoni ka Israyeli, di txi ya ni veka txitimwi ka mmango wo guleka ngutu; ku ti ti ni so fana ni didhoropa di nga akwa, txitimwi ka mimango, ngu didhawa da wulambwe.

1 Vafumeli 18:12

Se ti ndi na maheka to, ni txi na khukha hawa kwako, Moya wa Mkoma wu txi kuteka, mwendo wu txi kuyisa hani, se ani ni txi tisa thenga ka Akabe, asi ku mani awe a na ni daya; ngukonaho, ani txithumi txako, ni thava Mkoma kukhukhela ka wufana wangu.

2 Vafumeli 2:16

Sekoko va to kha vona kwakwe: Wa txi wona txithumi txako ni mtxhanu wa magumi a tindena; va leke ve tsula kuya teka mthangeli wako; ti nga nda maheto na a di gutwe ngu Moya wa Mkoma, wu txi ya mu tshotsha ka wumwewo wa mmango, mwendo ka mkova wokari. Sekoko ene a txi khene: Mi nga va rumeleni.

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

Ezekhiyele 11:24

Msana keto, Moya wu to ni khukhisa wu txi ni gula ngu txiwoniso kala didhoropani, ka vale va nga ti ti wukhumbini; se txiwoniso txile ni nga txi wona, txi to khukha.

Ezekhiyele 11:1

Sekoko Moya wu to ni gula, wu ni yisa ka ditimba da wutxani da Nyumba ya Mkoma, di nga rendekela wutxani; ha txikeni ku ti ti ni magumi mambidi a vavamna; se hagari kwawe ni woni Jazaniya, mwana Azuri, ni Pelatiya, mwana Bhenaya, vathangeli va vathu.

Ezekhiyele 8:3

Se a to nawuluta txo fana ni dianza, a txi ñola misisi ya msungo wangu; Moya wu to ni guleta hagari ka mafu ni nzuma, wu txi ni tisa Jerusalema ngu txiwoniso txa Txizimu, kala ha txikeni ka mthanda wa mndani, txi nga rendekela wuphemba, ku nga ti vekilwe txifaniso txa txiluse, txi wusako kulusa ka Txizimu.

Jakobe 1:14

Aniko, m'thu ni m'thu a dukwa ngu kunavela kwakwe ko biha, ku m'ndindako, ku txi mu yisa kubihani.