Matewu 3:7 - Bhiblia Yo Sawuleka

⁷ Mbimo yi a nga wona Vafarisi ni Vasadhusi va txi lava ku ta bhabhatiswa ngu ngene, a txi khene kwawe: “Lixaka la timamba i mani a nga mi laya, ti to mi thava txiviti txi txi tako kani?

Matewu 3:7 Referans Kwoze

Matewu 12:34

Lixaka la timamba, mi nga sikotisa kutxani kuwomba ditshuri, na mi di vabihi kani? Nguko txisofu txi womba-womba ti ti nga tala mbiluni.

1 Vatesalonika 1:10

mi txi verela Mwanana wa txona, wa kuta ngu nzumani, a nga wuka ngu ka vo fa, Jesu wu a nga hi hulukisa ha kuhenyelwani ka timbimo ti titako.

Varoma 1:18

Nguko kuhenya ka Txizimu ka ti kombisa ku txi ta ngu nzumani, ku ta peka wubihi ni kugombonyeka ka vathu va va tshingelelako ditshuri ngu kona kwa mbi lulama kwawe;

Matewu 23:33

Minyoka-nu, lixaka la timamba! Mi na hulukisa kutxani kuavanyiswani ka gehena?”

Varoma 5:9

Se konkuwa hi nga ningwa wululami ngu kubasiswa ngu mnoha wakwe, ngu koneho hi fanelako kuthemba ti to hi na poniswa ngu ngene ka ditshiku da kuhenyelwa ngu Txizimu.

Matewu 22:23

Ka donedo ditshiku, va to ta kwakwe, Vasadhusi, va ku kha vona kha ku nga ho kuwuka ka vafi, va to mu wotisa,

Matewu 16:6

Jesu a to va gela a txi khene: “Tulani maso, mi ti wonela ka mtshumbelo wa Vafarisi ni wa vasadhusi.”

1 Johani 3:10

Txikombiso txa vanana va Txizimu, ni txa vanana va Sathani ngu txiya: Votshe vale va si mahiko to lulama ni vale va si randiko vanawe kha va lumbi Txizimu.

Johani 9:40

Se Vafarisi vokari, va nga ti kumweko nayo, ngako va di engisile tiya, va to mu wotisa, va txi kha vona: “Ina hi mabhofu nathu kani?”

Jeremiya 51:6

Khukhani hagari ka Bhabhilona, mmweyo ni mmweyo a na txhatxhise dihika dakwe; mi nga ti loviseni anu ngu wubihi wakwe; nguko ayiya ngu yona mbimo ya kupharela ka Mkoma; ene a na mninga hakhelo yakwe.

Jeremiya 6:10

Ni na gela mani, ni maha wufakazi waku va na wu engisa kani? Tinzeve tawe maphanzeve, kha va sikoti kuengisa. Mhaka ya Mkoma njiruko kwawe kha va yi dhundi.

Vahebheru 11:7

Ngu likholo, Nowa, a di zivisilwe ngu Nyatxitimwi timhaka tile ti nga sinzi kuwoneka, a vekete lisima txiziviso txiya, a txi aka Ngalava kasi kuponisa ngamu yakwe. Ngu mhaka ya toneto, a abanisile ditiko, a txi amukela kululama kuwa ku manwako ngu likholo.

Mithumo 26:5

Vona va tiziva ngu kale, va nga fakaza ngako va txi ti lava, ani ni hanyile ngu mlayo wa wufarisi, awu i ku wa wunene ngutu ka wukholwa wathu.

Mithumo 20:31

Ngu toneto, wonelelani, na mi txi alakanya tito, wusiku ni mitshikari, mndani ka malembe mararu, kha na leka ku mi laya ngu mirongo.”

Mithumo 15:5

Aniko vamwani va mtxawa wa Vafarisi, ava va nga amukela likholo, va to khukha va txi kha vona: “Ta laveka ku vamatiko ve yiswa wukwerani ni ku leletwa ti to ve veketa Mlayo wa Mosi.”

Mithumo 5:17

Se mphaxeli wa hombe a to ema ni votshe valondeteli vakwe, ava i nga ti va mtxawa wa Vasadhusi, va di tate ngu livengo,

Johani 8:44

Tate wanu ngu Sathani. Se mi randa kumaha kunavela ka tate wanu. Ene i m'dayi kukhukhela kukhatani, kha zumba ditshurini, nguko kwakwe kuwalo ditshuri. Ngako a txi womba-womba makuhu, a womba-womba ngu ti i ku takwe, nguko i m'hembi ni tate wa makuhu.

Johani 1:24

Avale va nga ti rumetwe i ti Vafarisi.

Luka 18:11

Mfarisi a di emile, a txi khongelisa tiya khanani kwakwe: ‘Txizimu, na ku bonga, nguko kha ni fanani ni vamwani vathu, i ku makhamba, sidambu, ni vamahi va wugango; kambe hambi mkhupisi wuwa kha ni fanani nayo.

Luka 16:14

Vafarisi va i ku vathu va makolo ni male, va ti tiengisa totshe timhaketo, se ve mu seka.

Luka 7:30

Kambe Vafarisi ni vagondisi va mlayo va nyenyile makungo awa Txizimu txi nga ti nawo kwawe, nguko va nga lamba kubhabhatiswa ngu ngene.

Marku 12:18

Sekoko Vasadhusi va va wombako tito, kuwalo kuwuka ka vafi, va to ta kwakwe va ta mu wotisa va txi kha vona:

Marku 12:13

Se va to rumela Vafarisi vokari ni va ka Herodha, ka Jesu kasi ku mu bzweta ngu mapswi.

Marku 8:15

Se e va laya a txi khene: “Ti woneleni, mi thava mtshumbelo wa Vafarisi ni mtshumbelo wa Herodha!”

Matewu 22:34

Ngako Vafarisi va di engisile ti to Jesu a konile Vasadhusi, va to rambana ve mu yela,

Matewu 22:15

Sekoko Vafarisi, va di khukhile, va to ya langana, txikungoni, marindi a kuñola Jesu amu ka mapswi akwe.

Matewu 12:24

Aniko Vafarisi, ngako va txi pfa eto, va to kha vona: “Awuwa kha toveli madhimoni i si nga ngu mtamo wa Bhelzebhule, i ku mkoma wa mimoya yo biha.”

Matewu 5:20

Nguko ani na mi gela ti to ngako anu mi si mahi kuranda ka Txizimu ngu kuthembeka kupinda vabhali ni Vafarisi, kha mi na mbi wulela Mfumoni ka nzumani.”

Isaya 59:5

Va fundamela manda a minyoka, se ve luka sisaka sa vanyazombe; awule a nodya manda a sona a na fa; se ngako a txi ma phwinya, kuhuma timamba ka ona.

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

Vahebheru 6:18

Ku ni simaha simbidi so tsana. Ka sona si sa simbidi, kha ti koteki ti to Txizimu txi hi kanganyisa. Ngu toneto, athu hi txi thembako, hi fanete kunamarela ngu kutsana ka txithembiso txi txi nga vekwa masoni kwathu.

Matewu 15:12

Sekoko vagondiswa va to mtshuketela va txi kha vona kwakwe: “Ina wa tiziva ti to Vafarisi va khuvekile, ngako va di engisile dipswi diya dako kani?”

Mavingu 28:4

Avale va lekako mlayo va dhunda muonhi; aniko ava va xayisako milayo va lwisana navo.

Matewu 16:1

Vafarisi ni vabhali va to ta kwakwe, va ta mu duka, va txi mkombela ti to e va kombisa txidiwukiso txa kuta ngu nzumani.