Matewu 3:6 - Bhiblia Yo Sawuleka

⁶ Va txi bhabhatiswa ngu ngene mnamboni ka Jordhani, va txi ti tshanza sionho sawe.

Matewu 3:6 Referans Kwoze

Mithumo 19:18

Vavangi ka vale va nga ti amukete likholo, va ti ta, va ta ti sola ni kulandula ati va nga ti maha kale.

1 Johani 1:9

Ngako hi txi ti tshanza sionho sathu, Txizimu txi thembekile ni kululama, kasi ku hi divalela sionho sathu ni ku hi basisa ka wotshe wubihi.

Vahebheru 9:10

Nguko, va phaxa ngu sakudya ni sakusela ni ku ti sambisa ka tinzila to tala dwe. Asiya nziheno sa vathu si nga thuma kala ditshiku da kuhindulwa ka sotshe.

Matewu 3:11

Ani ni bhabhatisa ngu mati kasiku mi sikota kutilaya, kambe awule a tako msana kwangu, ana ni mtamo kupinda ani, se ani kha ni nga ni fanelo yo ñola hambi tikathula takwe. Ene a na mi bhabhatisa ngu Moya wo Sawuleka ni mndilo.

Vahebheru 6:2

ni tigondo ta kubhabhatisa, ni ta kusanzeka ka manza, ni ta kuwuka ka vafi, ni ta kuabaniswa ko gwita.

Vakolosa 2:12

Ngu kubhabhatiswa anu mi keletwe kumweko ni Kristu, mi tshumela kambe mi wuswa kumweko nayo ngu kuwa mi nga kholwa ka mtamo wa Txizimu, txi nga mu wusa ka vakufa.

1 Vakorinto 10:2

Votshe va bhabhatisilwe ngu ka Mosi, amu ka direfu ni mu ka linene.

Mithumo 22:16

U ngadi u txi kana-kana ngu txani kani? Kuluveta! Amukela txibhabhatiso ni divalelo ya sionho sako ngu kukhozela ditinani kwakwe.’ ”

Mithumo 11:16

Se ni alakanya dipswi da Mkoma, a nga khene: ‘Johani a bhabhatisile ngu mati, kambe anu mi na bhabhatiswa ngu Moya wo Sawuleka.’

Mithumo 1:5

Johani a bhabhatisile ngu mati, aniko anu mndani ka mbimo yokari, mi na bhabhatiswa ngu Moya wo Sawuleka.”

Luka 3:16

ene Johani a to va gela votshe a txi khene: “Ani ni mi bhabhatisa ngu mati, aniko a na bwaka awule a ku ni mtamo kupinda ani, awule ani ni ku si nga ni fanelo ya kuthukunyula tingoti ta tikathula takwe; eyo a nata mi bhabhatisa ngu Moya wo Sawuleka ni mndilo.

Marku 1:5

Dotshe ditiko da Judheya ni votshe vathu va Jerusalema va ti ti ya kwakwe, veya bhabhatiswa votshe mnamboni ka Jordhani, va txi ti tshanza sionho sawe.

Dhaniyeli 9:4

Se ni to khongela ka Mkoma, Txizimu txangu, ni ti tshanza, ni txi khani: Yowe! Mkoma! Txizimu txa hombe, txo thaviseka, awe u xayisako txitumelelano ni wumbilu, ka vale va kurandako, va xayisako sirumo sakwe;

Ezekhiyele 36:25

Sekoko ni na xwaya mati o sawuleka txitimwi kwanu, mi na sawulekiswa; ni na mi sawulekisa ka yotshe nzambwa yanu, ni ka sotshe sithombe sanu.

Mavingu 28:13

Awule a sisako sihambunyeto sakwe, kha na mbi dhuka e humelela; aniko awule a ti solako ni ku si leka, a na mana wumbilu.

Masalmo 32:5

Ni ti tshanzile kwako sionho sangu, kha na sisa wubihi wangu, ni txi khani: “Ni na ti tshanza ka Mkoma, sihambunyeto sangu”; se u divalete mnandu wa txionho txangu.

Joxuwa 7:19

Sekoko Joxuwa a to khene ka Akane: “Mwanangu, na ku kombela, dhumisa Mkoma, Txizimu txa ka Israyeli, u txi ti sola masoni kwakwe; womba kwangu kona kuwa ati u nga maha, u nga ni sisele.”

Mitengo 5:7

Se ene a fanete ku ti solisa ngu txionho txi a nga txi maha; se e tshumetela sotshe si a nga si mana ngu kuonha kwakwe, se a txi engetela ngu lipimo la wutxhanu, e ninga awu a nga muonhela.

Levhi 26:40

Sekoko va na ti tshanza ngu wubihi wawe, ni wubihi wa vatate vawe, ni wuhambunyeti wawe, asile va nga ni onhela ngu sona; kambe va na womba ku kha vona, ngu mhaka ya kule va nga ni onhela,

Levhi 16:21

Se Aroni a na sanzeka manza ha msungo ka mabhongwe wo hanya, se e ti tshanza ngu wotshe wubihi wa vanana va ka Israyeli, ni wotshe wuhambunyeti wawe, madingano ni sotshe sionho sawe; a na si veka txitimwi ka msungo wa mabhongwe, a txi m'heleketa txiwulani, ngu dianza da m'thu wu a nga emiselwa kumaha toneto.

1 Pedro 3:21

Mati awa, i ti txidinganiso txa txibhabhatiso, atxi konkuwa, se txi mi hanyisako, i si nga ngu kukuwulwa ka nzambwa ya mmidi, aniko ngu kuxolwa ka livhalo ngu Txizimu, ni kuwuka ka Jesu Kristu,

Jakobe 5:16

Zivisanani sionho sanu, mi txi kombelelana, kufela ku mi txi hanyiswa. Mkombelo wa lisima wa mlulami wu ni mtamo ngutu.

Ezra 10:1

Se mbimo yile Ezra a nga khongela, e ti sola, e dila, e ti namisa masoni ka Nyumba ya Mkoma, vathu va msengeletano wa hombe wa va ka Israyeli, vavamna ni vavasikati, ni vanana, va to ta patana nayo, na va txi dila, ngu huwa ya hombe.

Luka 1:16

Se a na wuyisa vanana vavangi va Israyeli ka Mkoma, Txizimu txawe.