Matewu 3:16 - Bhiblia Yo Sawuleka

¹⁶ Jesu msana ka kuva a di bhabhatisilwe a to huma ngu matini. Konako, nzuma yi to tuleka, se Jesu e wona Moya wa Txizimu, wu nga ti relela nga dituva txitimwi kwakwe.

Matewu 3:16 Referans Kwoze

Isaya 11:2

Se Moya wa Mkoma wu na zumba txitimwi kwakwe Moya wa wuzivi ni wutxhari, Moya wawudhota ni mtamo, Moya wa kualakanya ni kuthava Mkoma.

Marku 1:10

Mbimo yi a nga txi huma ngu matini, a to wona nzuma yi txi tuleka, se Moya wo Sawuleka wu txi txhika nga txituvani txitimwi kwakwe.

Isaya 42:1

Wonani Txithumi Txangu, txi ni txi seketelako, Msawulwa wangu, awule moya wangu wu mtsakelako; Ni vekile Moya wangu txitimwi kwakwe; a na humisa kululama hagari ka vamatiko.

Isaya 61:1

Moya wa Mkoma Txizimu, wu txitimwi kwangu, nguko Mkoma a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa;

Mithumo 7:56

Se a ti khene: “Ma ti wona, ani ni wona nzuma yi di tulekile, ni Mwanana wa M'thu a di emile txineneni ka Txizimu.”

Ezekhiyele 1:1

Se ku to maheka tito, ngu dilembe da wugumi ni mararu, ka mtxima wa wumune, ka ditshiku da wutxhanu ka mtxima, na ani ni di hagari ka tikhumbi, hafuhi ni mnambo wa Kebhari, yi to tuleka nzuma, se ani ni wona siwoniso sa Txizimu.

Johani 3:34

Awu a nga rumwa ngu Txizimu a womba-womba mapswi a Txizimu, nguko ngu txona txi nga mninga Moya i si nga ngu mpimo.

Isaya 59:21

Se ani ngu kwangu, atxiya njitumelelano txangu navo, kuwomba Mkoma: Moya wangu, wu ku txitimwi kwako, ni nga wu veka txisofuni kwako, kha wu na mbi huma txisofuni kwako, hambi ngu txisofuni ka vanana vako, mwendo ngu ka txisofu txa vatukulu vako, kuwomba Mkoma, kukhukhela konkuwa kala kupinduka.

Johani 1:51

A to engeta a txi khene: “Ngu ditshuri, ngu ditshuri, na mi gela ku khani: Kukhukhela konkuwa, mi na wona nzuma yi di tulekile, ni tingelozi ta Txizimu na ti txi kwela, ti va ti txhika txitimwi ka Mwanana wa M'thu.”

Mithumo 1:22

kukhukhela ka mbimo ya kubhabhatisa ka Johani, kala kuhoka ditshiku diya a nga guletwa hagari kwathu e tsula nzumani; mmweyo wawe a fanete kusengela ni nathu e va fakazi ya kuwuka ka Mkoma.”

1 Johani 5:6

Jesu Kristu ngene wu a nga ta kwathu ngu mati a kubhabhatiswa kwakwe ni mnoha. Moya ngu wona wu fakazako, nguko Moya ngu wona i ku ditshuri.