Matewu 3:15 - Bhiblia Yo Sawuleka

¹⁵ Kambe Jesu a to mu xamula a txi khene: “Konakuwa ti leke eto, kulaveka hi txi londetela totshe ti hi fanelako ku ti maha.” Se Johani e mu tumelela.

Matewu 3:15 Referans Kwoze

Johani 4:34

Se Jesu a nje khene kwawe: “Sakudya sangu ngu kumaha kuranda ka wule a nga ni ruma ni kuhetisa mthumo wakwe.

Johani 15:10

Ngako mi txi veketa milayo yangu, mi na zumba lirandoni kwangu, kufana ni nani, ni nga veketa milayo ya Tate wangu, se ni zumbako lirandoni kwakwe.”

Johani 13:15

Ani ni mi mahete txikombiso, kufela ku, ati ni nga mahisa tona kwanu, na nanu mi na mahisa toneto.

Isaya 42:21

Mkoma a ti ti tsaka ngu ngene, ngu kuranda ka kululama kwakwe; a mkulisile ngu mlayo, e mmaha wo dhundeka.

1 Johani 2:6

Awule a wombako ti to a ka Txizimu, a fanete kutsimbila ti Jesu a nga tsimbilisa tona.

Luka 1:6

I ti vathu vo lulama ngu wumbidi wawe masoni ka Txizimu, va txi veketa va si solwi ngu m'thu, sotshe sirumo ni milayo ya Mkoma.

Johani 8:29

Se awu a nga ni ruma, ana ni nani; kha ni leka nokha, nguko ani, otshe masiku, ni thuma ti ti mu tsakisako.”

Vahebheru 7:26

Kha ditshuri, ngene mphaxeli wa hombe wu a hi fanelako: Wa kusawuleka, a si nga ni mnandu, wa kubasa mbilu, wa kuhambana ni vaonhi, wa kuguletwa txitimwi ka tinzuma.

Matewu 3:14

Aniko Johani a to lamba a txi khene: “Ani ngani ni fanelako kubhabhatiswa ngu ngawe, se awe u ta kwangu kani?”