Matewu 3:1 - Bhiblia Yo Sawuleka

¹ Ka ale masiku, ku humelete Johani M'bhabhatisi e txhumayela txiwulani ka Judheya,

Matewu 3:1 Referans Kwoze

Luka 1:76

Se awe, mwananawe, u na dhanwa ku u mprofeti wa Nyatxitimwi; nguko u na thangela masoni ka Mkoma, kasi kululamisela tinzila takwe.

Matewu 11:11

“Kha ditshuri na mi gela: Hagari ka vanana va va nga velekwa ngu wamsikati, kha ka maneka wa hombe wo pinda Johani Mubhabhatisi. Aniko awule i ku wam'dotho ngutu Mfumoni ka nzumani, mbwa hombe ngutu kupinda ene.

Marku 1:15

“Mbimo yi tatisekile, se Mfumo wa Txizimu wu hafuhi. Hundulukani mi txi kholwa ka Evhangeli!”

Matewu 16:14

Se vona va to angula va txi kha vona: “Vamwani va kha vona i Johani Mubhabhatisi, vamwani va kha vona i Elija, vamwani va kha vona i Jeremiya, mwendo mmweyo wa vaprofeti.”

Mithumo 1:22

kukhukhela ka mbimo ya kubhabhatisa ka Johani, kala kuhoka ditshiku diya a nga guletwa hagari kwathu e tsula nzumani; mmweyo wawe a fanete kusengela ni nathu e va fakazi ya kuwuka ka Mkoma.”

Luka 7:24

Ava va nga ti rumilwe ngu Johani, ngako va di khukhile, Jesu a to khata kuwombawomba ngu ta Johani ka vathu, a txi khene: “Mi ti ya wona txani txiwulani kani? I ti litshava li li nga txi dekadekiswa ngu moya kani?

Matewu 11:7

Sekoko, ngako vona va di tsute, Jesu a khatile kuwombawomba ngu Johani ka vathu, a txi khene: “Njitxani mi nga ya txi wona txiwulani kani? Litshava li li dekadekiswako ngu moya kani?

Matewu 3:8

Humisani mihando yi yi dinganako kuhunduluka kwanu;

Matewu 21:32

Nguko Johani a tile kwanu a ta mi gondisa nzila ya kululama, kambe kha ma kholwa ngu ngene, kasi vakhupisi ni magelelegele va khotwe ngu ngene; kasi anu, hambiko mi nga wona tiya, kha ma sikota kuhunduluka mi txi kholwa ngu ngene.”

Valamuli 1:16

Se ni vona vanana va ka Hobhabhe, Mkeni, wu i nga ti tate wa Mosi ngu ka msikati wakwe, va to khukha ngu didhoropani ka Mitxhese, kumweko ni vanana va ka Judha, veya txiwulani ka Judha, ku ku wulambwe ka Aradhi; va txi ya zumba ni vathu va kona.

Joxuwa 14:10

Kukhukhela konako, Mkoma a ni xayisile ni txi hanya nga ti a nga themibisa. Konkuwa ma pindile mune wa magumi ni mtxhanu wa malembe, Mkoma a di wombile timhaketo ka Mosi, txikhatini txi Israyeli a nga ti tsimbila txiwulani, se konkuwa ni na ni mtxhanu wa magumi ni mararu, ni mtxhanu wa malembe.

1 Vafumeli 2:34

Se a to kwela Bhenaya, mwana Joyadha, a to ya mkoyola, a txi m'daya; a txi tshotshwa m'tini kwakwe amu txiwulani.

Marku 1:2

Nga ti ti nga bhalwa ngu mprofeti Isaya, a nga khene: “Wona, na ruma masoni kwako mtumi wangu, awu wu no longisa nzila yako.”