Matewu 28:8 - Bhiblia Yo Sawuleka

⁸ Se vona va di khukhile ha diyivani ngu kukuluveta, na va di tate ngu kuthava ni litsako la hombe, va to tutuma veya zivisa vagondiswa vakwe.

Matewu 28:8 Referans Kwoze

Masalmo 2:11

Thumelani Mkoma Txizimu ngu txithavo, mi txi mtsakela ngu kudhudhumela.

Marku 16:8

Vona va to huma diyivani, ve tutuma ngu kudhudhumela ni kuxamala; kha va gela txilo m'thu, nguko va ti thava.

Johani 16:20

Ngu ditshuri, ngu ditshuri na mi gela: Mi na dila ni kupandiseka mbilu, kambe vathu va ditiko va na tsaka; se anu mi na xaniseka timbiluni kwanu, kambe kuxaniseka kwanu ku na hinduka ku txi maha litsako.

Johani 16:22

Ngu toneto, nanu konkuwa ma pfa kupanda timbiluni kwanu, kambe na tshumela ni txi mi wona, se timbilu tanu ti na tala ngu litsako, kambe awalo wu a no mi honyola litsako lanu.

Matewu 28:7

Kambe tsulani ngu kukuluveta mi ya gela vagondiswa vakwe, mi txi khanu: ‘Ene a wukile ngu ka vofa, kambe a na mi thangela kuya Galileya. Mi na ya mu wonela kona.’ Ngu toneto, ni nga ti lava ku mi gela.”

Matewu 28:9

Konako Jesu a to huma e va txingameta, a txi khene kwawe: “Xeweni!” Vona va to tshuketa hafuhi kwakwe, ve mu demberela milenge yakwe, ve mu khizamela.