Matewu 28:6 - Bhiblia Yo Sawuleka

⁶ Ene kha nga ho hawa, nguko a wukile nga ti a nga wombisa tona. Ngonani mi ta wona wukhalo wu Mkoma a nga ti vekilwe ka wona.

Matewu 28:6 Referans Kwoze

Marku 16:6

Kambe dijaha di to va gela di txi kha dona: “Mi nga dhukeni! Mi lava Jesu wa Nazareta, awu wo bethelwa ha txihambanoni: A wukile, kha nga ho hawa. Wonani wukhalo wu va nga ti mu vekile ka wona.

Matewu 12:40

Kufana ni Jona a nga zumba mndani ka txihaka masiku mararu ni wusiku wa kona, nene Mwanana wa M'thu a na zumba mndani ka mafu masiku mararu ni wusiku wa kona.

Matewu 16:21

Kukhukhela ka donedo ditshiku, Jesu a to khata kukomba vagondiswa vakwe ti to a fanete kutsula Jerusalema eya xaniswa ngutu ngu madhota ni vabhali, ni vaphaxeli va hombe, ni ti to a na dawa, se ngu msana a na tshumela e wuka ka vakufa ngu ditshiku da wuraru.

Luka 24:23

kha va wu mana mmidi wakwe; se va wuyile, va txi ta womba ti to va woni txiwoniso txa tingelozi ti nga womba ku Ene wa hanya.

Luka 24:44

Se a txi va gela ku khene: “Ngu ona mapswi awa ni nga mi gela, ni di ngadi ni nanu: ‘Ta ku khani ti ni fanelo ya kutatiseka totshe ti ti nga bhalelwa ani dibhukuni ka Mlayo wa Mosi ni ka Vaprofeti ni mu ka Masalmo.’ ”

Matewu 27:63

veya mu gela tiya: “Awe mfumeli, ha khumbula ti to mxengeteli wule a wombile, a di ngadi a txi hanya, a txi khene: ‘Ni na wuka ngu ditshiku da wuraru.’

Johani 2:19

Jesu a to xamula a txi khene: “Khundumusani Dithepele diya, ani ni na di wusa ngu masiku mararu.”

Marku 8:31

Se a to khata ku va gondisa tito: “Mwanana wa M'thu a fanete kuxaniseka, a txi nyenywa ngu madhota a ditiko ni vaphaxeli va hombe ni vabhali, e dawa, e tshumela a txi wuka ngu ditshiku da wuraru.”

Johani 10:17

Tate wa ni randa, nguko ni ningela wutomi wangu, awu ni tshumelako kambe ni txi wu mana;

Luka 24:12

Hambi keto, Pedro a to khukha e tutumela diyivani. Ngako a di namile e solela, a to wona tinguwo tokha, se e tshumelela mwani, na a txi xamala ngu ti ti nga humelela.

Matewu 20:19

va na mningela ka vamatiko, kasiku ve mu ruketela ni ku mu kwapela ni ku mu bethela ha txihambanoni. Aniko ene ngu ditshiku da wuraru a na wuka.”

Matewu 17:23

vona va na m'daya, aniko ngu ditshiku da wuraru a na wuka.” Konako, vona va to telwa ngu dikhodho ngutu.

Matewu 17:9

Se mbimo yi va nga ti relela ngu mmangoni niya, Jesu a va layile, a txi khene: “Mi nga wombeni ni ka wammweyo txidiwukiso txi mi nga txi wona, kala mbimo yi Mwanana wa M'thu a no wuka ngu ka vafi.”

Mithumo 2:24

Aniko Txizimu txi mwusile ngu ka vo fa, txi txi m'hulukisa ka sixaniso sa lifo, ngako ti nga ti si koteki ti to e zumba a di ñotwe ngu lifo.