Matewu 28:2 - Bhiblia Yo Sawuleka

² Se ku txi khata kuzinginikela ka hombe ka mafu, nguko Ngelozi ya Mkoma yi ti txhikile ngu nzumani yi ta wumbuluta dirigwi, yi khalahatsha txitimwi ka dona.

Matewu 28:2 Referans Kwoze

Mithumo 16:26

Kunukunuko ku to humelela kudekadeka ka hombe ka mafu, kuza kudekadekiswa ni marigwi a hahatshi ka mkora; matimba me tuleka, se titxhini ta votshe ti thuseka.

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

Johani 20:1

Ka ditshiku do khata ka divhiki, ku di ngadi phum, Mariya, wa Magdhala, a to vindukela a txi ya diyivani, se a txi ya mana dirigwi di di thavisilwe ha diyivani.

Mtuletelo 11:19

Dithepele da Txizimu di ku nzumani di to tuleka, se wu txi woneka dibhokiso da txitumelelano Dithepeleni ka txona. Se ku to woneka kukeluka ka nzuma, mapswi, singwalangwanda, kutsekatseka ka mafu ni txingulu txa hombe txa maralala.

1 Pedro 1:12

Txizimu txi kombisile ka vaprofeti vava ti to i ti si nga so lumba vona, aniko si ti mahelwa anu, simaha siya mi ziviswako konkuwa ngu vale va mi txhumayelako Evhangeli ngu mtamo wa Moya wo Sawuleka, wu wu nga rumelwa ngu nzumani, i ku sikombiso si tingelozi tipune ti navelako ku si wona.

Matewu 27:60

e wu veka diyivani kwakwe, kakuphya, di nga ti mahilwe ha dirigwini. Ngu msana a to wumbuluta dirigwi da hombe e khubhunyeta ngu dona diyiva, e khukha e tsula.

Matewu 27:66

Sekoko vona va to veka vawoneleti ha diyivani, ve tsanisa dirigwi ngu txixambanyo.

Mithumo 5:19

Kambe Ngelozi ya Mkoma yi to tula matimba mkorani ni wusiku, yi va humisa hahanze, yi txi kha yona: