Matewu 28:19 - Bhiblia Yo Sawuleka

¹⁹ Ngu toneto, tsulani mi txi ya phindula vamatiko votshe, ve maha vagondiswa vangu, mi va bhabhatisa ngu ditina da Tate, ni da Mwanana, ni da Moya wo Sawuleka,

Matewu 28:19 Referans Kwoze

Mithumo 1:8

Aniko, mi na amukela mtamo wa Moya wo Sawuleka, wu no txhika txitimwi kwanu, se mi na va mi di tifakazi tangu ahawa Jerusalema ni ka dotshe ditiko da Judheya ni Samariya, kala magemeta-mitshi ka ditiko.”

Isaya 49:6

A to khene kambe: Ndidotho taku uva txithumi txangu dwe, kasi kuwusa tihunzu ta ka Jakobe, ni kuwuyisa misalelwa ya ka Israyeli; kambe ni ku vekile ku uva liwoningo ka vamatiko, kuva m'hulukisi wangu kala magwito ka mafu.

Vagalatiya 3:27

Motshenu mi nga bhabhatiselwa kwakwe Kristu, mi ambate Kristu.

Varoma 10:18

Se na wotisa: Ina kha va tiengisa kani? Kha ditshuri va ti engisile, nguko ti bhatwe taku: “Kutxhumayela kwawe ku pfate ka dotshe ditiko, ni mapswi awe ma hokile magemeta-mitshi ka mafu.”

Vaefesu 2:18

Ngu toneto, ngu mtamo wa Jesu, hotshethu vathu va tixaka tiya ta timbidi ha mana kuamukelwa ngu Tate ka wonewo Moya wawumwewo.

Mithumo 28:28

“Ti ziveni koko ti to mhaka yiya ya kuhanyiswa ngu Txizimu yi rumetwe ka vamatiko, se vona va na yi engisa.”

Mithumo 2:41

Se avale va nga amukela mapswi akwe, va to bhabhatiswa ka dona ditshiku dile, ve amukelwa ngu vagondiswa mndani ka Dibanza, 3.000 wa vathu.

1 Pedro 3:21

Mati awa, i ti txidinganiso txa txibhabhatiso, atxi konkuwa, se txi mi hanyisako, i si nga ngu kukuwulwa ka nzambwa ya mmidi, aniko ngu kuxolwa ka livhalo ngu Txizimu, ni kuwuka ka Jesu Kristu,

Genesisi 1:26

Se Txizimu txi to kha txona: “A hi vangeni m'thu ngu txifaniso txathu e fana ni nathu; se a na fumela sihaka sa linene, ni sinyana sa nzuma, ni sifuyo, ni otshe mafu, ni sihari sotshe so tsimbila ngu dibindi txitimwi ka mafu.”

1 Vakorinto 15:29

Ngako i si nga toneto, nji txani va ndino wuyelwa ngu txona ava va bhabhatiswako, ngu kubhabhatiselwa vafi, kani? Ngako vafi va si wuki, nji txani vathu va txi ti bhabhatisela ngu vona kani?

Isaya 48:16

Tshuketani kwangu mi ta engisa tiya: Kukhukhela kukhatani kha na womba-womba txihujani; kukhukhela mbimo yile timhaka tile ti nga maheka ani ni ti tiho; se konkuwa, Mkoma Txizimu a ni rumete Moya wakwe.

Mithumo 14:21

Ngako va di txhumayete Evhangeli ka didhoropa diya ni kumaha mtengo wa hombe wa vagondiswa va to tshumelela Listra ni Ikoniyo ni Antiyokiya.

Vakolosa 1:23

kambe mi fanete kutsana amu ka likholo, mi si hambuki amu ka txithembo txa Evhangeli yi mi nga yi amukela, ayi yi nga nuwelwa ka sotshe sivangwa si si ku hahatshi ka nzuma, Evhangeli yoneyo nani Paulo ni nga mahwa txithumi txa yona.

Isaya 52:10

Mkoma a thavisile diwoko dakwe do sawuleka, ti txi wonwa ngu maso a matiko otshe; se otshe magwito a mafu, ma na wona kuhanyisa ka Txizimu txathu.

Mithumo 9:18

Konako marongo ma to moroka ngu khoheni kwakwe, se e tshumela e wona.

Matewu 13:52

Se a to va gela kambe a txi khene: “Ngu toneto, m'bhali wuhi ni wuhi a nga gondiswa timhaka ta Mfumo wa nzumani, a fana ni wu i ku nyamne wa m'ti, awuwa, ka txuma txakwe, a humisako sasiphya ni sa kale.”

1 Johani 5:7

Nguko ku na ni tifakazi tiraru:

Matewu 25:32

Se votshe vathu va na ya tshangana masoni kwakwe. Ene a na va abanisa ngu mitxhambi yimbidi, nga kule ka m'dyisi a abanisako tinvuta ni tiphongo,

Mithumo 1:2

kala ka ditshiku di a nga kweliswa ngu dona nzumani, msana ka kuva a di leletile, ngu Moya wo Sawuleka, vapostoli va a nga va sawula.