Matewu 28:10 - Bhiblia Yo Sawuleka

¹⁰ Sekoko Jesu a to va gela a txi khene: “Mi nga thaveni txilo, tsulani mi ya gela vanathu ti to ve tsula Galileya, va na ya ni wonela kona.”

Matewu 28:10 Referans Kwoze

Varoma 8:29

Nguko avale Txizimu txi nga va ziva ngu kale, ngu vona txi nga va sikela ngu kale ti to ve fana ni Mwanana wa txona, i ku ene matiwula ka vananda vakwe votala.

Johani 20:17

Jesu a to khene kwakwe: “U nga ni gwese, nguko kha ni nzi kuya ka Tata. Aniko tsula ka vanathu, u txi ya va gela, u txi khawe: Na kwela, ni ya ka Tate wangu, i ku Tate wanu; ka Txizimu txangu, i ku Txizimu txanu.”

Matewu 28:7

Kambe tsulani ngu kukuluveta mi ya gela vagondiswa vakwe, mi txi khanu: ‘Ene a wukile ngu ka vofa, kambe a na mi thangela kuya Galileya. Mi na ya mu wonela kona.’ Ngu toneto, ni nga ti lava ku mi gela.”

Marku 16:7

Tsulani mi txi ya gela vagondiswa vakwe ni Pedro, ti to ene wa mi thangela kuya Galileya, mi na ya mu wona, madingano ni ti a nga mi gelisa tona.”

Matewu 28:5

Aniko ngelozi yi to womba ka vavasikati, yi txi kha yona: “Mi nga thaveni txilo, na tiziva ti to mi lava Jesu, awuwa a nga ti bethetwe ha txihambanoni.

Matewu 14:27

Ka txonetxo txikhati, Jesu a to va angula a txi khene: “Tsanani misana, ngani, mi nga thaveni txilo!”

Johani 6:20

Kambe ene a ti khene kwawe: “Ngani, mi nga thaveni!”

Matewu 25:45

Sekoko ene a na va angula a txi khene: ‘Kha ditshuri na mi gela ku khani: Yotshe mbimo yi mi nga leka ku ti maha tiya ka mmweyo wa vanathu vavadotho, ni nani kha ma ni mahela.’

Matewu 25:40

“Se Mfumeli a na va xamula a txi khene: ‘Kha ditshuri na mi gela ti to khani: Yotshe mbimo yi mi nga ti maha eto ka mmweyo wa vanathu vavadotho, mi mahete ani nipune’.

Valamuli 10:16

Se va to thavisa sizimu sa vamatiko hagari kwawe, ve thumela Mkoma; sekoko Mkoma a to pandiseka dihikani kwakwe ngu mhaka ya kuxaniseka ka va ka Israyeli.

Matewu 26:32

Aniko msana ka kuwuka kwangu, ni na mi thangela masoni ni ya Galileya.”

Matewu 28:9

Konako Jesu a to huma e va txingameta, a txi khene kwawe: “Xeweni!” Vona va to tshuketa hafuhi kwakwe, ve mu demberela milenge yakwe, ve mu khizamela.

Matewu 28:16

Vagondiswa va digumi ni mmweyo va to tsula Galileya, va txi ya mmangoni hawa Jesu a nga va leleta kona.