Matewu 27:63 - Bhiblia Yo Sawuleka

⁶³ veya mu gela tiya: “Awe mfumeli, ha khumbula ti to mxengeteli wule a wombile, a di ngadi a txi hanya, a txi khene: ‘Ni na wuka ngu ditshiku da wuraru.’

Matewu 27:63 Referans Kwoze

Luka 9:22

A txi txhamusela ku khene: “Mwanana wa M'thu a fanete kuxaniseka ngutu, a txi vengelwa ngu madhota a ditiko ni vaphaxeli va hombe ni vabhali, a txi ningelwa kuya dawa, aniko ngu ditshiku da wuraru, a na wuka.”

Matewu 16:21

Kukhukhela ka donedo ditshiku, Jesu a to khata kukomba vagondiswa vakwe ti to a fanete kutsula Jerusalema eya xaniswa ngutu ngu madhota ni vabhali, ni vaphaxeli va hombe, ni ti to a na dawa, se ngu msana a na tshumela e wuka ka vakufa ngu ditshiku da wuraru.

Johani 2:19

Jesu a to xamula a txi khene: “Khundumusani Dithepele diya, ani ni na di wusa ngu masiku mararu.”

Luka 18:33

Se, msana ka ku mkwapela ngu sisepu, va na m'daya; kambe a na wuka ngu ditshiku da wuraru.”

Marku 10:34

Va na mu poyilela ve mu thurela lure, ve mu kwapela ni ku m'daya, aniko msana ka masiku mararu, a na tshumela a txi wuka.”

Marku 8:31

Se a to khata ku va gondisa tito: “Mwanana wa M'thu a fanete kuxaniseka, a txi nyenywa ngu madhota a ditiko ni vaphaxeli va hombe ni vabhali, e dawa, e tshumela a txi wuka ngu ditshiku da wuraru.”

Matewu 20:19

va na mningela ka vamatiko, kasiku ve mu ruketela ni ku mu kwapela ni ku mu bethela ha txihambanoni. Aniko ene ngu ditshiku da wuraru a na wuka.”

Matewu 17:23

vona va na m'daya, aniko ngu ditshiku da wuraru a na wuka.” Konako, vona va to telwa ngu dikhodho ngutu.

Matewu 26:61

ava va nga kha vona: “Awuwa m'thu a ti khene: ‘Ni nga sikota kukhundumusa Dithepele da Txizimu ni tshumela ni di aketa ngu masiku mararu.’ ”

2 Vakorinto 6:8

amu kudhundwani ni mu kunyenywani, ka nduma ya yinene ni ka nduma yo biha, hi wonwa hi di vakanganyisi, kasi hi va ditshuri.

Johani 7:12

Se ku ti ni kukanetisana ka hombe hagari ka dibutho, vamwani va txi kha vona: “I m'thu wamnene.” Vamwani va txi kha vona: “Ahim-him, wa kanganyisa vathu.”

Luka 23:2

va txi khata ku mu mangalela, va txi kha vona: “Hi mani m'thu wuwa a txi kujetela ditiko dathu, a txi tsimba resa ka Khezari, a txi khene Ene ngene Mkoma Mesiya.”

Johani 7:47

Se Vafarisi va to xamula, va txi kha vona: “Kasi nanu mi dyeletwe kani?

Matewu 27:64

Ngu toneto, rumela vathu veya woneleta diyiva ta tinene, kala ka ditshiku da wuraru, va nga thuka va txi ta vagondiswa vakwe ve ta pa txirumbi, se va txi womba ka vathu tito: ‘A wukile ngu ka vo fa!’ Makuhu awa ma nga va i di o biha ngutu kupinda o thanga.”

Matewu 28:6

Ene kha nga ho hawa, nguko a wukile nga ti a nga wombisa tona. Ngonani mi ta wona wukhalo wu Mkoma a nga ti vekilwe ka wona.

Marku 9:31

nguko a ti lava kugondisa vagondiswa vakwe. A txi va gela ku khene: “Mwanana wa M'thu a na ningelwa manzani ka vathu. Vona va na m'daya, kambe ma di pindile masiku mararu msana ka kufa kwakwe, ene a na wuka.”

Luka 18:31

Ene a to dhana ngu phuho va Digumi ni Vambidi, a txi va gela ku khene: “Wonani, ha kwela hi ya Jerusalema, se totshe ti ti nga bhalwa ngu Vaprofeti, madingano ni Mwanana wa M'thu, ti na hetiseka.