Matewu 27:54 - Bhiblia Yo Sawuleka

⁵⁴ Sekoko, mthangeli wa dizana, ni vale yi nga ti navo ve woneleta Jesu, ngako va di woni kuzinginikela ka mafu ni timwani ti nga humelela, va to dhuka, va txi kha vona: “Kha ditshuri awu i ti Mwanana wa Txizimu!”

Matewu 27:54 Referans Kwoze

Marku 15:39

Se nduna ya dizana, yile yi nga ti emile masoni kwakwe, ngako yi di woni ti a nga fisa tona, yi to diwuka yi txi kha yona: “Ngu ditshuri awuwa m'thu i ti Mwanana wa Txizimu!”

Matewu 27:36

Se ve khalahatsha konaho, ve mu woneleta.

Matewu 27:43

A thembile Txizimu, inna ko, txi na mu hulukise konakuwa, ngako txi txi m'dhunda, nguko a ti khene: “Ani ni Mwanana wa Txizimu!”

Mithumo 27:43

Aniko mthangeli wa dizana, ngu kulava kuhulukisa Paulo, yi to va tsimbisa kumaha eto: Yi to womba ti to ava va sikotako kusambela va na thange vona ve bhumwala matini, ve sambela ve huma;

Mithumo 27:1

Ku ti ngako ku di sungilwe ti to hi tsula Italiya ngu txitimela, Paulo ni vamwani va nga ti sungilwe kumweko nayo, va to ningelwa ka mthangeli wa dizana, a dhanwako ku i Juliyo, ya “Nyumbani ka mfumeli wa hombe”

Mithumo 23:23

Se mthangeli wa hombe yi to dhana tinduna timbidi ta ma dizana, yi txi ti gela ku kha yona: “Longisani 200 a masotxhwa, mtxhanu wa magumi ni magumi mambidi a vagadhi va mahantxhi, ni 200 wa vavamna va malaho, kasi kuve tsula Khezareya ngu txikhati txa wuraru txa wusiku.

Mithumo 21:32

Konaho mthangeli a to teka masotxhwa ni vathangeli va mitxawa ya dizana, a relela eya ka vale va nga ti maha vhilinganya. Vona ngako va txi wona mthangeli wa yimbi ni masotxhwa, va to leka kupeka Paulo.

Matewu 8:5

Ngako Jesu a di wulete Kapernawume, nduna ya dizana yi to mtshuketela yi txi mkombela,

Matewu 4:3

Sekoko m'duki a to tshuketa hafuhi kwakwe a txi khene: “Ngako u di Mwanana wa Txizimu, gela marigwi awa ti to me phinduka me maha mapawu.”

Mtuletelo 11:13

Ka txona txile txikhati ku to humelela kutsekatseka ka hombe ka mafu: Didhawa da wugumi da didhoropa di to khundumuka, se ve fa 7.000 wa vavamna. Ava va nga huluka va to tala ngu kuthava, ve dhumisa Txizimu txa nzumani.

Varoma 1:4

aniko ngu ka Moya wo Sawuleka, a kombisilwe ti to i Mwanana wa Txizimu, ngu kuwuka kwakwe ngu ka vakufa, ene Jesu Kristu Mkoma wathu.

Mithumo 23:17

Paulo a to dhana mmweyo wa vathangeli va dizana, a txi mu gela ku khene: Heleketa mfana wuwa ka mthangeli wa hombe, nguko ana ni mhaka a lavako ku yi womba kwakwe.

Mithumo 10:1

A ti ti ho didhoropani ka Khezareya m'thu wu a nga ti dhanwa ku i Korneliyo, awu i nga ti mthangeli wa dizana, ka txikwata txi txi dhanwako ku i “Italiya.”

Mithumo 2:37

Ngako vona va di engisile mapswi awa, va to pfa kutholwa timbiluni kwawe. Se ve wotisa ka Pedro ni ka vamwanyani Vapostoli, va txi kha vona: “Vanathu, nji txani hi fanelako kumaha kani?”

Johani 19:7

Vajudha va to xamula va txi kha vona: “Athu hi na ni mthetho, se ka wona mthetho wuwa, ene a fanela kufa, nguko a ti mahile Mwanana wa Txizimu.”

Luka 22:70

Konaho, votshe va to angula, va txi kha vona: “Se awe u Mwanana wa Txizimu, kani?” Ene a to va xamula a txi khene: “Mi womba tonato. Ngani!”

Matewu 27:40

“Awe u khundumuselako Dithepele da Txizimu, u txi di aketa ngu masiku mararu, ti hanyise ko! Ngako u di Mwanana wa Txizimu, txhika ngu ha txihambanoni!”

Matewu 26:63

Aniko Jesu a to simama e malala. Se mphaxeli wa hombe a to mu gela a txi khene: “Na ku xambanyisa ngu Txizimu txi txi hanyako ti to u hi gela mwendo ngawe Mesiya, Mwanana wa Txizimu kani?”

Matewu 27:51

Se ti di mahile eto, nguwo ya Dithepele yi to vharuka ngu hagari, kukhukhela txitimwi kala hahatshi; mafu ma txi zinginikela, marigwi ma txi fayekela.