Matewu 27:53 - Bhiblia Yo Sawuleka

⁵³ Se va di wukile ngu mathunani, msana ka kuwuka ka Jesu, va to wulela ka Dithoropa do sawuleka, ve vonwa ngu vathu vavangi.

Matewu 27:53 Referans Kwoze

Mtuletelo 11:2

Se mtendela wa hahanze ka Dithepele, wu leke u nga wu pime, nguko wona wu ningetwe ka vamatiko, ava va no kandetela ngu mikondo didhoropa do sawuleka txipimo txa mune wa magumi a mitxima ni yimbidi.

Matewu 4:5

Sathani a mu tekile e tsula nayo Didhoropani ko Sawuleka, a txi ya mu veka txiroroni ka Dithepele;

Isaya 48:2

Se mi tekile ni ditina da didhoropa do sawuleka, mi tsana ngu Txizimu txa ka Israyeli; ditina da txona Mkoma wa Mabutho a Tiyimbi.

Mtuletelo 22:19

Se ngako m'thu a txi hungula mapswi a dibhuku diya da kuprofeta, Txizimu txi na mu tekela nene txyavelo txakwe ka mndonga wa wutomi ni ka Didhoropa do sawuleka, si nga bhalwa dibhukuni muwa.

Mtuletelo 21:2

Sekoko, ni woni didhoropa do sawuleka, Jerusalema wamphya, a nga txi relela ngu nzumani, a txi khukhela ka Txizimu, didhoropa do tshurisa ku nga wamsikati wu a nga bombiselwa mkatawe.

Dhaniyeli 9:24

Mtxhanu wa magumi ni mambidi a mavhiki ma emisetwe txitimwi ka vathu vako ni txitimwi ka didhoropa dako do sawuleka, kasi kufuvisa wuhambunyeti ni kuheta sionho, ni kubasisa wubihi, ni kutisa kululama ko mbi na magwito, ni kutsanisa txiwoniso ni txiprofeto, ni kutota Msawuleki wa vasawuleki.

Nehemiya 11:1

Se vathangeli va vathu va to aka Jerusalema, aniko vathu va xaxuva tixolo kasi kusawula mmwewo ka mtxawa wa digumi, wu no ya aka didhoropani ko sawuleka ka Jerusalema, se a va va mtxhanu ni mune va na ya aka ka madhoropa mamwani.