Matewu 27:50 - Bhiblia Yo Sawuleka

⁵⁰ Kambe Jesu a to engeta e kwangula ngu dipswi da hombe, se e ningela moya.

Matewu 27:50 Referans Kwoze

Johani 19:30

Ngako Jesu a di amukete vhinagre yile, a to khene: “Totshe ti hetisekile.” Se e namisa msungo e ningela moya.

Luka 23:46

Se Jesu a to huwelela ngu dipswi da hombe, a txi khene: “Tata, na ningela moya wangu manzani kwako.” A di gwitile kuwomba tiya, a to fa.

Vahebheru 9:14

ngutu-ngutu mnoha wa Kristu, awu a nga ti ningela apune, na a si nga ni txionho, ngu Moya wo Sawuleka, ka Txizimu txi txi hanyako, ngu wona wu ku ni mtamo wa kubasisa timbilu tathu ka mithumo ya lifo, ti to hi sikota kuthumela Txizimu txa kuhanya.

Marku 15:37

Aniko Jesu a to peka huwa ngu dipswi da hombe, a txi ningela muhefemulo wakwe.

Matewu 20:28

Nga toneto, Mwanana wa M'thu nene, kha tela ku ta thumelwa, aniko a tete ku ta thumela, ni kuningela wutomi wakwe, kasi kutirula vavangi.”

Johani 10:15

Nga tiya Tate wangu a ni zivako, nanani na m'ziva Tate, se ni ningela wutomi wangu ngu mhaka ya tinvuta tangu.

Johani 10:11

“Ani ngani mudyisi wamnene. M'dyisi wamnene ngu wu a ningelako wutomi wakwe ngu mhaka ya tinvuta takwe.

Dhaniyeli 9:26

Se msana ka mtxhanu wa magumi ni dimwedo a mavhiki ni mavhiki mambidi, Mesiya a na thaviswa, kha na mbi vaho kambe; se vathu va mthangeli wule a nota, va na haxula didhoropa ni wukhalo wo sawuleka, kambe magwito a sona ma na fana ni dambi, ku nava ni yimbi kala magwito; si emisetwe kuhoxotwa.

Vahebheru 2:14

Ngu toneto, ngako vanana i ku mnoha wumwewo, ni nyama yimweyo, nene mbwa mtumbuluko wumwewo navo, kasiku e lovisa ngu lifo lakwe awu a fumako lifo, i ku ene Sathani.

Matewu 27:49

Aniko vamwanyani va to womba va txi kha vona: “Leka, hi lava kuwona ti to mwendo a nata Elija a ta mu hanyisa.”

Johani 19:29

Txi ti ti ho txiya txa kutala ngu vhinagre. Se va to txhomeka txiponja ahawa ka litshava, na va di txi nakanisile ngu vhinagre, ve txi yisa ha txisofuni kwakwe.

Vahebheru 5:7

Kristu ka masiku awa a nga ti hanya wutomi wa mmidi, a mahile mikombelo, ngu kupeka tihuwa ni kudila mirongo, a txi khozela ka wule a nga ti sikota ku m'hulukisa ka lifo, se a txi tumelelwa ngu mhaka ya kuengisa kwakwe.