Matewu 27:45 - Bhiblia Yo Sawuleka

⁴⁵ Se kukhukhela ka txikhati txa wutxhanu ni tximwetxo kala ka txa wutxhanu ni mune, txidema txi to fenengeta dotshe ditiko.

Matewu 27:45 Referans Kwoze

Amosi 8:9

Ku na maheka taku, ka ditshiku dileya, kuwomba Mkoma; na maha ta ku ditambo diva hagari se mafu ma maha mtema ngu mbimo ya mitshikari.

Isaya 50:3

Ani na ambeka nzuma ngu txidema, ni yi fenengeta ngu nguwo ya disaka do dhimba.

Mtuletelo 9:2

se yona yi to tula txisofu txa diphala do hokoma, se konaho ku to tuvika wutshi, wo fana ni mdhikila wa hombe wa mndilo, ahawa koza ditambo ni ndengelenga si phumaliswa ngu mhaka ya wutshi wu humako ngu txisofuni ka diphala.

Marku 15:25

I ti txikhati txa wuraru, mbimo yi va nga mu bethela ha txihambanoni.

Mtuletelo 8:12

Se ngelozi ya wunene yi to veta mpundu wa yona. Ku to hokelwa didhawa da wuraru da ditambo, didhawa da wuraru da mtxima, ni didhawa da wuraru da tinyeleti, ahawa koza didhawa da wuraru da sona di phumiswa; se mitshikari wu to luza didhawa da wuraru da kuwonekela ka wona, kufana ni wusiku ni wona.

Johani 19:14

Se i ti ditshiku da kulongisela Pasika ngu mbimo ya kulava kuhoka ka txikhati txa wutxhanu ni tximwetxo. Se a to gela Vajudha, a txi khene: “Mfumeli wanu ndiyo!”

Mithumo 3:1

Pedro ni Johani va to kwela veya Dithepeleni kuya maha mkombelo ngu txikhati txa wuraru txa minova.